Matiu 2:16 - Ata New Testament

¹⁶ No voxo ane Eloti mulavu lexe ane'i tamitema so lavulavu no xale lia loxo no aso uxali mikalavoinu mo mipolo no vote'i vile, la oponu ialuxu manina. Oponu ialuxu la mupalusi'a tavoiou se'i milai no tuala ne Peteliemu xe tuatuala ane no pa'upa'umolu. Mupalusi'a so ive'ave'a tamolomolo tamulu ane takeakeasi mo utelai uxali noxi'a ane tau iexa'a tatamei. Eloti musosovosi'a tamolomolo axone xo anu tei la mutali'isi'a tamitema so lavulavu lexe taoto muxali no voxo aneva manina. Laso tamite­maou mimulinu vaiakalaou mo mive'ave'a tamolomolo.

Matiu 2:16 Referans Kwoze

Mupala'a 17:6

La emaisie sema ne miiexu sialuxa'a tamitemaou Mosinge u'isalili xe sialuxa'a tamitema ane mia'aloxu Iesua. Emaisie lexe miie no anu la loxo misipaki. La talelilili manina.

Matiu 2:1

Ioxe, Malia mivo'onu Iesua no xale lia ne Iutea no tuala ne Peteliemu no mine Eloti muxolu kingisio. Ane mivo'onu la tamitema se'i so lavulavu me'a no anu xale lia no Isiti loxo aso uxali. Me'a nopaxa ne mine'e xo laso mixali ne Ielusalemo.

Matiu 2:7

Ioxe, Eloti mulomusou vaikala anene la mu'avali'a tamitema so lavulavu e so tuala no aso uxali. Xe ane'i mixali noxou la mumunu­munu noxi'a mo muta­li'isi'a so voxo aneva u'isalili e taoto muxali.

Matiu 2:17

Mi anene nene'axu vaikalaou Tatana­nenge e polopetiou Ielemaia mukaukavunu tatei lexe,

Mupala'a 12:4

Xe mumua'inu xela'u la musilapanu tataoto tavu'alo e tavu'alo mipei no lialia mukalusi. La loxo takalipalane'i tataoto pa'usi'a tatalu la pa'usou vile ane mipei milu'e. La mi loxo sineke toxoxu ne mutulu no laxune sema mo so loxo ilie ulapau la uloxu so u'ou.