Matiu 2:13 - Ata New Testament

¹³ Xe ili'i la tamitema so lavulavu milai mukalu, xe Iosepu muxoxolu xo xe muai musaxi. Muai musaxi la angelou Tatananenge mupa noxou la muvikalanu lexe, “Nalutu mo nano'a molomolo olie nenu mo nga'ume ngalai ne Isipi. Mo ngalai ngaxolu ne xo xe ili'i la eni a'avalinela. Xo Eloti ukakamulinu molomolo ne so uvau usoli.”

Matiu 2:13 Referans Kwoze

Ta'aposeli 12:11

Ioxe, mu'umesou Pita la xavu­talaou Pita mupalea mulamana laso mukuluke mo muvikala lexe, “Ai, eni alavu mukalu. Alala'e se'o Mosinge mupalusou angelou ane mune'e so mu'umeleli no avolu Eloti. Mo aloxo 'o la masaxa noxi'a Taiuta so lexe i'oxonu mi ma'ia noxilo ne ulapau vitanisi.”

Ta'aposeli 10:7

Angelo muvi­kalanu mukalu xe mulai, la Koniliasi mu'avali'a tavoiou tamei xe ami vile. Anu ami ne utotomu usu'ulinu no anu xaixai noxou mo anu kalumo mumama'u noxou Mosinge.

Ta'aposeli 5:19

Ia no olovoxosi la angelou Tatananenge mune'e muki­sinu aitengaxu lakalavusu. Mukisinu mukalu laso mulane'i mo muvikala lexe,

Matiu 2:12

Milosou mukalu xe ili'i loxo miai la Mosinge mupela'a no anu ai saxi lexe ane'i ilivu ilai noxou Elotila uasi. Laso ane'i mipolo no vote'i vile so ilivu no tualasi'a.

Matiu 1:20

La Iosepu oponu utulu axonesi, xo la muai musaxi la angelou Tatananenge mupa noxou mo muvikalanu lexe, “Iosepu ilusunu Tevitio. Nano'e Malia so ngolou ngaxolu loxo semameni, na'ume uasi. Xo anu ane uxolu no opone ne anu molu noxou Ulenu Laixesi.

Matiu 2:16

No voxo ane Eloti mulavu lexe ane'i tamitema so lavulavu no xale lia loxo no aso uxali mikalavoinu mo mipolo no vote'i vile, la oponu ialuxu manina. Oponu ialuxu la mupalusi'a tavoiou se'i milai no tuala ne Peteliemu xe tuatuala ane no pa'upa'umolu. Mupalusi'a so ive'ave'a tamolomolo tamulu ane takeakeasi mo utelai uxali noxi'a ane tau iexa'a tatamei. Eloti musosovosi'a tamolomolo axone xo anu tei la mutali'isi'a tamitema so lavulavu lexe taoto muxali no voxo aneva manina. Laso tamite­maou mimulinu vaiakalaou mo mive'ave'a tamolomolo.

Mupala'a 12:14

Ia ane'i milosie sema ne vivisou suluvi nenu so ivava i'ume ilai no xale lia esiesi. La mixolu no tanixe mo mi'a'ane tau ie tatalu xe pa'usou. Mixolu so italumexu mi loxo sineke tatila olele.

Ta'aposeli 16:36

La tatila no anu lakalavusu mulai muvikalanu Polu lexe, “Ane'i tametisitileti mikalanu vaikala mune'e lexe eni apilixi­ngengi ngilou so ngalai. Laso opongengi uai se'isisi mo ngalai.”

Ta'aposeli 10:22

La ane'i mivikalanu lexe, “A Koniliasi e tatila noxi'a ta'ami 100 mupalusixe tene'e 'o. Anu ilixo noxou laixe mo umama'u noxou Mosinge. Ane'i Taiuta mukalusi itaxanu mo ivikala lexe anu itema laixe. Anu mupalusixe tene'e xo angelo laixe vile muvikalanu lexe u'avaline nalai no tasou so ulomusou vaikalameni.”

Ta'aposeli 7:19

Ulavusou Iosepu uasi mo mumaisi'a tatiatilasixe lexe mixali milolutu laso mu'ume'a. Mu'ume'a laso mulosi'a tu'umaxu mo muka­si'a no vaikala lexe ipilixine'i ta'ili'a takeakea so isoisolisi.

Matiu 10:23

Xe loxo tamitema so taoni vile ilosinge tu'umaxu la nga'ume ngasuku ngalai no taoni vile. Xo avikala­ngengi manina lexe, ngakalusou xaixai noxinge so ngamomoxu taotaoni ne Isilaeli uao ia Itema ane molu noxou Mosinge ulivu une'e tei.

Mupala'a 12:6

Ia sema ne mi'ume milai no xale lia esi'esi la mixolu no tanixe Mosinge mulalaxinusie. Mixolu so ane'i ia'a'ane umomomo anu aso 1260.

Mupala'a 12:4

Xe mumua'inu xela'u la musilapanu tataoto tavu'alo e tavu'alo mipei no lialia mukalusi. La loxo takalipalane'i tataoto pa'usi'a tatalu la pa'usou vile ane mipei milu'e. La mi loxo sineke toxoxu ne mutulu no laxune sema mo so loxo ilie ulapau la uloxu so u'ou.

Matiu 2:22

Ia Iosepu mulomu lexe Eloti olu Alekelausi muno'u tanixu mo ukingi ne Iutea laso anu u'ume so ulivu ulai ne. Mo Mosinge mupamuxanu Iosepu no anu ai saxi vile sila mulai no xale lia ne Xalili.

Matiu 2:14

Ioxe, Iosepu mu'avuti mutulu no olovoxo nesi ka muno'a molo­molo olie nenu la milutu milai ne Isipi avile.

Ta'aposeli 12:7

Anu muai sila angelou Tatananenge mupa la lamana muka no ngiou ne. Xe angelo muvau se no alamanu so mutulusou la muvikala lexe, “Ai, napalea natulu.” Sila alaxu vilesisi seni mululu noxou Pita avolu mo mulapau.