Matiu 2:12 - Ata New Testament

¹² Milosou mukalu xe ili'i loxo miai la Mosinge mupela'a no anu ai saxi lexe ane'i ilivu ilai noxou Elotila uasi. Laso ane'i mipolo no vote'i vile so ilivu no tualasi'a.

Matiu 2:12 Referans Kwoze

Matiu 2:22

Ia Iosepu mulomu lexe Eloti olu Alekelausi muno'u tanixu mo ukingi ne Iutea laso anu u'ume so ulivu ulai ne. Mo Mosinge mupamuxanu Iosepu no anu ai saxi vile sila mulai no xale lia ne Xalili.

Matiu 2:19

Ioxe, Iosepuena mixoxolu ne Isipi xo xe Eloti musoli mukalui laso angelou Tatananenge mupa noxou Iosepu no anu ai saxi.

Matiu 2:13

Xe ili'i la tamitema so lavulavu milai mukalu, xe Iosepu muxoxolu xo xe muai musaxi. Muai musaxi la angelou Tatananenge mupa noxou la muvikalanu lexe, “Nalutu mo nano'a molomolo olie nenu mo nga'ume ngalai ne Isipi. Mo ngalai ngaxolu ne xo xe ili'i la eni a'avalinela. Xo Eloti ukakamulinu molomolo ne so uvau usoli.”

Matiu 27:19

Xe anu a utalupexa no anu sia so tiasi noxousio la vaikalaie semau muxali noxou aloxo 'o, “Nini na'oxo mi vile noxou itema mulapusi ne uasi. Xo no olovoxo la emaisou no anu aisaxi la etavulenu tu'umaxusou lapilai uasisi.”

Matiu 1:20

La Iosepu oponu utulu axonesi, xo la muai musaxi la angelou Tatananenge mupa noxou mo muvikalanu lexe, “Iosepu ilusunu Tevitio. Nano'e Malia so ngolou ngaxolu loxo semameni, na'ume uasi. Xo anu ane uxolu no opone ne anu molu noxou Ulenu Laixesi.

Ipilu 11:7

Xo no anu lopalasi laso Mosinge muveletalosou Noa no anu mimi so uxali ili'i la mulomuxu. Xo mimi ne usaxisou uao ia mumama'u laso mulalaxinu lasipi so oli'a ta'olu ixalisou pamauli no anu. Ioxe, lopala noxou Noa ne mupala'anixu ilixo masumasua noxi'a tatemanu lialia lexe opone'i pakia'usi. Ia noxou, la Mosinge mu'osasouxu lopala noxou laso mulemolu lexe anu itema mulapusi.

Ta'aposeli 5:29

Pilisiti tatila muvikala axone mukalu ia Pitaena mikolinu aloxo 'o, “Loxo vaikalai'a tamitema uxililiou vaikalaou Mosinge la nexi tamulinu anene noxou Mosingesi.

Ta'aposeli 4:19

Ia Pita ilou Tioni mikoline'i lexe, “Ngingi menge ngatilovo lexe vote'i aneva laixe no iou Mosinge. Nexi tamulinu vaikala­mengi o vaika­laou Mosingesi?

1 Kolini 3:19

Xo lavulavu laixe so lialia 'o ne anu loxo mi xovulaulau no iou Mosinge. Xo no anu vaikalou mulemolu mi ne aloxo 'o, “Takeleva itovonu so ipamuxane'i tamenexi'a no anu vaikalai'a e ivilasinu. Ia Mosinge molu uuauoixa'a no anu vaikalai'a ne.”

Luku 2:26

Mo Ulenu Laixe mupela'u lexe usoli tei uasi, uxolu xo mo umaisou itema e Tatananenge musosovosou so Kalaisiti uxalio.

Ta'aposeli 10:22

La ane'i mivikalanu lexe, “A Koniliasi e tatila noxi'a ta'ami 100 mupalusixe tene'e 'o. Anu ilixo noxou laixe mo umama'u noxou Mosinge. Ane'i Taiuta mukalusi itaxanu mo ivikala lexe anu itema laixe. Anu mupalusixe tene'e xo angelo laixe vile muvikalanu lexe u'avaline nalai no tasou so ulomusou vaikalameni.”

Ipilu 8:5

Ia mi e ixaxaisou ne anu loxo pikisasou mo loxo xalexu mi maninasou e uxoxolu no tualasou Mosinge. Anu iou vilesisi loxo noxou Mosisi. Xo no voxo anu so utulusou tasou Mosinge laseli la Mosinge muve­letalosou aloxo 'o, “Loxo na'oxonu tani laseli la namulinu u'isalili no anu pikisasou a loxo nemaleisou no la'olu.”