Matiu 19:9 - Ata New Testament

⁹ Mo avikalangengi aloxo 'o. Loxo itema vile semau ilailai vitanisi uasi ia ukusaiesi xe ulai uxolu noxie sema vilela, la anene semau manina uasi, uxolu noxie vitanisi ane.”

Matiu 19:9 Referans Kwoze

Matiu 5:32

Ia avikala­ngengi aloxo 'o. Loxo itema semau ixola'u taula'i no anu ilixo nuni'u uasi ia anu ukusaiesi la anu upalusie no anu ilixo nuni'u ane. Xo loxo ane itaula'ixu itema vilela la anu taula'i maninasou uasi, ixolu noxou vitanisi. Xe itema utaula'ixe sema ane mulue mukusaie tei la anu utaula'ixe manina uasi, anu uxolu noxie vitanisi ane.

Luku 16:18

La anu muvikalane'i lexe, “Loxo itema vile uxotonu taula'i mo ukusaie semau xe utaula'ixe sema vilela la ane semau manina uasi, uxolu noxie vitanisisi. Xe loxo sema vile itaula'i xe ili'i uxoto kaio itema vilela itaula'ixe la anene taula'i manina uasi, ixolu ipita vitanisi ane.

1 Kolini 7:39

Ia aloxo 'o kalumo. Loxo sema vile itaula'i la ilou mulue ixoxolusi, xo taula'i ne usakine'i ilou. Ia loxo mulue usolii laso ane. Loxo imasaxau itaula'ila la anu mi vile uasi, ia itaula'ixu itema ane Tatananenge olusi.

1 Kolini 5:1

Ioxe, a'alo muxali noxilo lexe ilixo vile nuni'u a uxolu no taingengi ne. Mivikalaleli lexe itema vile muno'e momu semau mo uxoxolu noxie. Aloxova? Ilixo nuni'u ne tamitema so isivoxo itavunu ane, ia ngingi to uasi.

1 Kolini 7:4

Xo sema ne mele isaxila'u vasimelemo uasi, mulue usaxila'u kalumo. Xe anu, la molu usaxila'u vasimolumo uasi, mi noxie semau kalumo.

Matiu 19:8

Ia Iesua mukoline'i lexe, “Xo ngingi to, ngingi tami­tema so nga'oxo pai laso maixene Mosisi mupele masaxa no anu vote'i so ngingi ngakusai'a tasema­mengi. Ia tatei mi axone uasisi.

Matiu 19:10

Xe ane'i tatisaipeliou milomu­sou vaikalaou la mivikalanu lexe, “Ai, loxo taula'i anu mi so usakinu itema so uxolu noxie semau avile axonesi la anu masi laixe so utaula'i uasi, uxolu sixelisi.”