Matiu 19:23 - Ata New Testament

²³ Mulai laso Iesua muvikalane'i tatisaipeliou lexe, “Avikalangengi manina aloxo 'o, anu ialuxu manina noxi'a tamitema lamolo­molixa'a so i'unalai ixolu no voxo loxo Mosinge molu u'uli laxune'i tamitemaou.

Matiu 19:23 Referans Kwoze

Matiu 13:22

Xe se'i la ilomusou votovoto kalumo. Ia anu loxo uiti ngiaxu ane mulapau no taitainu lamota ana'anaxu. Xo tamitema ne opone'i ututulu no anu xoluxolu so vasime'a. Mo anu masaxa so lamoli ne u'oxo loloxa'a laso utanuxu vaikala aloxo lamota ana'anaxu mukuponu uiti xolanu mole unene'a uasi.

Maki 10:23

Mulai la Iesua muxiu noxi'a tatisaipeliou la muvikala lexe, “Ai ialuxu manina noxi'a tamitema mimii'a tavu'alo. Ialuxu so i'una ixolu no voxo ane Mosinge molu u'uli laxune'i tamitemaou.”

Luku 18:24

Xe Iesua iou mumulinu tatila ne la muvikala lexe, “Ai ialuxu manina noxi'a tamitema mimii'a tavu'alo. Ialuxu so i'una ixolu no voxo so Mosinge molu u'uli laxune'i tami­temaou.

1 Kolini 1:26

Xo tavivilo, ngingi menge ngaxavutala lexe ngingi tamitema kaini axova ngelomuxu ava noxou Mosinge ne. Xo tavu'alo noxinge ne takeleva no anu mimi so vasimenge uasi. Xe tavu'alo noxinge tatiatila o tamitema so uala tatila uasi.

Tioni 3:3

La Iesua mukolinu lexe, “Eni avikalaneni manina e maninasi, loxo itema vile uxalisou lavulo'o alavua uasi, la vote'i uasi so anu uxolu umaisou voxo ane Mosinge molu u'uli laxune'i tamitemaou.

Tiemisi 2:6

Mo axova, ane'i ta'ei so ilosinge tu'umaxu mo ilavengengi nga'u­nalai no lakoti ka itulusinge no anu vaikala? Ane'i ta'oloxola ane ngalavusou ngapamailane'i? Uasi e, ane'i tamosou lamoli e ngata­xane'i olelesi ane.

Ta'aposeli 14:22

Ilou milivu no tuatuala ne so i'oxonu pakia'a talopala. Mipelototosi'a lexe, “Ngingi masi ngaxolu pakia'inge no anu lopalasi. Xo nenge'a ane so ta'una taxolu no voxo loxo Mosinge molu u'uli laxune'i tamitemaou, ia no vote'isou 'o la tatavulenu tu'umaxusou tavu'alo.”

Tioni 3:5

La Iesua mukolinu lexe, “Eni avikalaneni manina e maninasi, loxo itema vile uvo'ola no anu lexa xe Ulenu Laixe uasi, la anu umomomo uasi so u'una uxolu no voxo ane Mosinge u'uli laxune'i tamitemaou.

Matiu 18:3

La muvikala lexe, “Eni avikalangengi manina aloxo 'o. Loxo ngaxiu avile so ngaxali aloxo tamolomolo uasi, la vote'i uasi so ngingi nga'una ngaxolu no voxo so Mosinge molu u'uli laxune'i tamitemaou no tualasou.

Matiu 5:20

Xo tamitema so lavulavu no anu lo oli'a Tapalisi i'oxo lexe ane'i tamitema talapusi. Ia avikala­ngengi aloxo 'o. Loxo ngingi ngaxali talapu manina so uua'ulixa'a avile uasi, la umomomo uasi manina so nga'una ngaxolu no voxo so Mosinge molu u'uli laxune'i tamitemaou no tualasou.

Matiu 21:31

Ioxe, noxi'a ta'olu tamei ne, la ena'ei noxi'a mumulinu masaxa noxou momu?” La ane'i mikolinu lexe, “A, anu ane tei.” La Iesua muvikalane'i aloxo 'o, “Avikalangengi manina lexe tamitema so itaxusou taxisi oli'a tasema so vote'i masi i'una ixolu no voxo so Mosinge molu u'uli laxune'i tamitemaou, ia ngingila uasi.

Matiu 19:22

Xe maulu ne mulomusou vaikala axone la oponu mutatama xe mulutu mulaisi xo anu itema so muxolu no mimi latanusi.