Matiu 19:21 - Ata New Testament

²¹ La Iesua mukolinu lexe, “Loxo namasaxau lexe ilixomeni uxali laixe loloni la na'oxo aloxo 'o. Nalai nasalimunu mimimeni mukalusi xe lamolisou, la naitii'a tamitema ane lamolixa'a uasi. Laso axone la naxalisou mimi lailaixe no tualasou Mosinge. Naitii'a ukalu la nane'e namulileli.”

Matiu 19:21 Referans Kwoze

Maki 10:21

Iesua musaxisou la musexelaxu misevile. La muvika­lanu lexe, “Mi vile na'oxonu uao. Nalai nasali­munu mimimeni muka­lusi xe lamolisou, la naitii'a tamitema ane lamolixa'a uasi. Laso axone la naxalisou mimi lailaixe no tuala­sou Mosinge. Naitii'a ukalu la nane'e namulileli.”

Luku 18:22

Iesua mulomusou vaikalaou ne la muvikalanu lexe, “Mi vile na'oxonu uao. Nalai nasalimunu mimimeni mukalusi xe lamolisou, la naitii'a tamitema ane lamolixa'a uasi. Laso axone la naxalisou mimi lailaixe no tualasou Mosinge. Naitii'a ukalu la nane'e namulileli.”

Luku 12:33

Laso ngasalimunu mimimengi xe lamolisou la ngaiti'a tamitema ta'oloxola. Xe ngaxalixu mengi ulu'ulu so lamoli ane umomomo so mamuxanu uasi. Ngataxusou mimi lailaixe noxinge ane tasiauxu uasi no tualasou Mosinge. Anene, talasikeli vote'isou ipakalinu uasi xe tamimi ixotosou uasi.

Luku 14:33

Laso anu axone. Loxo vile noxinge uxiunu tumalou no anu mimiou tei uasi la anu umomomo so uxali tisaipelixeli uasi.

Ta'aposeli 2:45

Xo aloxo 'o, loxo vile noxi'a uno'u lamoli so lia o mi ma'ia, la anu uvelunu noxi'a ane'i ane loxo umaisi'a lexe la'ilalixa'a uasi o xoluxolu noxi'a masuasi.

Tioni 12:26

Loxo itema ena'ei so u'oxonu xaixai noxilo la anu masi umulilelisi, mo so loxo eni axolu ne'ei la itema so xaixai noxilo ne uxolu kalumo. Mo loxo itema so u'oxonu xaixai noxilo la Maminge u'itinu itema ne ualasouxu.”

Luku 9:23

Xe muvikalane'i aloxo 'ola, “Loxo itema umasaxa so umulileli la upilixinu masamasaxa noxou. Upilixinu ukalu la ulalaxinu oponu so lexe loxo umulileli xe uxalisou tu'umaxu o mailasou, la u'ume uasi. Anu loxo u'itinu ovu valautu so usoli no anu mo utavulenu so umulilelisi.

Tioni 10:27

Xo ane'i tasipisipi ane tanoxilo la ilomuxu xolileli mo eni alavusi'a xe ane'i ilavusou imulilelisi.

Matiu 5:48

Laso ane, telexu aloxo 'o. Ngingi ngaxolu talapu no anu ngiou ngiou mukalusi a loxo xoluxoluxu Maminge e uxoxolu no tualasou lailaixe.

Luku 16:9

Mo manina, lamoli so lialia anu loxo nuni'u ia laixe loxo ngapamuxanu so uxalixu vote'i so tamitema i'osa­singe. Mo so axone loxo ili'i voxo so lamoli ukalui la tamitema ngelapune'i ne i'avalinge nga'una­lai no anu tatani ane uxolu kaluxu uasi.

Matiu 19:28

La Iesua muvikalane'i lexe, “Eni avikala­ngengi manina aloxo 'o. No voxo loxo mimi uxiu uxali alavuala la Itema ane molu noxou Mosinge utalupexa no anu sia kingi iaxu noxou. Ioxe, laso no voxo anene ngingi ane ngemulileli 'o, ngingi ngatalupexa no anu sia kingi 12 kalumo. Ngatalupexa ne so ngato­ngonu ilixo noxi'a laili 12 noxi'a Ta'isilaeli.

Matiu 16:24

Mukalu la Iesua muvikalane'i tatisaipeliou lexe, “Loxo itema umasaxa so umulileli la upilixinu masamasaxa noxou. Upilixinu ukalu la ulalaxinu oponu so lexe loxo umulileli xe uxalisou tu'u­maxu o mailasou, la u'ume uasi. Anu loxo u'itinu ovu valautu so usoli no anu mo utavulenu so umulilelisi.

Luku 6:40

Itema usikulu uua'ulixu tisaou uasi. Ia loxo usikulu xo xe ukalui laso ane, anu uxali iou vilesisi loxo tisaou ne.

Luku 5:27

Mune'e xe ili'i la Iesua mumua­mua'i xo la musaxisou itema so utaxusou taxisi vile a muxolu no tasou taxisi. Itema ne ualasou lexe Livai. La Iesua muvikalanu lexe, “Nane'e namulileli.”

Maki 8:34

Iesua muvikalanu Pita axone mukalu la mu'avali'a tamitema latala oli'a tatisaipeliou ine'ene'e noxou. La muvikalane'i lexe, “Loxo itema umasaxa so umulileli la upilixinu masamasaxa noxou. Upilixinu ukalu la ulalaxinu oponu so lexe loxo umulileli xe uxalisou tu'umaxu o mailasou, la u'ume uasi. Anu loxo u'itinu ovu valautu so usoli no anu mo utavulenu so umulilelisi.

Matiu 9:9

Ioxe, ili'i la Iesua mumuamua'i mulai xe mumaisou itema vile ualasou lexe Matiu a uxoxolu no tasou taxisi. La muvikalanu lexe, “Nane'e namulileli.” Sila Matiu mu'avuti mumulinusi.

Ipilu 10:34

Xe loxo mikalavusune'i se'i noxinge la tangengixa'a mo nge'oxone'i laixe. Xe loxo taxilili mi'umenu mimi noxinge la nga'apisou uasi. Nge'osa so ngepi­lixinusi xo ngelavu lexe mimi­menge lailaixe ane kaluxusou uasi a mulalaxisinge.

Maki 2:14

Muvotone'i xe mumua­mua'i xo la muxalisou Livai e Alipiusi olu. Livai ne anu itema so utaxusou taxisi la no voxo anene anu a muxoxolu no tasou taxisi. Iesua muxalisou la muvikalanu lexe, “Nane'e namulileli.” Sila Livai mumulinusi.

Matiu 8:22

Ia Iesua mukolinu lexe, “Tami­tema ane misoli mukalu la me'a i'asixa'a tamenexi'a isoisoli, ia loxo nini la namulilelisi.”

Matiu 4:19

La Iesua muvikalane'i ilou lexe, “Ngingi ngolou ngane'e ngamu­lileli. Xo vaimomo 'o ngingi ngataxusi'a tasinana, ia eni alo­soiengi so ngataxusi'a tamitema.”

Matiu 19:20

La maulu ne muvikalanu Iesua lexe, “A lo lo ne eni e'oxonu mukalusi ia no anu ngiou aneva amomoxu avile uao?”

Matiu 19:22

Xe maulu ne mulomusou vaikala axone la oponu mutatama xe mulutu mulaisi xo anu itema so muxolu no mimi latanusi.