Matiu 19:16 - Ata New Testament

¹⁶ Ioxe, itema vile mune'e noxou Iesua la muvikala lexe, “Tisa, eni a'oxonu ilixo ma'ia laixe so ano'u mauli kaluxu uasi?”

Matiu 19:16 Referans Kwoze

Iuti 1:21

Xe ngatulu pumungenge no anu sexela noxou Mosinge so ngaxomaiou voxo so Tatananenge Iesua Kalaisiti u'alaunasinge no anu mauli kaluxu uasi.

Tioni 3:15

I'itinu, laso tamitema ta'ei ilopala noxou la ixalisou mauli kaluxu uasi.

1 Tioni 5:20

Mo telavu aloxo 'ola. Mosinge Olu mune'e mukalu kaio mulama­naninenge so talavusou Mosinge maninasou. La nenge a taxolu nonano noxou Mosinge xe noxou Olu Iesua Kalaisiti. Anu ne Mosinge maninasou xe tava'u mauli kaluxu uasi.

1 Tioni 1:2

Xo Mauli ne mupala'a xe temaisou laso nexi taa'aloxu noxinge. Nexi tapala'anixu Mauli e soko'u mo kaluxu uasi ne xo muxolu noxou Maminge no tuala­sou kaio mune'e mupala'a noxixe 'o.

Matiu 25:46

La ane'i tamitema anene ilai so itavulenu lakolisou susu noxi'a kaluxu uasi. Ia ane'i tamitema talapusi ilai ino'u mauli kaluxu uasi.”

Taitusi 3:7

Kalaisiti muiaiamanenge laso Mosinge mumoxo'inge lexe tamalemalenga no iou. Mo musosovosinge nenge ta'olu lexe taxalisou mauli kaluxu uasi ane talopalanu taxomaiou.

1 Tioni 2:25

Xo mi e Kalaisiti muvavalimasou noxinge ano'osi, a so ulosinge mauli kalu­xusou uasi.

Taitusi 1:2

Mo asu'uline'i so ixolu ilopalanu mauli kaluxu uasi ane Mosinge muvavalimasou tatei loxo mi vile uxali uao. Xo loxo telavu, anu ukalavoi uasi ane.

1 Timoti 6:19

I'oxo axone xo lakolisou ilixo ne la ixalisou i'li'i. Lakolisou ne mauli maninasou.

1 Timoti 6:12

No anu sipoti la tamosou isoa so lexe ena'ei uuini. Ioxe no anu lopala noxine la xavineniou axone mo so mi vile uua'ulixene uasi. Xo mala'o nini nevikala laixe so nepala'anixu lopala noxine no ie'i tamitema latala. Laso natulu pumuxene no anu xoluxolu kaluxu uasi e Mosinge mu'avalinexu ne.

Ta'aposeli 16:30

Mukalu la muno'a ilou milai noale la mutali'isi'a lexe, “Tatiatilao, vote'i so axalisou pamauli axova?”

Lomu 5:21

Xo susu muxalixu soli laso mu'uli laxunenge. Ia vaimomo 'o iaiama noxou Mosinge anu mu'uli'uli avile. Xo no anu ilixo malemalenga noxou Iesua anu Tatananenge la Mosinge muxalixu mauli kaluxu uasi.

Lomu 2:7

La tamitema se'i ne, opone'i ututuluou ilixo laixe. Xo ane'i opone'i utatamasou vote'i so xoluxolu laixe no tualasou Mosinge. Xe imasaxau lexe anu uvikalasi'a laixe mo uvikala lexe isolila uasi. Laso tamitema axone la anu ulosi'a mauli kaluxu uasi.

Tioni 12:25

Loxo itema ena'ei u'osasou mauli noxou so utetelisousi, la maulixu ne usu'a vitanisi. Ia loxo itema ena'ei umatapianu mauli noxou so lialia 'o, la anu utetelisou ulai xo mole kaluxusou uasisi.

Tioni 10:28

La eni alosi'a mauli kaluxu uasi mo ane'i imamulo uasisi xe evile utokine'i ixexe no avolo uasisi.

Tioni 6:68

Ia Saimoni Pita muli­vuxu lexe, “Tatananexi, xo axone la talai noxou ena'eio? Vaikala so mauli kaluxu uasi a uxolu noxine 'osi.

Tioni 6:47

Avikala­ngengi manina e maninasi, ena'ei ane ulopalasi la uxalisou mauli kaluxu uasi.

Tioni 5:39

Ngingi ngalavusou ngaititi so ngakakamuli nonano no anu lavukuou Mosinge xo nge'oxo lexe anene so ngaxalisou mauli kaluxu uasi no anu. La lavukuou nesi so upala'anixilo 'o,

Tioni 4:14

Ia itema ena'ei uie no anu lexa ane eni aitixu la usolioula uasi. Xo lexa aitixu ne uxolu nonano noxou loxo lexa luxu mo u'opu'opu so ulosou mauli kaluxu uasi.”

Matiu 19:29

Xe noxi'a ta'ei ane mipilixinu tasi'a xe tavimovimo'a tamulu xe tasema xe tamami'a xe taneni'a xe ta'ili'a xe xaixa'a xo no anu ualasilo la ixalisou lakolisou upita no latanu e lapilai uasisi. Mo ane'i ixalisou mauli kaluxu uasi kalumo.

1 Timoti 1:16

Mo anene tava'u so Iesua Kalaisiti mupala'anixu iaiama noxou noxilo. Anu ukolinu susu noxilo avile uasi, muxomaieli muxomaieli xo xe elopalae, laso anu oponu so sexela ne mupala'a. Exali loxo pikisa so ulapune'i tamitema mo so ane'i kalumo ilopala noxou mo ixalisou mauli kaluxu uasi.

Matiu 19:26

La Iesua iou mukai'a mo muvikala lexe, “Loxo tamitema me'a la imomomo uasi ane. Ia Mosinge umomomo no anu mimi mukalusi.”

Matiu 19:15

Laso anu mumulaxu avolu no kisikisi'a tamolomolo xo xe mukalu la muxexesou apu ne mo mulai.