Matiu 18:5 - Ata New Testament

⁵ Itema aneva usexelaxu molomolo aloxo 'o so usu'ulinu no anu ualasilo, la anu loxo usexelaxu molomolo nesi uasi. Eni ane.”

Matiu 18:5 Referans Kwoze

Matiu 25:40

Laso kingi ukoline'i lexe, 'Avika­langengi manina aloxo 'o. Mi ma'ia nge'oxonu noxi'a tavivilo tatiatila o tami vitanisi, la nge'o­xonu noxilo ane.'

Xalesia 4:14

La siki no vasimelo ne mulosinge tu'umaxu ia ngingi ngamatapialeli o ngaleve­tesilo uasi. Ngingi nge'o­sasilo mo nge'unaleli noxinge a loxo eni angelou Mosinge o Kalaisiti Iesua anu molu.

Tioni 13:20

Eni avikalangengi manina e maninasi, loxo apalusou ena'ei so u'oxonu xaixai noxilo xe itema vile u'osa so u'unanu, la anu a u'unaleli ne. Xe loxo itema ena'ei u'unaleli la anu a u'unanu anu ane mupalusilo ene'e 'o.”

Maki 9:37

“Itema aneva usexelaxu molomolo aloxo 'o so usu'ulinu no anu ualasilo, la anu loxo usexelaxu molomolo nesi uasi, eni ane. Xe loxo usexelaxo axone, la enisisi uasi. Axone la anu usexelaxu Mamilo e mupalusilo kalumo ane.”

Luku 9:48

La muvikalane'i lexe “Itema aneva usexelaxu molomolo soxu 'o so usu'ulinu no anu ualasilo, la anu loxo usexelaxu molomolo ano'osi uasi. Anu usexelaxo ane. Xe loxo usexelaxo axone, la enisisi uasi. Axone la anu usexelaxu Mamilo e mupalusilo kalumo ane. Xo itema ane uxolu loxo mi vitanisi no taingengi la anu so u'uli laxungengi ane.”

Maki 9:41

Loxo itema vile tanungenge xo ngingi tavaitamixeli eni ane so Kalaisiti 'o, mo utaungenge lexa so ngaiexu la avikalangengi manina aloxo 'o. Itema ne uxalisou lakolisou su'uli mu'oxonu ne.”

Matiu 25:45

Laso anu ukoline'i lexe, 'Avikalangengi manina aloxo 'o. Mi ma'ia nga'o­xonu noxi'a tanoxilo 'o e tatiatila o tami vitanisi uasi, la nga'oxonu noxilo kalumo uasi ane.'

Matiu 7:8

Xo anu ane ulinga la uxalisou lakolisou xe anu ane ukakamuli la mimi upalasi noxou xe anu ane upolopolo la aitenga ukisi noxousi.

Matiu 18:4

Loxo itema vile molu ulu'enu so uxali vitanisi a loxo molomolo soxu 'o, la no anu voxou e no tualasou Mosinge ne, anu so u'uli laxune'i tamenexu ane.

Matiu 18:6

Xe Iesua musolonu aloxo 'ola, “Noxi'a tamolomolo ane ilopala noxilo 'o, loxo itema vile uxovu­lau­lanixu lopala noxi'a la utavulenu tu'umaxusou ane. Xo loxo tami­tema isakinu lavo'o toxoxu ulili no limilaxu ka isu'anu no luaki xe uuo'uo la anu loxo mi vitanisi ane. Ia loxo Mosinge ukolinu susu noxou ne la tu'umaxu e tu'umaxu manina.