Matiu 18:4 - Ata New Testament

⁴ Loxo itema vile molu ulu'enu so uxali vitanisi a loxo molomolo soxu 'o, la no anu voxou e no tualasou Mosinge ne, anu so u'uli laxune'i tamenexu ane.

Matiu 18:4 Referans Kwoze

Tiemisi 4:10

Ngalu'engengi no iou Tatana­nenge laso anu molu u'itingengi.

Luku 14:11

Itema loxo molu u'itinu la anu ulu'e ane. Ia itema loxo molu ulu'enu la uxolu u'uli ane.”

Maki 10:43

Ia mamu so ilixo anene uxolu no taingengi. Xo itema ena'ei noxinge so uxali tatila la vote'isou aloxo 'o. Anu ulu'enu mo so u'oxonu xaixai noxinge latala.

Luku 9:48

La muvikalane'i lexe “Itema aneva usexelaxu molomolo soxu 'o so usu'ulinu no anu ualasilo, la anu loxo usexelaxu molomolo ano'osi uasi. Anu usexelaxo ane. Xe loxo usexelaxo axone, la enisisi uasi. Axone la anu usexelaxu Mamilo e mupalusilo kalumo ane. Xo itema ane uxolu loxo mi vitanisi no taingengi la anu so u'uli laxungengi ane.”

1 Pita 5:5

La ngingi tamaulu kalumo, ngalu'engengi noxi'a tamitema so isaxila'inge ne. Mo ngingi muka­lusi ngalu'engengi so nga'oxonu xaixai noxinge ngato'o. Aloxo Mosinge vaikalaou ulemolu lexe, “Noxi'a tamitema ane me'a i'itine'i la Mosinge uxililiie'i ia noxi'a ane'i ane ilu'ene'i la uiaiama noxi'asi.”

Matiu 18:1

Xe no voxo ne tatisaipeli mine'e mitali'i noxou Iesua lexe, “Ena'ei noxixe ane so u'uli'uli no voxo so Mosinge molu u'uli laxune'i tamitemaou no tualasou?”

Matiu 18:3

La muvikala lexe, “Eni avikalangengi manina aloxo 'o. Loxo ngaxiu avile so ngaxali aloxo tamolomolo uasi, la vote'i uasi so ngingi nga'una ngaxolu no voxo so Mosinge molu u'uli laxune'i tamitemaou no tualasou.

Matiu 18:5

Itema aneva usexelaxu molomolo aloxo 'o so usu'ulinu no anu ualasilo, la anu loxo usexelaxu molomolo nesi uasi. Eni ane.”

Maki 9:34

Mutali'i axone ia mimaila mo mixolu tasiausi. Xo no vote'i la ane'i mi'oto no anu vaikala lexe ena'ei noxi'a u'uli laxune'i.