Matiu 18:10 - Ata New Testament

¹⁰ Laso ngingi ngalaxa'i laixe lexe ngingi ngamatapiane'i ta'aliku moso 'o uasi. Xo eni avikalangengi lexe ta'angelo so isaxila'a a utotomu isaxisou iou Mamilo no tualasou.

Matiu 18:10 Referans Kwoze

Ipilu 1:14

Xo ta'angelou ne ane'i ta'ulenu ane so i'oxonu xaixai noxousi. Anu upalupalusi'a ilailai so isu'uline'i ane'i ane so ixalisou pamauli.

Luku 16:22

Ili'i xe itema oloxola ne musoli la ta'angelo talaixe milaixu noxou Apala'amu so ilou mixolu. Xe itema so lamoli musoli kalumo la tamitema mi'asixu.

Matiu 24:31

Mo piuka utama tatila so upalusi'a ta'angelo­xeli ilailai. Ilailai no anu noti xe sauti xe uesiti xe isiti no loxotolo teletelexu. La ipitane'i tamitema ane Mosinge musosovosi'a lexe tanoxou.”

Luku 1:19

La angelo mukolinu lexe, “Eni Xevilieli a. Eni ane alavusou atulu no laxunu Mosinge. Anu molu mupalusilo ene'e epala'anixu vaikala laixe ano'o noxine a.

Matiu 18:14

Laso anu axone kalumo noxou Maminge e uxolu no tualasou lailaixe. Xo anu oponu ututulu lexe vile noxi'a ta'aliku moso 'o imamulo uasisi.

Matiu 18:6

Xe Iesua musolonu aloxo 'ola, “Noxi'a tamolomolo ane ilopala noxilo 'o, loxo itema vile uxovu­lau­lanixu lopala noxi'a la utavulenu tu'umaxusou ane. Xo loxo tami­tema isakinu lavo'o toxoxu ulili no limilaxu ka isu'anu no luaki xe uuo'uo la anu loxo mi vitanisi ane. Ia loxo Mosinge ukolinu susu noxou ne la tu'umaxu e tu'umaxu manina.

Matiu 2:19

Ioxe, Iosepuena mixoxolu ne Isipi xo xe Eloti musoli mukalui laso angelou Tatananenge mupa noxou Iosepu no anu ai saxi.

Matiu 2:13

Xe ili'i la tamitema so lavulavu milai mukalu, xe Iosepu muxoxolu xo xe muai musaxi. Muai musaxi la angelou Tatananenge mupa noxou la muvikalanu lexe, “Nalutu mo nano'a molomolo olie nenu mo nga'ume ngalai ne Isipi. Mo ngalai ngaxolu ne xo xe ili'i la eni a'avalinela. Xo Eloti ukakamulinu molomolo ne so uvau usoli.”

Matiu 1:20

La Iosepu oponu utulu axonesi, xo la muai musaxi la angelou Tatananenge mupa noxou mo muvikalanu lexe, “Iosepu ilusunu Tevitio. Nano'e Malia so ngolou ngaxolu loxo semameni, na'ume uasi. Xo anu ane uxolu no opone ne anu molu noxou Ulenu Laixesi.

1 Tesalonaika 4:8

Laso loxo itema uxililiou vaikala ano'o la uxililiou vaikalamexi tamitema uasi, uxililiou Mosinge. E mulo­singe Ulenu Laixe a uxolu noxinge ne.

1 Kolini 11:22

Xo axova? Ngingi tatasinge so nga'ou la'ilalingenge mo ngaie lexa­ngenge no anu uasi? Xo loxo 'o io ngingi ngataxanu pita noxou Mosinge uasi. Mo ngingi ngapa­mailane'i ane'i ane xa'a la'ilali uasi. Ai, eni avikala­ngengi so ilixo­ngengi ne axova? Nge'oxo lexe opoleli u'osa­singexu? Uasi to, mi vile no anene so alemolu vaikala so osa uasi.

1 Kolini 16:11

Mamu so se'i ipixeti noxou, ngataxanu vaikalaou. Ngoli'a ngaxolu laixe xo xe so ulutui la ngapilixinu laixe so opongengi laixe noxinge ngato'o. Eni axolu axomaiou xo mo oli'a tavivinge ixali.

Lomu 14:10

Ioxe, laso axova so ngingi se'i ngatilovosi'a tavivinge xe ngingi se'i ngavikalasi'a tavivinge masua? Xo ngalavu uasi lexe nenge mukalusi tatulu no laxunu Mosinge so utilovosinge?

Ta'aposeli 27:23

Eni amitemaou Mosinge mo eni alavusou a'itinu ualasou. Vaimomo 'o no olovoxo la angelou mutulu no pa'umelo mo muvikala lexe,

Ta'aposeli 12:23

Xe Eloti mulomusou vaikalai'a la anu mu'osasou mo mu'itinu no anu. Anu uvikalane'i tamitema lexe i'itinu Mosinge ualasousi uasi. Sila alaxu vilesisi angelou Mosinge muvau mo siki toxoxu muxalisou. Mo tasineke kitukitu mi'ou la musoli avile.

Ta'aposeli 12:15

La tamitema mivi­ka­lane lexe, “Kalavoi, naxovu­laulau mane.” Ia ane miuolotete mo mivikala lexe, “Uasi, anu a noale!” La ane'i mi'oxo lexe, “Masi angelou ane.”

Ta'aposeli 10:3

Xe no voxo vile no mi ne olo'olovoxo no aso iou tatalu la angelou Mosinge vile mupa noxou. Mupa la muvikala lexe, “Koniliasio.”

Ta'aposeli 5:19

Ia no olovoxosi la angelou Tatananenge mune'e muki­sinu aitengaxu lakalavusu. Mukisinu mukalu laso mulane'i mo muvikala lexe,

1 Timoti 4:12

Manina, nini namaulusi ia mamu so tamitema itaxaneni uasi no anu mi anene. Nini naxali loxo pikisa noxi'a talopala no anu vote'i aloxo 'o. Vaikalameni ilou muamua'ixene ulapusi. Xe sexela ilou lopala noxine pakia'usi. Xe xoluxolu noxine malemalengasi.

1 Kolini 9:22

Xe loxo tamitema tane'i mamalaxu so itilovo laixe uasi la eni xoluxoluxo no taine'i axone kalumo. A'oxo axone so alapune'i mo asu'uline'i no anu vaikalaou Kalaisiti kalumo. Laso ane. Loxo axolu no taine'i tami­tema kaini axova la xoluxo­luxo loxo ane'isi. Xo eni akakamulinu vote'i so alapune'i tamitema latala so ane'i ine'e ixalisou pamauli.

Lomu 15:1

Ioxe, nenge se'i ne pakia'inge no anu lopala. Ia ane'i tavivinge se'i ne pakia'a malaxo uasi. Laso nenge ane pakia'inge la taxavutalanengesi uasi. Anu laixe so tanengexa'a mo tasu'uline'i tavivinge ane mamala­xa'asio.

Lomu 14:21

Loxo nga'ou misoposi o ngaie uaini xe loxo u'oxone'i tavivinge itulaki, la laixe loxo nga'oxonu uasi.

Mupala'a 8:2

Xe emalei loxo 'o la emaisi'a ta'angelo 7 e itulu no laxunu Mosinge, la milosi'a piuka 7.

Xalesia 6:1

Ioxe tavivilo, loxo ngalavu lexe susu vile muua'ulixu vile noxinge la ngingi ta'ei Ulenu upamuxa­ngengi ne ngalai se'isisi noxou so ngalovinoxu. Ia ngalaxa'i laixe xo loxo 'o io tovotovo uxalisinge kalumo ane.

2 Kolini 10:10

Xo se'i i'oxo lexe, “O, lapala­pasiou Polu to ne mutu'umaxu mo xavinu. Ia loxo molu uxali la tamaisou lexe anu pelesousi mo vaikalaou papaxe vitanisi.”

2 Kolini 10:1

Ioxe, tamitema se'i ne ito'omelo lexe, “Loxo Polu uxolu no tainenge la pelototo noxou no anu mama'usi. Ia loxo uxolu va'axu la ukalanu vaikala tu'utu'umaxu une'e noxinge to.” Ia eni Polu 'o, akatu noxinge lexe tangengi umulinu Kalaisiti xo anu mulavusou ulu'enu mo oponu lexa noxi'a tamitemasi.

Luku 10:16

Mo musolonu noxi'a tatisaipe­liou ne lexe, “Itema ane ulomu­ngenge la anu ulomuxo ane. Xe itema ane uxiunu tumalou noxinge la anu uxiunu tumalou noxilosi ane. Xe anu uxiunu tumalou noxilo axone la anu uxiunu tumalou noxou Anu ane mupalusilosi.”

Matiu 12:20

Loxo lele'i so ukoa la anu uxola'u avile uasi. Xe lalamo kaxu so usita la anu usitanoxu avile uasi. Anu uxolu uxaxaisou xo mo ilixo ulapu uua'uli avile.

Ipilu 9:24

Xo Kalaisiti u'unalai uasi no anu tasou Mosinge e muxali no avo'a tamitema so loxo pikisasi. Uasi to! Mu'unalai no anu ane maninasou no tualasou Mosinge mo a uxoxolu no iou Mosinge so usosovosinge noxou.