Matiu 17:5 - Ata New Testament

⁵ La Pita a uvikalasio sila sauma vile muvalukeasi musuasi'a. Laso xoli vile molu no sauma ne muvikala lexe, “Ano'o alixeli ane asexalaxu, eni a'osasou misevile. Ngingi ngalomuxu.”

Matiu 17:5 Referans Kwoze

Matiu 3:17

Sila xoli vile molu no loxotolo mulu'e lexe, “Ano'o eni alixeli asexelaxu ane. Eni a'osasou misevile.”

Matiu 12:18

“Ngamalei, ano'o itema so xaixai noxilo e eni melo eilounu. Eni asexelaxu misevile mo taleli u'osasou manina. Eni apilixinu Uleleli noxou mo so anu ulanu vaikala so ilixo ulapu noxi'a tamitema noale'ale.

Maki 9:7

Ane'i mixoxolu la sauma vile mupa mo musuasi'a. Musuasi'a la milomusou xoli vile molu no sauma lexe, “Ano'o alixeli eni asexelaxu misevile. Ngingi ngalo­muxu.”

Tioni 3:35

Maminge use­xe­­laxu Olu misevile la mupi­lixinu mimi mukalusi no avolu.

Maki 1:11

Mukalu la xolinu vile mulu'e no loxotolo lexe, “Nini na'alixeli ne asexela­xene. Eni a'osasine misevile.”

Mupala'a 1:7

Xo ngalomu, ngasaxi utelo. No voxo loxo une'e la upolo no anu sauma ulu'e. Une'e la tamitema mukalusi imaisou no anu ie'i lavo'onusi. La ane'i ane mito'omolu vasimolu la imaisou kalumo. La tamitema no anu lailaili mukalusi no lialia 'o ixavutala mo itatama­sou. Mi anene uxali manina ane.

Luku 3:22

Xe Ulenu Laixe mulu'e noxou la loxo ngiala e utu. Mulu'e la muai noxou. Mukalu la xoli vile molu no loxotolo mo muvikala aloxo 'o, “Nini alixeli asexelaxene ane. Eni a'osasine misevile.”

Ipilu 5:9

Ioxe, lavulavuou so umulinu masaxa noxou Momu mumomomo loloni axone, laso anu muxali tava'u pamauli noxi'a tamitema ta'ei imulinu masaxa noxou. Upa­mauline'i mo so ulosi'a mauli ane kaluxu uasi.

Ta'aposeli 7:37

La itema Mosisi nesi, anu itema ane muvikalane'i tatiatilasinge Ta'isilaeli tatei lexe, 'Mosinge usosovosou polopeti vile loxo eni 'o. Anu molu noxinge u'isalili.'

Tioni 5:37

La Maminge e mupalusilo ne, anu molu mulanu vaikala so upala'a­nixilo. Ia ngingi, la ngalomusou xolinu sevile uasi mo ngamaisou iou lexe axova uasisi.

Kolosi 1:13

Xo tei la nenge texolu no anu xavinu isivoxosi. Ia anu mu'umenenge ka muvulanenge so taxolu no anu laili noxou Olu e usexelaxu so molu u'uli laxunenge.

Epesusi 1:6

Laso nenge ta'itinu iaiama noxou. Xo nenge taxolu noxou Olu ane usexelaxu, laso iaiamasinge mise­vile.

Tioni 3:16

Xo Mosinge musexelaxa'a tatemanu lialia misevile, laso anu mupilixinu Olu e soxu vilesisi. Mupilixinu mo so ane'i ta'ei ilopala noxou la imamulo uasi, ixalisou mauli kaluxu uasi.

Ta'aposeli 1:9

Ioxe, Iesua muvikalane'i axone mukalu la ane'i a isaxisousio la anu mutelai. Mutelai sila sauma vile musu'asou mole imaisoula ua'.

Matiu 17:6

Xe tatisai­peli milomusou vaikala ne la milalusi miai no lia mo ume mukasi'asi.

Mupala'a 14:14

Ioxe, emaleila la emaisou sauma kea vile. La evile loxo itema a mutalupexa no anu. Xe no kisou la ati koli loxo noxi'a takingi. Xe laviso uku anaxu misevile a mutetelisou no avolu.