Matiu 17:12 - Ata New Testament

¹² Ia no anu tali'i noxinge ne la avikalangengi aloxo 'o. Elaitia a mune'e mukalu ia tamitema itongonu uasi, mi'oxonu ili'ilixo masua noxou no anu masama­saxa noxi'a. Xe loxo Itema ane molu noxou Mosinge la utavulenu navunavu no avo'a iou vilesisi axonesi.”

Matiu 17:12 Referans Kwoze

Matiu 16:21

Ioxe, no voxo ne Iesua usoko'u so upela'a tatisaipeliou lexe anu a so ulai ne Ielusalemo so utavulenu tu'umaxu iouiou no avo'a tatiatila noxi'a Taiuta oli'a tapilisiti xe noxi'a tamitema so lavulavu no anu lavuloto. Ukalu la ane'i ivau usoli ia no anu voxo tatalusou la anu utulu umaulila.

Ta'aposeli 4:10

Loxo ngatali'i axone, la ngingi ngoli'a Ta'isilaeli mukalusi ngalavu lamana axo. Itema ane ututulu no laxungengi mo ngamaisou lexe laixenu la muno'u mauli no anu ualasou Iesua Kalaisiti so Nasaleti. Itema anene ngingi ngelilixu no ovu valautu so musoli, ia Mosinge molu mu'umenu mutulusou no anu soli.”

Ta'aposeli 7:52

Xo polopeti aneva ta'ilusungengi mi'oxo laixesou? E uasi! Ane'i mixililiie'i mo mi'oxo­ne'i masua mukalusi. Mo ane'i ane misaxi mu'uli mo mia'aloxu Itema Malemalenga lexe une'e, la mive'ave'a misoisoli. Xe Itema Malemalenga e mia'aloxu ne muxa­li ia ngingi nge'italonu no avo'a tauluaou mo mivau musoli.

Ta'aposeli 2:23

Xe mune'e la Mosinge mu'italonu noxinge so uxali loxo anu mulalaxinu oponu mo mulavu lumamo. Laso ngingi ngepilixinu noxi'a tamitema tamasua so mililinu no ovu valautu so musoli.

Tioni 1:11

Anu mune'e muxolu no anu xale lia so laili noxou mu'isalili ia ane'i so laili noxou ne i'osa so i'unanu noxi'a uasi.

Luku 7:33

Xo Tioni e itema so kelele u'ou pileti mo uie uaini uasi. Sila ngingi ngevikala lexe, 'Iu, ulenu masua uxolu noxou to ne!'

Matiu 21:32

Xo Tioni mune'e noxinge so upela'ingexu vote'i so malema­lenga la ngingi ngalopalanu vaika­laou uasi. Io noxi'a tamitema so itaxusou taxisi oli'a tasema so vote'i la milopalanu. Ioxe, ngingi ngemaisou lopala noxi'a axone ia anene kalumo uxiunu opongengi so ngalopalanu vaikalaou to uasi.”

Matiu 11:2

La Tioni e itema so u'oxonu kelele a muxolu no lakalavusu xe mulo­musou a'alosou xaixai noxou Kalaisiti e mu'oxonu ne. Laso anu mupalusi'a tatisaipeliou milai so itatali'i noxou.

Matiu 8:20

Ia Iesua muvikalanu lexe, “Ta'a'a tavova taxataxasi'a no lia so ixolu no anu. Xe tangiala tasi'a kalumo. Ia Itema ane molu noxou Mosinge anu tanixu so uai uasi.”

Matiu 17:9

Ioxe, oli'a milutu no la'olu mo a ilulu'e la anu muvikalane'i pakia'u aloxo 'o, “Mimi ngesaxisou 'o ngapala'anixu noxou evile uasi, ulai xo mo Itema ane molu noxou Mosinge utulu no anu soli, laso ane.”

Matiu 17:11

La anu mukoline'i lexe, “Ia xo ma'i, anene manina. Mosinge vaikalaou lexe Elaitia u'uli so upaipounu vote'i.

Matiu 17:13

Iesua muvi­kala axone laso anu mupalasi noxi'a tatisaipeli lexe anu muvivi­kalasou Tioni itema so u'oxonu kelele ane.

Matiu 17:22

Mukalu la Iesua oli'a tatisaipeli mipita no xale lia ne Xalili. La muvikalane'i lexe, “Anu Itema ane molu noxou Mosinge la usu'a no avo'a tamitema.