Matiu 16:6 - Ata New Testament

⁶ Xe Iesua mupelototosi'a lexe, “Masi ngamalei laixe. Ngala­xa'inu isiti noxi'a Tapalisi oli'a Tasatusi so opongengi ulai no anu uasi.”

Matiu 16:6 Referans Kwoze

Luku 12:1

Ioxe, mune'e la tamitema tavu'alo e tautauseni mipita mole tainu vile uasi, mimalomaloxo'asi. La Iesua muvikalane'i tatisaipeliou tei lexe, “Ngingi ngalaxa'i laixe no anu isiti noxi'a Tapalisi. A a'oxo latilovosou ilixo so lolo noxi'a to!

Xalesia 5:9

Mo loxo ilemolu, “Anu isiti isusu'a se u'oxonu pileti loloni usoxo kena.”

Maki 8:15

Xe Iesua mupelototosi'a lexe, “Masi ngamalei laixe. Ngalaxa'inu isiti noxi'a Tapalisi oli'a Eloti so opongengi ulai no anu uasi.”

Matiu 16:12

Muvikala axone laso mupalasi noxi'a lexe isiti e mulemolu so ilaxa'i no anu la mi so pileti uasi, anu uvikalasou votovoto noxi'a Tapalisi oli'a Tasatusi.

Luku 12:15

La Iesua muvikalane'i tamitema ne aloxo 'o, “Ngalaxa'i laixe so ngamaxalexu isu'isu iouiou. Xo itema vile masi mimiou ulolotusi ia maulixu temanu uxali no anu anene uasi.”

Matiu 3:7

Ia anu mumaisi'a tavu'alo noxi'a Tapalisi xe Tasatusi ine'ene'e no apu ne so u'oxonu iloxo so kelele noxi'a la muvikala tatila noxi'a aloxo 'o, “Ngingi ne, ngingi nga­xilisi mo nga'oxo loloxa'a tami­tema, ia anu loxo lamalasini masua uxolu no anangene a loxo tasineke tamasua to. Ena'ei muvikalan­gengi so nga'u­mesou voxo so la'ia e unene'e 'o?

Matiu 16:1

Ioxe, ane'i Tapalisi oli'a Tasatusi mine'e mitovonu Iesua mo mitali'i noxou lexe u'oxonu sosovo vile so umaxa'u lexe anu molu no tualasou Mosinge.

Matiu 16:5

Ioxe, Iesua oli'a tatisaipeli milutu milai xalevile no kupa pa'umolu ia tatisaipeli tane'ivulusi so ino'u pileti.

Matiu 16:7

La tatisaipeli me'a mivika­lane'i ngato'o lexe, “Masi muvikala axone xo tano'u pileti une'e uasi.”

Matiu 16:11

Laso axova so ngingi ngalamana uasi lexe eni avikalasou pileti noxinge uasi? Eni avikala lexe ngalaxa'i laixe no anu isiti noxi'a Tapalisi oli'a Tasatusi.”

Tioni 4:33

Laso ane'i tatisaipeli mivikalane'i ngato'o lexe, “Ai masi evile mune'enu xou ani'ani mane, ne?”