Biblia Todo Logo
Bib sou entènèt

- Piblisite -




Matiu 16:21 - Ata New Testament

21 Ioxe, no voxo ne Iesua usoko'u so upela'a tatisaipeliou lexe anu a so ulai ne Ielusalemo so utavulenu tu'umaxu iouiou no avo'a tatiatila noxi'a Taiuta oli'a tapilisiti xe noxi'a tamitema so lavulavu no anu lavuloto. Ukalu la ane'i ivau usoli ia no anu voxo tatalusou la anu utulu umaulila.

Gade chapit la Kopi




Matiu 16:21
31 Referans Kwoze  

Ia no anu tali'i noxinge ne la avikalangengi aloxo 'o. Elaitia a mune'e mukalu ia tamitema itongonu uasi, mi'oxonu ili'ilixo masua noxou no anu masama­saxa noxi'a. Xe loxo Itema ane molu noxou Mosinge la utavulenu navunavu no avo'a iou vilesisi axonesi.”


Milutu xe mixali la mivikala lexe, “Tatila, nexi texavutalanu vaikalaou itema so kalavoi olele e mulemolu loxo muxoxolusio. Mu'oxo lexe, 'Voxo tatalu upolo ukalu la eni atulu amaulila.'


Mo musolonu aloxo 'ola, “Itema ane molu noxou Mosinge anu kalumo une'e so tamitema i'oxonu xaixai­sou uasi. Anu une'e so u'oxonu xaixaisi'a tamitema. Mo une'e so ulotonu tina'uxa'a so susu no anu mauli noxou.”


Ia tei la anu utavulenu tu'umaxu tavu'alo mo tamitema so laili vaimomo 'o ixiunu tumali'aou.


Mo muvikalane'i aloxo 'o, “Kaukavu muai no anu Mosinge vaikalaou lexe anu ane so Kalaisiti utavulenu navunavu tei kaio no voxo tatalu la anu utulu no anu solila.


Xe mukalu la Iesua musoko'u so mupela'a tatisaipeliou lexe ili'i la usoli. Muvikalane'i lexe, “Itema ane molu noxou Mosinge utavu­lenu tu'utu'umaxu tavu'alo ili'io. Mo tatiatila noxi'a Taiuta xe noxi'a Tapilisiti xe tamitema so lavulavu no anu lavuloto ixililiiou. Ixililiiou la ipilixinu noxi'a tamitema so ivau usoli. Usoli mo uai voxo tatalu ka umaulila.”


Ilou mipa no anu iaxu Mosinge mo a mivikalasou nene'axu xaixai noxou Iesua a so uxali loxo usoli ne Ielusalemo.


Iesua a uvivikala axonesio la Iutasi e vile noxi'a tatisaipeli 12 oli'a tamitema latala mine'ene'e mixali. Ane'i a mitetelisou lavilaviso so oto ilou kulukulue. Ane'i tatiatila noxi'a tapilisiti xe tatiatila noxi'a Taiuta mipalusi'a mine'e axone soitetelisou Iesua.


“Ngingi nge­la­vu, voxo tameisi a uxolu so lavilelu so Mosinge Mualasi'a uxali. La ane'i ipilixinu Itema ane molu noxou Mosinge no avo'a tauluaou ka ililixu no ovu valautu so usoli.”


La ane'i tatiatila noxi'a tapilisiti oli'a tatiatila noxi'a Taiuta mito'omolu Iesua no anu vaikala tapiena ia anu ukoli vile uasi.


Eni avikalangengi manina aloxo 'o. Se'i noxinge ane nenge'a tatulu 'o, isoli uao la imaisou Itema ane molu noxou Mosinge une'e mo upala'a no anu tanixu kingi.


Xo Iona ne anu muxolu no anu sinana tanu aso tatalu xe olovoxo tatalu. La anu axone kalumo noxou Itema ane molu noxou Mosinge, xo anu uxolu no anu lialia tanu aso tatalu xe olovoxo tatalu.


Xe Pita mulomu axone la mulaixu Iesua va'axu sevile mo mulavixu lexe, “Tatana­nexi, Mosinge u'apixu mi ne, umomomo so uxalisine uasisi.”


Ioxe, oli'a milutu no la'olu mo a ilulu'e la anu muvikalane'i pakia'u aloxo 'o, “Mimi ngesaxisou 'o ngapala'anixu noxou evile uasi, ulai xo mo Itema ane molu noxou Mosinge utulu no anu soli, laso ane.”


Anu uai 'o uasi, anu mutulu mumauli a loxo molu mulemolu mala'o. Xo ngane'e mo ngamalei, tanixu muai no anu a.


La anu mukoline'i lexe, “Ia xo ma'i. Anene manina. Mosinge vaikalaou lexe Elaitia u'uli so upaipounu vote'isou Itema ane molu noxou Mosinge. Ia anu vaikalaou kalumo lexe Itema anene utavulenu tu'umaxu tavu'alo mo ipilikeousi.


Swiv nou:

Piblisite


Piblisite