Matiu 16:16 - Ata New Testament

¹⁶ La Pita mukolinu lexe, “Nini ane so Kalaisiti a. Nini nami­tema e Mosinge ane umamauli musoso­vosou.”

Matiu 16:16 Referans Kwoze

Matiu 14:33

Xe ane'i ane nonano no pouti mi'i­ti'itinu ualasou mo mivikalanu lexe, “Manina misevile, nini Mosinge Olu ane.”

Tioni 11:27

Sila Malita mikolinu lexe, “Ani Tatanaleli, eni opoleli mulopala lexe nini ane so Kalaisiti ane. Mo elavu lexe nini Mosinge Olu e nene'e no lialia 'o.”

1 Tioni 4:15

Laso loxo itema upala'anixu oponu lexe Iesua anu Mosinge Olu, la anu upalasi lexe Mosinge uxolu utalupexa nonano noxou mo anu uxolu utalupexa nonano noxou Mosinge ane.

Matiu 27:54

Ioxe, tilasi'a ta'ami oli'a ta'ami ane mixolu milosou Iesua ne mimalei lexe uni'uni toxoxu xe mimi e muxali ne la ume mukasi'a. La mivikala lexe, “Ai manina misevile, itema ano'o Mosinge Olu ane!”

1 Timoti 4:10

Mosinge anu a uma­mauli xe anu mosou pamauli noxi'a tamitema latala. Ia tamitema ane upamauline'i ne, ane'i ane ilopalanusi. Mo loxo nenge, la tetulusou lopala noxinge noxousi. Tetulusou lopala noxinge noxou laso maixene xavinenge mo sasaie­ngeou xaixai noxou.

Ta'aposeli 9:20

Ia no voxo ane Ananaiasi muxali noxou la Sauli musoko'u so uvotovoto no anu tatasou lavuloto. Anu muvotovoto lexe Iesua anu Mosinge Olu.

1 Tesalonaika 1:9

Laso loxo taxali ne'ei la ane'i me'a ia'alo. Ia'alo so voxo tei texali noxinge lexe nge'osasou vaikala­mexi. La ngexiunu tumalingeou ilixo so nge'itinu momosinge kalavoi mo vaimomo 'o a ngaxolu ngamulinu masaxa noxou Mosinge maninasou e umamauli.

Matiu 26:63

Ia Iesua muxolu tasiausi. Laso tatila noxi'a tapilisiti muvikalanu lexe, “Io, eni atali'isine no anu ualasou Mosinge umamauli mo nini navikala maninasi. Nini ane so Kalaisiti? Nini Mosinge Olu, ne?”

1 Tioni 5:5

Ani, ena'eisi ane so uua'ulixu xavi no anu lialia? A itema e ulopala manina lexe Iesua anu Mosinge Olusi.

Ipilu 10:31

Ai manina misevile, loxo itema uxolu uxomaiou Mosinge so ukolinu susu noxou la oponu u'ume mo kalaua avile.

Lomu 1:4

Mo anu Mosinge Olu manina kalumo xo Ulenu Laixe mupela'ingexu no anu xavi noxou. Mupela'ingexu no anu vote'i e so mutulusou mu'umenu Iesua Kalaisiti anu Tatananenge no anu soli.

Maki 14:61

Ia Iesua muxolu tasiausi mo ukolinu vaikala vile uasi. Ioxe, pilisiti tatila mutali'isou aloxo 'ola, “Nini Kalaisiti ane Mosinge U'uli'uli Olu?”

Tioni 20:31

Ia mimi ano'o mukaukavu muai aloxo 'o mo so ngingi ngalopala lexe Iesua anu ane so Kalaisiti e Mosinge Olusi. Xe loxo ngalopala la ngaxalisou mauli no anu ualasousi.

Tioni 1:49

Sila Natanieli muvikala noxou lexe, “Tisa, manina, nini Mosinge Olu. Nini nakingi noxixe Ta'isilaeli.”

Ipilu 12:22

Ia loxo ngingi, la ngexali no anu la'olu Saioni mo no anu taoni noxou Mosinge e umamauli. Taoni e Ielusalemo so tualasou. Mo noxi'a ta'angelo i'osa'osa tautauseni e tautausenisi.

1 Timoti 3:15

Ia talavu uasi, masi mi vile utanuxo so axali palea noxine uasi. Laso maixene ekaukavu 'o so nalavu lexe xoluxoluxa'a Mosinge ta'olu laixe axova. Xo tamitemaou Mosinge ne ane'i tasou ane. Mo pita noxou Mosinge ane umauli ne anu utulu pakia'usi xo anu loxo posi so utavulenu vaikala manina.

1 Tioni 5:20

Mo telavu aloxo 'ola. Mosinge Olu mune'e mukalu kaio mulama­naninenge so talavusou Mosinge maninasou. La nenge a taxolu nonano noxou Mosinge xe noxou Olu Iesua Kalaisiti. Anu ne Mosinge maninasou xe tava'u mauli kaluxu uasi.

2 Kolini 6:16

Mo axovala, nenge ta'unanu momosi'a kalavoi no anu tasou Mosinge? Uasi to! Xo nenge a tasou Mosinge e umamauli. Mi ne Mosinge mulemolu tatei aloxo 'o, “Eni axolu nonano noxi'a mo amuamua'i no taine'i. La eni axolu a Mosi'a xe ane'i ixolu tami­temaxeli.”

2 Kolini 3:3

Xe anu upalasi lexe ngingi ne lapasi ane Kalaisiti molu mukaukavunu ka mupolonu no avoxe 'o. Ia anu uno'u mi loxo peni so lapasiou ne uasi, mukaukavunu a noxou Ulenu Laixesi. Xe umakinu vaikala no anu lavo'o alelaxu uasi, mukauka­vunu avile no anu opone'i tami­tema.

Ta'aposeli 14:15

“Ai tami­temao, loxova so nga'oxonu mi ane xo ne? Nexi 'o nexi tami­temasi, nenge nenge'a ienge vilesisi. Nexi noxou tene'e so taa'alomengixu vaikala laixesi mo so ngapilixinu ili'ilixo vuluvulusi aloxo nga'oxonu 'o. Ngapilixinu mo ngaxiungengi noxou Mosinge ane anusisi a uxoxolusi. Anu Mosinge ane mu'oxonu loxotolo ilou lialia xe luaki oli'a tatemanu.

Matiu 4:3

Mukalu la anu mosou tovotovo muxali noxou la muvikalanu lexe, “Ai, loxo nini Mosinge Olu manina la navikala mo lavolavo'o uta'olu 'o uxiu uxali pileti.”

Ta'aposeli 8:36

La ane'i a ilalai no vote'i xe mixali no lexa la itema tila ne muvikalanu Pilipi lexe, “Namalei, lexa ano'o. Mi vile u'apinenge so na'oxonu ilixo so kelele noxilo uasi, ne?”

Tioni 6:69

Xe nexi telopala mo texalisou lavulavu mukalu lexe nini ninisisi ane malemalenga mene noxou Mosingesi.”

Matiu 1:16

La Iakovo muxalixu Iosepu e Malia mulue. Ioxe, Malia ne mivo'onu ilie Iesua. Iesua ne tamitema ilemolu lexe Kalaisiti xo anu Itema so pamauli e Mosinge musoso­vosou.

Matiu 16:15

La anu muta­li'ilasi'a lexe, “Xe ngingi? Ngaxa­vutala lexe eni ena'eio?”

Luku 2:11

Xo no anu taoni noxou Teviti la sema vile mivo'o mo ilie ne anu so upamau­lingengi. Anu ane Mosinge muso­so­vosou so Kalaisiti mo anu Tatananenge ane.

Tioni 6:57

Maminge anu tava'u mauli a mupalusilo ene'e mo amamauli 'o xo a noxousi. La anu axonesi noxou itema aneva u'ani'ani noxilo xo anu kalumo umamauli la tava'u a noxilosi.

Tioni 6:68

Ia Saimoni Pita muli­vuxu lexe, “Tatananexi, xo axone la talai noxou ena'eio? Vaikala so mauli kaluxu uasi a uxolu noxine 'osi.

2 Kolini 1:19

Xe nexi noxi'a Sailasi mo Timoti texolu no taingengi la tevotongengixu Mosinge Olu e Iesua Kalaisiti. Mo mulamana noxinge lexe ani xe uasi upita noxou kalumo uasi. Noxou, la mi ma'ia ulemolu ne ani no anusi, uxiunu oponu uasi.

Ipilu 3:12

Laso tavivilo ngalaxa'ingenge laixe xo loxova, masi se'i no taingengi isusu no opone'i so ilopala uasi mo ixiunu tumali'aou Mosinge e umamauli.

Ipilu 9:14

Ioxe, anene vote'i so malemalenga tei. Ia loxo sialuxu Kalaisiti la lailaixe mo uua'ulixu anene laso xaixai no anu uua'ulixu ane tei avile kalumo. Xo Ulenu ane kaluxusou uasi mupa­muxanu so mupilixinu maulixu malemalenga noxou Mosinge. Laso sialuxu uxaxaisou vasime­ngesi uasi, ulai avile no tanenge so u'uinu mo u'oxonu uai laixe. Mo so tatalo no anu xaixai ane mauli no anu uasi mo ta'oxonu xaixai noxou Mosinge e umamauli.

Mupala'a 7:2

Xe emaleila sila angelo vile molu loxo no aso uxali mune'e. Anu mutetelisou sosovo vile. Sosovo ne anu noxou Mosinge e umamauli. Mune'e la mu'ava tatila noxi'a ta'angelo tami'a e Mosinge mulosi'a xavi so imamulonu lialia ilou luaki.

Ta'aposeli 8:37

Pilipi mutali'isou lexe, “Xo nini nalopala no oponeni lexe vaikala e elemolu noxine manina?” La itema ne mukolinu lexe, “Ani, eni alopala lexe Iesua Kalaisiti ne anu Mosinge Olu manina.”