Matiu 16:13 - Ata New Testament

¹³ Mukalu la Iesua mulai no xale lia ne Sisalia Pilipai. La no voxo anene mutali'isi'a tatisaipeliou lexe, “Itema e molu noxou Mosinge, tamitema ivikala lexe anu ena'eio?”

Matiu 16:13 Referans Kwoze

Tioni 5:27

Anu ne Itema ane molu noxou Mosinge, laso Maminge mulosou xavi no anu tanixu e so utilovosou kaio ukolinu susu noxi'a tamitema.

Matiu 9:6

Ia eni emasaxa lexe ngingi ngalavu lexe Itema ane molu noxou Mosinge uxoxolu no lialia mo xavinu so ukalusou tina'u so susu.” Anu muvikalane'i tami­tema so lavulavu axone mukalu la muvika­lanu itema e xixinu musoi­soli ne lexe, “Nini natulu xe nano'u lusine mo nalai no tasine.”

Matiu 13:37

La anu muvikalane'i lexe, “Itema mutapu'u uiti ngiaxu laixe ne anu Itema ane molu noxou Mosinge.

Matiu 12:8

Xo Itema ane molu noxou Mosinge anu Tatananu Voxo so Ma'ila ne.”

Matiu 8:20

Ia Iesua muvikalanu lexe, “Ta'a'a tavova taxataxasi'a no lia so ixolu no anu. Xe tangiala tasi'a kalumo. Ia Itema ane molu noxou Mosinge anu tanixu so uai uasi.”

Ta'aposeli 10:38

Ngingi ngelavu lexe Mosinge musosovosou Iesua so Nasaleti. Musosovosou no anu mi ne Ulenu Laixe muxolu noxou mo mulosou xavi. Mo anu muxixao so u'oxone'i tamitema laixe mo upamauline'i tamitema ane Uluaou mukasi'a. Anu mumaxa'u axone lexe Mosinge a muxolu noxou.

Ta'aposeli 7:56

La Sitiveni muvikala aloxo 'o, “Ai, ngamalei. Eni amaisou loxotolo mukisi. Mo Itema ane molu noxou Mosinge a ututulu no anu Mosinge avolu tema.”

Tioni 12:34

La tamitema latala ne milivuxu lexe, “No anu lavuku so lo la upela'ixe lexe anu ane so Kalaisiti loxo uxali la uxolu kaluxu uasi. Laso axova so nevikala lexe tamitema i'itinu Itema ane molu noxou Mosinge ulili teitexi? Mo Itema ane molu noxou Mosinge ne, a ena'ei manina?”

Maki 10:45

Mo musolonu aloxo 'ola. “Anu Itema ane molu noxou Mosinge kalumo une'e so tamitema i'oxonu xaixaisou uasi. Anu mune'e so u'oxonu xaixaisi'a tamitema. Mo mune'e so ulotonu tina'uxa'a so susu no anu mauli noxou.”

Maki 8:38

Xo tamitema no voxo ano'o milailai vitanisi va'axu noxou Mosinge mo opone'i utulu no anu sususi. Laso maixene ane'i tavu'alo imaila so imulileli mo ane'i ixiunu tuma­li'aou vaikalaxeli. I'oxo axone ia ili'i la Itema ane molu noxou Mosinge une'e no anu iaxu Momu mo oli'a ta'angelo talaixe ane. Une'e axone laso ane'i ane mixiunu tumali'a noxou vaimomo 'o, la anu ukoline'i mo uxiunu tumalou noxi'a ane.”

Matiu 25:31

Ioxe, Iesua muvikala aloxo 'ola, “Voxo so lailivuxu Itema ane molu noxou Mosinge la une'e aloxo kingi. Xo une'e la oli'a ta'angelou mukalusi so utalupexa no anu sia kingi noxou.

Matiu 15:21

Ioxe, Iesua muxexesou tuala ne mo mulai no xale lia ne Taili xe Saitoni.

Matiu 13:41

Xo Itema ane molu noxou Mosinge upalusi'a ta'angelou no taine'i tamitema ane so anu molu u'uli laxune'i ne. Upalusi'a so itaxusi'a ane'i ane iolexa'a tame­nexi'a no anu susu xe ane'i ane ilixone'i upolo va'axu. Itaxusi'a so ixexene'i ne avile.

Matiu 12:32

Mo itema loxo uvikala masuaou Itema ane molu noxou Mosinge la vote'i uxolusio so susu noxou ne uiasi. Ia itema ane upupuiou Ulenu Laixe la vote'i so susu anene uiasi uasisi. Tina'u so susu anene uxolu vaimomo 'o mo ulai avile no anu voxovoxo ili'i.”

Tioni 3:14

Xe Iesua musolonu aloxo 'ola, “Tatei Mosisi mu'itinu sineke valasi no xale lia esi'esi, la anu axonesi noxou Itema ane molu noxou Mosinge xo tamitema iitinu teitexi.

Tioni 1:51

Mo musolonu aloxo 'ola, “Avikala­ngengi manina e maninasi, ili'i la ngamaisou tualasou Mosinge ukisi mo ta'angelou Mosinge ilulu'e itetelo noxou Itema ane molu noxou Mosinge.”

Matiu 12:40

Xo Iona ne anu muxolu no anu sinana tanu aso tatalu xe olovoxo tatalu. La anu axone kalumo noxou Itema ane molu noxou Mosinge, xo anu uxolu no anu lialia tanu aso tatalu xe olovoxo tatalu.

Matiu 16:27

Xo Itema ane molu noxou Mosinge une'e ili'i no anu iaxu Momu. Une'e la oli'a ta'angelou so ukoline'i tamitema u'isalili no anu ilixo noxi'a.

Matiu 16:28

Eni avikalangengi manina aloxo 'o. Se'i noxinge ane nenge'a tatulu 'o, isoli uao la imaisou Itema ane molu noxou Mosinge une'e mo upala'a no anu tanixu kingi.