Matiu 15:6 - Ata New Testament

⁶ Mo no anu anene la ngatanuxu vote'i so tamitema itaxa­ne'i tamami'a tane­ni'a to! Laso ane, ngingi ngalu'enu vaika­laou Mosinge so nga'itinu lavuloto e ngingi menge ngexali­xumo.

Matiu 15:6 Referans Kwoze

1 Timoti 5:8

Mo loxo itema vile usaxila'a ta'olu xe tatulanu uasi la anu loxo muxiu tumalou no anu lopala na'a nenge. Mo susu noxou ne uua'ulixu susu noxi'a tamitema so isivoxo to!

Maki 7:13

Laso ane. Ngamulinu lavuloto noxi'a ta'ilusungengi ane mune'e muxali noxinge mo ngexalixu vaikalaou Mosinge lexe mi vitanisi. Mi anene nge'oxonu no anu vote'i vilesisi anene uasi, nge'oxonu no anu votevote'i tavu'alo to!”

1 Timoti 5:16

Ioxe, loxo sema vile mulue usoli la tatulane Mosinge ta'olu me'a isaxila'e. Ilopala no anu pita noxou Tatananenge uasi xo axone la ialuxu xo tasema tavu'alo ane. Ia loxo ane'i vilevilesi isaxila'a tatulane'i, laso pita usaxi u'isalili noxi'a tasema ane tatulane'i uasi.

Lomu 3:31

Laso axova? Loxo talopala noxou Iesua la anu ulu'enu lo lexe anu mi vitanisi? Uasi, lopala noxinge ne uvalaxu lexe maninasou.

Matiu 15:5

Ia ngingi la ngexiunu lo ne mo ngavikalane'i tamitema lexe, 'Ai, laixe so ngasu'uline'i tamaminge oli'a tane­ninge no anu lamoli ia umomomo uasi, xo anu masi ngasosovosou lexe noxou Mosi­ngesi.'

Matiu 15:7

Ngingi tamitema so kala­voi to! Vaikalaou polopeti Aisaia manina xo mukaukavu tatei lexe,