Matiu 14:9 - Ata New Testament

⁹ Xe kingi mulomu la oponu tu'umaxu ia anu muxavutala lexe, “Ai evavalima mo esakinu no anu vaikalaxeli. Mo loxo amulinu uasi la atavulenu maila no ie'i tamitema e noxi'a ta'ani'ani 'o.” Laso anu mupele masaxane vuanga.

Matiu 14:9 Referans Kwoze

Luku 13:32

La Iesua muvi­kalane'i lexe, “Ngingi ngalai ngavikalanu a'a vova ne aloxo 'o. 'Nalomu, vaimomo xe ne'iela la akusai'a ta'angelo tamasua mo apaipoune'i tapipiena. Xe no anu voxo ualisa laso ane, axalisou mi e opoleli a ututuluou.'

Maki 6:26

Kingi mulomusou vaikalaie axone la anu oponu tu'umaxu misevile. Ia anu muxavutala lexe, “Ai, eni evavalima no ie'i tatiatila e noxi'a te'ani'ani 'o. Laso loxo amulinu linga noxie uasi la atavulenu maila tatila ane. Eni vote'i so axililie uasi.”

Maki 6:20

xo Eloti mumama'u noxou Tioni. Mumama'u xo mulavu lexe anu itema ulapu mo ilixo noxou malemalenga no iou Mosinge. Laso anu mu'utululunu Tioni so umasua uasi. Xe loxo mulomusou vototovo noxou Tioni la anu mu'avutinoxu oponu mo tanulili. Ia anu mu'osa so ulomu­sousi.

Maki 6:14

Ioxe, mune'e la tamitema tapiena no tuatuala milavusou ualasou Iesua. La anu Kingi Eloti kalumo mulomusi'a tamitema ivikalasou lexe, “Mane Tioni e itema so u'oxonu ilixo so kelele mutulu mumaulila ne. Laso maixene anu umomomo so u'oxonu sosovo so xavi 'o.”

Matiu 14:5

Xe Eloti muma­saxau so ivau Tioni usoli ia mu'ume'a tamitema latala xo ane'i mukalusi opone'i lexe Tioni ne anu polopeti.

Matiu 14:1

Ioxe, no voxo ne la tila no anu xamani e Eloti mulomusou a'alosou Iesua.

Matiu 14:8

La Elotiasi e vuanga ne nenie mipalo mata­nane laso mivikalanu Eloti lexe, “Eni amasaxau lexe nini namulaxu kisou Tioni e itema so kelele no anu lapelete ka nane'e nalosilo.”

Matiu 14:10

La mupalusou voiou vile so ulai no tasou lakalavusu mo uvikalane'i ta'amiou ne lexe ixotonu Tioni xolanu.