Matiu 13:44 - Ata New Testament

⁴⁴ Xe muvikalala lexe, “Voxo so Mosinge molu u'uli laxune'i tamitemaou no tualasou la aloxo kesi so lamoli e mi'asixu so mitalumeu no xai vile. Xe itema vilela loxo uxalisou la utalumeula. Mukalu la anu u'osasou misevile mo ulai usalimunu mimiou mukalusi so lamolisou la ulotonu xai ne.”

Matiu 13:44 Referans Kwoze

Kolosi 2:3

Xo vaikala mo lavulavu mu'asi'asi mukalusi uta'olu noxou Kalaisiti aloxo itema mimiou lailaixe mo lamoliou uai utalume no anu kesisou.

Luku 14:33

Laso anu axone. Loxo vile noxinge uxiunu tumalou no anu mimiou tei uasi la anu umomomo so uxali tisaipelixeli uasi.

Matiu 6:21

Xo tanixu mimi lailaixe noxinge uai no anu ne'ei ne, la anene tanixu so oponge­ngi ututuluousi.

Matiu 19:29

Xe noxi'a ta'ei ane mipilixinu tasi'a xe tavimovimo'a tamulu xe tasema xe tamami'a xe taneni'a xe ta'ili'a xe xaixa'a xo no anu ualasilo la ixalisou lakolisou upita no latanu e lapilai uasisi. Mo ane'i ixalisou mauli kaluxu uasi kalumo.

Mupala'a 3:18

Laso apelototosinge aloxo 'o. Ngane'e noxilo so ngaxalisou koli e navu mu'elaxu so uxexenu mimi masua no anu. Ngaxalisou laso ane, ngaxolu no latanu mimi lailaixe ne. Xe ngaxalisou lavuluti kea so ngasu'asinge no anu mo so ngamailamulinu vasimenge vita­nisi ne uasi. Xe ngaxalisou lamalasini mo ngamulaxu no iengi so ngasaxisaxi.

Matiu 19:27

La Pita muvikalanu lexe, “Xo namalei, nexi tepilixinu mimi so xoluxolu noxixe tei. Tepilixinusi ka temulineni 'o. Laso mi ma'ia so nexi taxalisou ili'i?”

Matiu 19:21

La Iesua mukolinu lexe, “Loxo namasaxau lexe ilixomeni uxali laixe loloni la na'oxo aloxo 'o. Nalai nasalimunu mimimeni mukalusi xe lamolisou, la naitii'a tamitema ane lamolixa'a uasi. Laso axone la naxalisou mimi lailaixe no tualasou Mosinge. Naitii'a ukalu la nane'e namulileli.”

Lomu 15:4

Tatei mikaukavunu vaikala tavu'alo no lavukuou Mosinge. Vaikala ma'ia mikauka­vunu ne anu so upelototosinge. Laso loxo talomuxu la anu u'oxonu oponenge uai se'isisi. Uai se'isisi mo so tatulu pakia'inge mo talopalanu voxo so xoluxolu laixe ili'io.

Matiu 13:24

Ioxe, anu mu'oxonu latilovo vilela noxi'a lexe, “Alulusou voxo so Mosinge molu u'uli laxune'i tamitemaou no tualasou aloxo 'o. Anu loxo itema vile mupeinu uiti ngiaxu laixe so utapu'u no xai.

Ipilu 10:34

Xe loxo mikalavusune'i se'i noxinge la tangengixa'a mo nge'oxone'i laixe. Xe loxo taxilili mi'umenu mimi noxinge la nga'apisou uasi. Nge'osa so ngepi­lixinusi xo ngelavu lexe mimi­menge lailaixe ane kaluxusou uasi a mulalaxisinge.

Tioni 6:35

La Iesua muvikala lamana lexe, “Pileti so mauli ne a eni 'osi. Itema aneva une'e noxilo la usolixula uasi. Xe itema ane ulopala noxilo la usoliou lexala uasi.

Kolosi 3:16

Xe nga'ita­longengi so vaikalaou Kalaisiti uxolu upalava no tangengi. La ngingi vilevilesi ngavotongengi mo ngapelototo­singe ngato'o no anu vaikala mu'asi'asi. Xe ngalexenu lexe no anu Lavuku so Lexelexe mo lexe ane so u'itinu Mosinge ualasou mo lexe ane Ulenu u'avutinoxu no opongengi so ngavikala laixe noxou Mosinge.

Matiu 13:46

Ukaka­mulinu xo xe umaisou vile ane lamolisou mutiatila musuku laso ane. Anu ulai usalimunu mimiou mukalusi so lamolisou la ulotonu xapo peli lailaixe ne.”

Matiu 13:47

Xe muvikala aloxo 'ola, “Voxo so Mosinge molu u'uli laxune'i tamitemaou no tualasou la aloxo 'o kalumo. Anu loxo kae ane tamitema isu'anu ulu'elai no luaki so ilapune'i tasinana iouiou.