Matiu 13:25 - Ata New Testament

²⁵ Ia no olovoxo loxo tamitema a miai mukalu la uluaou itema ne mutoke mune'e ka mupeinu laxalasi masua sesenu no taitainu uiti sika mulai.

Matiu 13:25 Referans Kwoze

1 Pita 5:8

Ngingi ngaxolu xavutalamengi lamanasi mo ngalo laixe. Xo Uluaou Mosinge anu uluamengi kalumo, la anu loxo misoposi vova e laioni. Talaioni ixixao i'unga'unga so ikakamuline'i tami ma'ia so ii'a, la Uluaou anu axonesi xo uxixao ukakamuline'i tamitema so uma­mulone'i.

2 Pita 2:1

Tatei la tapolopeti kalavoi se'i mi'avuti no taine'i Ta'isilaeli. La anu axonesi, xo tatisa kalavoi se'i masi ixali no taingengi ka ipakisinoxu votovoto kalavoi u'una so umamulonu lopala noxinge. Tamitema anene Tatananenge mupilixinu lapesi'a kalumo ia ane'i ixililiousi mole me'a ixalixu mamulosi'a paleasi.

Matiu 13:39

Xe itema uluaou ane mupeinu laxalasi masua sesenu no xai ne a Mosinge Uluaou. Xe voxo so mi'elesou uiti lingamo ne a kaluxusou lialia. Xe tamitema so mi'elesou ne a ta'angelo talaixe 'osi.

Mupala'a 12:9

Laso mikusaou mi loxo sineke tatila ne. Anu ane talemolu lexe Uluaou. Anu muxolu tatei mune'e avile vaimomo 'o xe anu mosou so u'oxo loloxa'a tatemanu lialia mukalusi. Miku­saou no tualasou Mosinge la oli'a ta'angelou.

Ipilu 12:15

Xe ngalaxa'ingenge laixe xo loxo 'o io se'i noxinge ine'e alai no anu iaiama noxou Mosinge sika ilapau ilivusi. Xe mamu so vuvulu'u masua uleme no taingengi mo uxalixu nene'axu sixula. Xo axone la uxalixu tu'utu'umaxu tapiena mo susu ne usuku noxinge tavu'alo.

Matiu 25:5

Milai xe itema mutaula'i alavua olele une'e palea uasi la mixomaiou xo mole ie'i muvuvu sila miai.

Xalesia 2:4

Ia se'i ane ikalavoi lexe ane'i tavivinge kalumo mipakisi mi'una noxixe so milakokongonexe no anu xoluxolu lalavusi texalisou noxou Kalaisiti Iesua. Xo opone'i lexe ikalavusu­nenge no anu lo so taxali loxo tasilevila.

Mupala'a 2:20

Ia mi vile a'osasingexu uasi aloxo 'o. Sema e Ieseveli ixolu no taingengi mo ikalavoi lexe ane sema so pela'a. Ane i'unanu tane noxi'a tamitema so xaixai noxilo mo ilapune'i no anu susu so ilailai noxi'a tasema vitanisi mo i'ou misoposi ane tamitema milosi'a momosi'a kalavoi. I'oxo axone ia iengi si'isou ilixo noxie mo nga'apixe no anu to uasi.

Mupala'a 13:14

Mosinge mu'italonu so u'oxonu sosovo so xavi axone no iou mi vova ane tei. Mo so axone la anu u'oxonu loloxa'a tatemanu lialia la mupalupalusi'a aloxo 'o. Mupalu­si'a lexe ane'i i'oxonu mi vile ane usaxi loxo mi vova ane tei so i'itinu ualasou. Mi vova e mito'omolu no anu laviso so oto ia mumauli mo tanixu muvesasi.

Matiu 13:24

Ioxe, anu mu'oxonu latilovo vilela noxi'a lexe, “Alulusou voxo so Mosinge molu u'uli laxune'i tamitemaou no tualasou aloxo 'o. Anu loxo itema vile mupeinu uiti ngiaxu laixe so utapu'u no xai.

Matiu 13:26

Ioxe, ili'i uiti ngiaxu muleme mo munene'a ia laxalasi masua a mupala'a no taitainu kalumo.

Matiu 13:27

Laso ane'i tauokuvoiou mosou xai milutu milai noxou mo mivikalanu lexe, 'Tilao, nexi telavu lexe netapu'u uiti ngiaxu laixesi no xaixene. Ia axova so laxalasi masua muleme kalumo 'o?'

Matiu 13:29

Ia anu mu'oxo lexe, 'Uasi. Xo loxo 'o io ngaluvusou laxalasi masua la ilou uiti ane.

Matiu 13:30

Ta'oxo aloxo 'o. Ngapilixinu uxolu mo ilou ileme xo mo uiti lingamo. Xe no anu voxo so tamitema so i'elesoui la eni avikalane'i lexe tei ane'i itaxusou laxalasi masua ka isa­kinu tavata­valanu so i'elaxu no navusi. Ukalu la i'elesou uiti temanu mo ita'olunu no tasou iauvaxe noxilo.'”