Matiu 13:23 - Ata New Testament

²³ Ia tamitema se'i ne opone'i uloxu Mosinge vaikalaou mo ikasou lexe manina. Anu loxo uiti ngiaxu ane mulapau no anu lialia laixe. Ikasou lexe manina laso xoluxolu noxi'a uxalixu nene'axu laixe loxo uiti ane muleme mo muxalixu nene'axu laixe. Se'i ne nene'axu 100 xe se'i nene'axu 60 xe se'i nene'axu 30.”

Matiu 13:23 Referans Kwoze

Pilipai 1:11

Xe ilixo ulapu ane molu noxou Iesua Kalaisiti uxalixu nene'axu mo uana'ana noxinge. Mo so tamitema imaisou la itoxu Mosinge mo i'itinu ualasou.

Tioni 15:16

Ngingi ngailouleli uasi, eni melo eiloungengi ane. Xe mukalu la esosovosinge so lexe ngingi ngalailai mo ngaxalixu nene'axu ane so uxolu avile. Laso loxo mi ma'ia ngalingau noxou Maminge no anu ualasilo la anu ulosingesi.

Matiu 12:33

Ioxe, Iesua mu'oxonu latilovo aloxo 'o, “Loxo ovu laixe la uxalixu nene'axu laixesi. Xe ovu ane masua la uxalixu nene'axu masuasi. Laso vote'i so tatongonu ovu lexe anu laixe o masua a no anu nene'axusi.

Matiu 13:8

Ia uiti ngiaxu se'i mulapau no lia lailaixe xe munene'a la se'i nene'axu 100 xe se'i nene'axu 60 xe se'i nene'axu 30.

Kolosi 1:6

Vaikala laixe ne uxaxalixu nene'axu mo a ususuku no xale tuatuala mukalusi. Anu iou vilesisi aloxo musoko'u no taingengi no voxo tei ngelomusou mo ngelavu no anu iaiama noxou Mosinge manina.

Matiu 3:8

Loxo ngexiunu opo­ngengi mo nge'i­slali­­noxou mani­nasou la nexi masi tamaisou nene'axu uxali no anu xoluxolu noxinge ane.

Luku 13:9

Ioxe, loxo unene'a no anu tau ie u'uli 'o laso ane, uxolu. Ia loxo uasi la naxeta'u mo usu'asi.'”

1 Tioni 5:20

Mo telavu aloxo 'ola. Mosinge Olu mune'e mukalu kaio mulama­naninenge so talavusou Mosinge maninasou. La nenge a taxolu nonano noxou Mosinge xe noxou Olu Iesua Kalaisiti. Anu ne Mosinge maninasou xe tava'u mauli kaluxu uasi.

2 Pita 3:18

Ngingi ngexalisou iaiama noxou Iesua Kalaisiti anu Tatananenge xe mosou pamaulisinge mo ngingi a ngelavusou, ia amasaxau lexe iaiama mo lavulavu ne uleme noxingesi. Nenge ta'itinu ualasou vaimomo 'o xe voxo ili'i ulai ulai kaluxu uasi. Vaikala ano'o mani­nasi. Anu anesi.

Kolosi 1:10

Xe no anu muamua'ingenge la ulovou xolu­xolungenge noxou Tatana­nenge mo so u'osasou no anu teletelexu mukalusi. Xe no anu xaixai aneva laixe nga'oxonu la uxalixu nene'axu. Xe no anu lavulavu noxinge so Mosinge la ulelemesi.

Ipilu 8:10

Ia no anu konitalaki alavua eni a'oxonu noxi'a laili Ta'isilaeli ili'i la aloxo 'o. Eni amulaxu lo noxilo no anu alaie'i mo akaukavunu no anu opone'i. La eni axolu a Mosi'a xe ane'i ixolu tamitemaxeli.

Ipilu 4:2

Xo manina nenge telomusou votovoto so vaikala laixe a loxo ane'i tatei ne. Ilomusou vaikala laixe, ia usu'uline'i uasi xo ipitanu no anu lopala so ilomuxu uasi.

2 Tesalonaika 2:10

U'oxo loloxa'a tamitema mo ukalavoine'i no anu ili'ilixo masu­masua so ixalisou mamulo. Ixalisou pamauli uasi xo loxo ilomusou vaikala manina la opo­ne'i ulo so i'osasou uasi.

1 Tesalonaika 4:1

Ioxe tavivixe, mo aloxo 'ola. Nexi tepela'ingexu vote'i so mua­mua'ingenge ane ulovou masaxa noxou Mosinge. Mo a ngamulinu ne. Ia nexi tatama so tapelototo­singe no anu ualasou Tatana­nenge Iesua lexe xavingengiou avile.

Pilipai 4:17

Ia anu loxo opoleli ukakamulinu avonge temanu axone uasi. Mi ane opoleli ututuluou a so alauna noxinge uleme mo so ngingi menge ngaxalisou nene'axu laixe no latanula.

2 Kolini 9:10

Ioxe, Mosinge molu uxalixu ngiangiaxu so itema utapu'u no xai xe anu molu uxalixu temanu so ani'anixu itema ne. La anu axonesi noxinge kalumo so ngaxaxai no anu ilixo ulapusi. Xo anu molu ulosinge mimi so ngapilipilixinu xe anu molu uxalixu nene'axu lailaixe no anu.

Ta'aposeli 17:11

Ioxe, Tavelia ne ane'i loxo tamitema latala ne Tesalonaika uasi xo opone'i muloxu vaikalaou Mosinge. Xe loxo milomusou votovoto noxou Polu la opone'i mu'osasou. La voxovoxo utotomu ane'i mino'u lavukuou Mosinge mo mikilolo lexe votovoto noxou ne ulovou o uasi.

Ta'aposeli 16:14

La sema vile ualasie lexe Litia ane a mixolu milomusou vaikalamexi. Ane milavusou i'itinu Mosinge ualasou. Ane sema so tuala Taiataila mo ane milavusou isalimunu lavalava lauoinu so lailoto. Mixolu milomusou vaika­lamexi, xe Tatananenge mulama­nanixie la mi'osasou votovoto noxou Polu.

Tioni 8:47

Ane'i tanoxou Mosinge la ilavusou ilolomuxu vaikalaou Mosinge. Laso maixene ngingi a ngalolomuxu vaikalaou uasi xo ngingi tanoxou Mosinge to uasi.”

Luku 8:15

Ia tamitema se'i ne opone'i ulapu mo laixe laso uloxu vaikalaou mo ikasou lexe manina. Anu loxo uiti ngiaxu ane mulapau no anu lialia laixe. Ikasou lexe manina laso ane'i ixolu pumuxa'a no anu lopala noxi'a mo uxalixu nene'axu.”

Maki 10:15

Xo avikala manina aloxo 'o. Tamolomolo ano'o ilopalane'i uasi, ipilixine'isi. Ioxe, loxo itema vile ulopala mo upilixinu axone uasi la no voxo so Mosinge molu u'uli laxune'i tamitemaou la anu itema anene uxolu to uasi.”

Maki 4:20

Ia tamitema se'i ne opone'i uloxu votovoto no anu Mosinge vaikalaou mo ikasou lexe manina. Anu loxo uiti ngiaxu ane mulapau no anu lialia laixe. Ikasou lexe manina laso xoluxolu noxi'a uxalixu nene'axu laixe loxo uiti ane muleme mo muxalixu nene'axu laixe. Se'i ne nene'axu 30 xe se'i nene'axu 60 xe se'i nene'axu 100.

Matiu 3:10

Laixe so ngingi ngamama'u, xo Tatananenge anu loxo itema a utatavulenu lapemu. Anu a mula­laxi so uxetasou ovuovu aneva ulavusou uxalixu temanu laixe uasi. Uxeta­sou ukalu laso upeinu no navu.

Ipilu 6:7

Xo aloxo 'o. Uali ulavusou usisili utotomu mo u'una no anu lialia. Xe loxo lialia ne uxalixu la'ilali la usu'uline'i tamitema itotou no anu ne. Laso axone la Mosinge u'osasou lialia ne so ulosou lemexu laixe.

Luku 8:8

Ia uiti ngiaxu se'i mulapau no lia lailaixe la muleme xe unene'a laixe mo ai'ainu vilevilesi muxalixu 100.” Iesua mutilovo axone mukalu laso mu'ava lexe, “Itema loxo sangalou la ulomuxu vaikala ano'o.”