Matiu 13:21 - Ata New Testament

²¹ Ia opone'i ukasou manina uasi. Anu loxo uiti ngiaxu ane uleme sevile ia uli'u so ulu'elai no lia uasi. Xo loxo tamitema isu'anu anaxa'a noxi'a mo ixililiie'i no anu vaikalaou Mosinge ne, la ane'i i'umesou palea.

Matiu 13:21 Referans Kwoze

Matiu 11:6

La anu laixe noxou itema aneva ulopalaleli mo usasalo uasi.”

Epesusi 3:17

Mo alinga noxou Mosinge lexe lopala noxinge pumuxu so Kalaisiti uxolu noxinge loxo no tasou u'isalili. Xe asolonu latilovo ne aloxo 'o. Tava'u tani ne, utulu no anu sexelasi.

2 Timoti 1:15

Xe loxo nelavu, tamitema so Esia polovinisi e misu'ulileli a mixexesilo mukalusi. Ane'i tamei noxi'a ane Vixelusi ilou Elimo­xenesi milai kalumo.

Pilipai 1:6

Laso elavu manina no opoleli lexe anu ane mu'avutinoxu xaixai laixe nonano noxinge la u'oxonu axone xo mo no anu voxosou Kalaisiti Iesua la uxali ulomotele avile.

Xalesia 6:15

La loxo sosovo uxolu no vasimenge la anu mi vitanisi. Xe loxo uxolu uasi la anu mi vitanisi kalumo. Ia ane so Mosinge ukoinenge taxali tami ta'alavua, la anenesi mi mutiatila.

Xalesia 6:12

La ngalomu, ane'i tamitema mose'i e ixolu no taingengi ne imasaxau ualasi'a utila no ie'i tamitema tosi. Ane'i isoungengi so ngaxalisou sosovo no anu vasimenge xo i'oxo lexe, “Iu, loxo tamitema ilomu lexe talopala no anu ovu valautusou Iesuasi, la masi ilosinge navuna­vusou.”

Xalesia 5:6

Xo loxo itema uxolu noxou Kalaisiti xe sosovo uxolu no anu vasimolu o uxolu uasi, la anene mi vitanisi to. Ia mi ane mutiatila a so lopala noxou itema ne u'avutinoxu sexela no oponusi.

Lomu 2:7

La tamitema se'i ne, opone'i ututuluou ilixo laixe. Xo ane'i opone'i utatamasou vote'i so xoluxolu laixe no tualasou Mosinge. Xe imasaxau lexe anu uvikalasi'a laixe mo uvikala lexe isolila uasi. Laso tamitema axone la anu ulosi'a mauli kaluxu uasi.

Tioni 6:26

La Iesua mukoline'i lexe, “Eni avikalangengi manina e maninasi, ngingi ngemaisou sosovo so xavi ia laxu upalasi noxinge to uasi. Anene tava'u so ngakamulileli uasi. Ningi ngakamulileli xo nge'ou la'ilali mo ngepulapusi ane.

Luku 8:13

Xe tamitema se'i ne ane'i ilomusou vaikala ia anu ulapau no opone'i loxo uiti ngiaxu mulapau no lavolavo'o taitainu. Loxo ilomusou vaikala la i'osasou ia loxo uli'u ulu'elai so pumuxu uasi. Anu loxo ilopala se ia maxuveni uasi xe tovotovoto uxalisi'a sila isasalo mo ilapau ixexesi.

Maki 4:17

Ia opone'i ukasou manina uasi. Anu loxo uiti ngiaxu ane uleme sevile ia uli'u so ulu'elai no lia uasi. Xo loxo tamitema isu'anu anaxa'a noxi'a mo ixililiie'ixu vaikalaou Mosinge ne, la ane'i i'umesou palea.

Matiu 26:33

La Pita muvikalanu lexe, “Ane'i mukalusi masi i'ume'umesine, ia loxo eni la uasi manina. Axolu noxine avilesi.”

Matiu 26:31

Mixali ne mukalu la Iesua muvikalane'i tatisaipeliou lexe, “Masi no olovoxo se 'o la ngingi nga'ume'umesilo ane. Xo no anu vaikalaou Mosinge muvikala lexe, 'Eni avau tatanane'i usoli la tasipisipi ipaxepaxelesi.'

Matiu 24:13

Ia ane'i ane so ixolu pakia'a ulai uxali avile no anu kaluxusou voxo la ixalisou pamauli.

Matiu 13:57

La ane'i opone'i muxililiou. Laso Iesua muvikalane'i lexe, “Loxo polopeti vile uxixao xe uxali no tuala ne'ei la tamitema itaxanu ane. Ia loxo uxali no anu nunisou mo no tasou u'isalili la ane'i itaxanu to uasi!”

Matiu 10:22

Xe loxo ngingi, la tamitema opone'i umatapiangengi xo ngingi tamitemaxeli. Ia ngingi ngaxolu pakia'inge xo mo uxali no anu voxo kaluxusou xo ngingi ngaxalisou pamauli ane.

1 Pita 1:5

Ngingi ngelopala laso Mosinge u'oxonu latolosinge no anu xaviousi xo mo upalasinoxu pamaulisinge avile no anu kaluxu­sou voxo.

2 Timoti 4:10

Xo Temasi mu'osasou xoluxolu so lialia 'osi la muxexesilo mo mulai no taoni Tesalonaika. Xe Kelesenisi mulai ne Xalesia polovinisi. Xe Taitusi la mulai no xale lia ne Talimesia.

Mupala'a 2:13

Eni elavu no anu tuala ane ngaxoxolu no anu lexe xavi noxou Uluaxeli u'okisi. La mala'o se'o tamitema mivau Anitipasi xo mulanu vaikalaxeli mo mulopala­­lelisi. Anu vile noxinge ia ngingi ngapilixinu ualasilo uasi, ngeka­makulunusi. Mo ngaxiunu tuma­lingeou lopala noxinge uasi, ngexolu pumungenge no anu tuala ane Uluaxeli ukasou ne.

Matiu 13:20

Xe tamitema se'i ne ane'i ilomusou vaikala ia anu ulapau no opone'i loxo uiti ngiaxu mulapau no lavolavo'o taitainu. Loxo ilomusou vaikala la ino'u mo i'osasou.

Tiemisi 3:2

No anu mi ma'ia ta'oxonu la nenge latala talavusou tapolo va'axu no anu ngioungiou mose'i. Ia loxo itema vile upolo va'axu sevile uasi no anu mi ma'ia ula no anaxu, la anu upalasi lexe xoluxoluxu ulomo­telesi. Xo loxo ulavusou vote'i so u'apixu vaikalaou no anu susu, la vasimolu pa'upa'usou mukalusi ne anu umomomo so upamuxanusi ane.