Matiu 13:19 - Ata New Testament

¹⁹ Aloxo 'o. Tamitema mose'i ilomusou vaikala laixe so Mosinge u'uli laxune'i tamite­maou no tuala­sou. Ilomusou ia upalasi noxi'a uasi laso Uluaou upalea utokinu vaikala ne uxexe. Anu loxo uiti ngiaxu ane mulapau no vote'i so xai.

Matiu 13:19 Referans Kwoze

Matiu 13:38

Xe xai ne a lialia 'o. Xe loxo uiti ngiaxu laixe ne a tamitema ane ixolu nonano no voxo loxo Mosinge molu u'uli laxune'i tamitemaou. Xe laxalasi masua ne a tamitemaou Uluaou.

Ipilu 2:1

Ioxe, Mosinge Olu u'uli'uli avile axone laso vaikala laixesou e telomusou mukalu la takamakulunu pakia'u. Talaxa'i laixe xo loxo 'o io masi tasasalo taxexesou.

1 Tioni 5:18

Mo loxo telavu, tamitema mukalusi ta'ei ixolu Mosinge ta'olu la ilavusou ixolu no anu susu uasi. Xo Mosinge Olu u'oxo latolosi'a tamitemaou la mosou susu olele ulaisi'a uasi.

Matiu 4:23

La Iesua muxixao no xale lia ne Xalili mukalusi mo loxo uxali no tuala ne'ei la ulavusou u'unalai no tasou lavuloto noxi'a so uvotovo­tone'i. Muvotone'i la mulanu vaikala laixesou voxo so Mosinge anu molu u'uli laxune'i tamite­maou. Xe tamitema ta'ei mitavu­lenu tu'utu'umaxu no vasime'a o siki iouiou mukasi'a la anu mupaipoune'isi.

1 Tioni 3:12

Mamu so ilixo­menge aloxo Kaini e itemaou mosou susu olele, xo anu ne muvau vimou musoli. La tava'u ma'ia so muvau axone? A xo ilixo noxou masuamo, io noxou vimou la mulapusi.

Lomu 1:28

Mo aloxo 'o. Ane'i itaxanu lavulavui'a so Mosinge uasi, laso anu u'italone'i so imulinu xavutala masua noxi'a nesi. Mo i'oxonu ili'ilixo ane ulovo uasi manina.

2 Tesalonaika 2:12

Ane'i ilomuxu vaikala manina uasi mo i'osasou ili'ilixo masua axonesi laso ane'i ixalisou nene'axu ili'i loxo Mosinge utilo­vosi'a.

Lomu 14:17

Xo no voxo so Mosinge molu u'uli laxune'i tamitemaou la ta'oso'oso no anu mi aloxone uasi. Xo no voxo anene oponenge utulu no anu mi ma'ia so ta'ou o taiexu? E uasi. Nenge oponenge utulu no anu ilixo malemalenga mo xoluxolu lalavulusi mo osa'ila ane molu noxou Ulenu Laixesi.

Lomu 2:8

Ia tamitema se'i ne, ixavutalane'isi mo ixiunu tumali'aou vaikala manina. Ane'i imulinu ili'ilixo masuasi. Tamitema axone ixalisou nene'axu la'ia toxoxu noxou Mosinge.

Ta'aposeli 28:23

Mivi­kala axone mukalu la misosovosou voxo vile so tamitema latala ipita noxou Polu no tani ne. Mune'e xe mipita axone la musoko'u no kakau mulai muxali no olovoxo la mutovonu so upela'axu voxo so Mosinge molu u'uli laxune'i tami­temaou. Mo mutovonu so upalasi­noxu laxu vaikalai'a tapolopeti xe lavuku so lo e Mosisi mukauka­vunu lexe anu uvikalasou Iesua u'isalili.

Ta'aposeli 20:25

Laso tavivilo ngalomu. Tatei eni exolu no taingengi so epela'ingexu voxo ane Mosinge molu u'uli laxune'i tamitemaou. Ia vaimomo 'o eni alavu lexe ngingi mukalusi ngamaisou ielila uasi.

Ta'aposeli 18:15

Ia mi ano'o utiatila so atongonu uasi. Ngingi ngatulusou no anu vaikala so ualauala o vaikala kitukitu so lo noxinge Taiutasi. Laso ngingi menge ngalovonixu, mi na'a xeli uasi.”

Ta'aposeli 17:32

Tatiatila milomusou vaikala ne so Mosinge mutulusou Iesua no anu soli, la se'i mimolo suku. Ia tose'i mivikala lexe, “Ai, ili'i la nexi temasaxa so talomusine navi­kalasou mi ano'ola.”

Tioni 18:38

La Pailati muvikalanu lexe, “Vaikala anu temanu manina ne anu mi ma'ia mu'isalili?” Ioxe, Pailati mulemolu mi ne mukalu la mula noxi'a Taiutala mo muvikalane'i lexe, “Eni axalisou tava'u susu noxou vile uasio.

Tioni 8:43

Laso mimi ane alemolemolu 'o la upalasi noxinge uasi xo ma'ia? Anu tava'u xo opongengi ukasou vaikalaxeli uasi.

Luku 10:9

Xe ngapaipoune'i tapipiena ta'ei no taoni ne. Mo ngalanu vaikala noxi'a lexe, 'Voxo so Mosinge molu u'uli laxune'i tamitemaou a mune'e alai noxinge mukalu 'oe.'

Luku 9:2

Xe mupalusi'a so ilanu vaikala laixe so voxo ane Mosinge molu u'uli laxune'i tamitemaou xe so ipai­poune'i tamitema loxo itavu­lenu tu'umaxu no vasime'a.

Maki 4:15

Xe tami­tema se'i la opone'i loxo lialia pakia'u no vote'isou xai ane uiti ngiaxu se'i mulapau no anu. Xo loxo ilomusou votovoto la vaikala uleme uasi xo Uluaou upalea utokinu.

Matiu 5:37

Laso ane, vaikalamengi utalo no anu ani o uasi. Anesi. Xo loxo ngasikinu no anu vaikala se'ila la anu molu noxou mosou sususi ane.

1 Tioni 5:20

Mo telavu aloxo 'ola. Mosinge Olu mune'e mukalu kaio mulama­naninenge so talavusou Mosinge maninasou. La nenge a taxolu nonano noxou Mosinge xe noxou Olu Iesua Kalaisiti. Anu ne Mosinge maninasou xe tava'u mauli kaluxu uasi.

Epesusi 3:8

Ai, eni amitema vitanisi no taine'i tamitemaou Mosinge u'isa­lili a. Ia anu muiaiama noxilo so musosovosilo so avotone'i tami­tema noale'ale. Avotone'i no anu vaiakala laixe e mu'asi'asi so Kalaisiti.

Matiu 12:26

La anu axonesi. Loxo Uluaou molu ukusai'a se'i no anu laili noxou la anu oli'a ikalipala ane. Mo axone la laili e anu u'uli laxunu ne, utulu pumuxu axova?

Matiu 13:20

Xe tamitema se'i ne ane'i ilomusou vaikala ia anu ulapau no opone'i loxo uiti ngiaxu mulapau no lavolavo'o taitainu. Loxo ilomusou vaikala la ino'u mo i'osasou.