Matiu 13:14 - Ata New Testament

¹⁴ La noxi'a tamitema ane xo ne la vaikalaou polopeti Aisaia uxalixu nene'axu. Xo muvikala lexe, “Alaxu tavu'alo ngingi ngalolomu ia upala'a noxinge so ngalavusou laxu to uasi. Mo ngingi ngasasaxi utotomu ia ngatongonu mi vile uasi.

Matiu 13:14 Referans Kwoze

2 Kolini 3:14

La Ta'isilaeli opone'i pakia'u xo utotomu i'itisou vaikala so konitalaki teinu ne ia anu loxo lavalava se ne a ulili mo utanuxu ie'i vaimomo 'osio. Xo vote'i vilesisi so uxexe a noxou Kalaisitisi.

Luku 8:10

La anu muvikalane'i aloxo 'o, “Vaikala so voxo ane Mosinge molu u'uli laxune'i tamitemaou ne mutalume tatei. Ia vaimomo 'o Mosinge mupala'anixu noxingesi 'o. Mupala'anixu noxinge ia noxi'a leviani la eni avikalane'i no anu latilovosi. A'oxo axone so umulinu vaikalou polopeti mukaukavunu tatei lexe, 'Ane'i utotomu isaxisou mi vile laixe ia itongonu to uasi. Xe ane'i utotomu ilomusou kalumo ia ilamana no anu to uasi.”

Maki 4:12

Eni atilotilovo aloxo ne la umulinu vaikalou polepeti mukau­ka­vunu tatei lexe, 'Ane'i utotomu isaxisou mi vile laixe ia itongonu uasi. Xe ane'i utotomu ilomusou kalumo ia ilamana no anu uasi. Xo loxo 'o io masi opone'i ulivu noxou Mosinge mo anu ukalusou tina'u­xa'a so susu.'”

Lomu 10:16

Anu manina, ia tavu'alo noxi'a Ta'isilaeli ilomuxu Vaikala laixe ne uasi. Xo loxo Aisaia mulemolu tatei, “Tatananexi, nexi talanu Vaikalameni lailaixe 'o ia ane'i ilomuxu to uasi!”