Matiu 13:12 - Ata New Testament

¹² Xo itema ane mimi se'i muai noxou mukalu la Mosinge ulosou se'i no latanula. Xe loxo anu ane uxalisou mi vile uasi, la uxexenu mi se ane muai noxou.

Matiu 13:12 Referans Kwoze

Matiu 25:29

Xo aloxo 'o. Tamitema ane mimi se'i muai noxi'a mukalu la alosi'a se'i no latanula. Xe loxo ane'i ane ixalisou mi vile uasi, la axexenu mi se ane muai noxi'a.

Luku 8:18

Mo muvikalane'i aloxo 'ola, “Vaikala ano'o ne ngalaxa'i laixe no anu, ngaxililiou uasi. Xo itema aneva ukasou vaikalaxeli la alosou nene'axu tavu'alo no latanu. Ia itema ane ukasou manina uasi, la axexenu sevile e muai noxou ne.”

Mupala'a 2:5

Xo ngaxa­vutalanu vote'i laixe ngemulinu tei a ngapolo no anula uasi. Laso ngaxiunu opongengi mo nga'isa­lilinoxu no anu ilixo laixe noxinge tei. Ia loxo nga'oxonu axone uasi la eni ane'e noxinge so axexenu lalamo noxinge no anu tanixu ne.

Luku 16:25

Ia Apala'amu mukolinu lexe, 'Alixeli, taneniu mi vile aloxo 'o. No voxo ane nemaulisio la nexolu no anu mimi latanusi. Xe Lasa­lusu xoluxoluxu masuasi. Ia vaimomo 'o no tuala ano'o anu umamatola laixe xe nini la natavulenu tu'umaxusi.

Matiu 21:43

Laso avikala­ngengixu voxo so Mosinge molu u'uli laxune'i tamitemaou aloxo 'o. Anu uxexenu no avonge so mi noxingela uasi. Mukalu la upili­xinu noxi'a tamitema laili vile ane so isaxila'u mo ixalixu nene'axu laixe no anu.

Luku 16:2

Laso itema so lamoli mu'avalou vosivoiou mune'e la muvikalanu lexe, 'Axova no anu vaikala so ilixomeni elomusou 'o? Nakaukavunu lipoti no anu mimixeli mukalusi ane nexaxaisou xo nini so naxolu vosivoila uasi.'

Luku 10:42

Ia anu laixe so naxavutalanu mimi tavu'alo aloxo 'o uasi. Oponeni ututuluou mi vilesisi. Xo noxie Malia 'o la miilounu mi ane lailaixe manina e umomomo so tasiauxu noxie uasi.”

Luku 9:26

Ane'i tamitema mose'i imaila so imulileli mo ane'i ixiunu tumali'aou vaikalaxeli. I'oxo axone ia ili'i la Itema ane molu noxou Mosinge la une'e no anu iaxu Mosinge. La oli'a ta'angelo talaixe ane. Une'e axone laso ane'i ane mixiunu tumali'a noxou vaimomo 'o, la anu ukoline'i mo uxiunu tumalou noxi'a ane.

Maki 12:9

Ioxe, laso masi mosou xai ne unava? Ngalomu. A une'e umamu­lone'i tamitema so isaxila'u xaixu ne. Umamulone'i mo upilixinu xai no avo'a tamitema se'i taalavua.

Luku 12:48

Ia anu ane ulavusou masaxa noxou tilasou uasi xe upolu va'axu la tilasou upuasouxu kalumo, ia malaxo uasi, alaxu vilevilesi. Xo ena'ei uxalisou mimi tavu'alo la ukolinu no anu tavu'alo kalumo. Xe anu ane ulopalanu so upilixinu mi mutiatila no avolu so usaxila'u la ilingasouxu mulolutusi.”

Tiemisi 4:6

Ia Mosinge uiaiamasinge mise­vile. Laso maixene vaikalaou uvikala lexe, “Mosinge uxililiie'i tamitema ane i'itine'i. Ia noxi'a tamitema ane ilu'ene'i la uiaiama noxi'a.”