Matiu 13:11 - Ata New Testament

¹¹ La anu muvika­lane'i aloxo 'o, “Vaikala so voxo ane Mosinge molu u'uli laxune'i tamitemaou no tualasou ne mutalume tatei. Ia vaimomo 'o Mosinge mupala'anixu noxingesi 'o. Mupala'anixu noxinge ia noxi'a levianila uasi.

Matiu 13:11 Referans Kwoze

1 Kolini 2:14

Ia tamitema ane Ulenu Mosinge uxolu noxi'a uasi la ane'i ixililiou mimi lailaixe noxou ne xo ilavusou uasi. Ane'i i'oxo lexe mi xovulaulausi ane. Ia nenge tamitema ane Ulenu uxolu noxinge la ta'osasou mimi lailaixe noxou xo anu usu'ulinenge so tatongonu laixe.

Matiu 19:11

La Iesua muvikalane'i lexe, “Vaikala ano'o tamitema mukalusi opone'i uloxu uasi, ane'i anesi Mosinge mulosi'a xavi i'osasou.

Tiemisi 1:5

Ia loxo vile no taingengi usoti no anu lavulavu mu'asi'asi la ulingau noxou Mosinge. Xe loxo ulingau la anu ulosou ane, xo Mosinge u'osa so u'alaunasi'a tamitema mukalusi mo oponu tu'umaxuou linga noxi'a uasi.

1 Tioni 2:27

Ia Kalaisiti mupilixinu Ulenu Laixe noxinge so uxolu noxinge avile. Laso tava'u so evile upela'inge la uasi xo Ulenu Laixe molu upalo matanangengi no anu mimi mukalusi. Xe mi ma'ia upela'ingexu la maninasousi, kala­voi no anu uasi. Laso ngamulinu loxo mupela'ingexu mo ngaxolu pumungenge noxou Kalaisitisi.

1 Tioni 2:20

Xe loxo ngingi la Ulenu Laixe uxolu noxinge mukalu laso ngexalisou lavulavu.

Matiu 16:17

La Iesua muvikalanu lexe, “A laixe manina noxine Saimoni e Tioni olu xo mi ne itema vile so lialia upela'inexu uasi. Mamilo e uxolu no tualasou lailaixe anu molu mupala'anixu mi ne noxine.

Epesusi 1:9

Xo aloxo 'o. Tatei la anu umasaxa so u'oxonenge laixe. Mumasaxa axone laso anu mupa­lusou Kalaisiti mune'e noxinge. Anu mune'e laso masaxa laixe noxou singe ne a mupala'a ne.

Epesusi 5:32

Ai, latilovo ano'o ne u'asi'asi musuku xo etokalasou Kalaisiti ilou pita noxou.

Lomu 16:25

Ioxe, Mosinge umomomo so u'oxongengi so ngatulu pakia'inge. Ngatulu pakia'inge mo so ngalo­pala no anu vaikala laixe so Iesua Kalaisiti ane evotovotosou noxinge. Xo tateimo la vaikala ne mutalume ia vaimomo 'o mupala'a avile.

Luku 8:10

La anu muvikalane'i aloxo 'o, “Vaikala so voxo ane Mosinge molu u'uli laxune'i tamitemaou ne mutalume tatei. Ia vaimomo 'o Mosinge mupala'anixu noxingesi 'o. Mupala'anixu noxinge ia noxi'a leviani la eni avikalane'i no anu latilovosi. A'oxo axone so umulinu vaikalou polopeti mukaukavunu tatei lexe, 'Ane'i utotomu isaxisou mi vile laixe ia itongonu to uasi. Xe ane'i utotomu ilomusou kalumo ia ilamana no anu to uasi.”

1 Kolini 15:51

Ngalomu, eni apla'anixu mi vile mutalume aloxo 'o. Ili'i la se'i noxinge isoli uasi. Se'i isoli uasi ia nenge mukalusi vasimenge uxiu.

1 Kolini 2:7

Xo lavulavu noxou Mosinge u'asi'asi ne, a mutalume tatei. Loxo tautau ie usoko uao la anu mulalaxinu vote'i so xoluxo­lunenge iaxusi lumamo. Mula­laxinu lumamo ia muxolu mutalumesi.

Tioni 6:65

Mo musolonu lexe, “Anene tava'u vaikalaxeli lexe loxo Maminge u'oxonu vote'isou itema vile uasi la umomomo uasi so une'e noxilo.”

1 Timoti 3:9

Xe anu ukasou pakia'u vaikala mu'asi'asi so lopala na'a nenge mo tanu uai laixe lexe utetelisou susu vile no oponu uasi.

1 Kolini 13:2

O loxo eni exalisou lavulavu so pela'a no anu Mosinge vaikalou mo alavu no anu lavulavu e mutalume tatei. Mo kalumu loxo lopala noxilo xavinu so uvalanu la'ola'olu usuku no tanitanixu alavua. Ia loxo asexelaxa'a tami­tema uasi la lavulavu ilou lopala ne anu mi vitanisi ane.

Maki 4:11

La anu muvikalane'i aloxo 'o, “Vaikala so voxo ane Mosinge molu u'uli laxune'i tamitemaou ne mutalume tatei. Ia vaimomo 'o Mosinge mupala'anixu noxingesi 'o. Mupala'anixu noxinge ia ane'i ane opone'i uxolu va'axu noxou la eni avikalane'i no anu latilovosi.

Kolosi 2:2

A'oxo axone mo so u'oxo pakia'u tangengi xe so sexala uteinoxu opongengi upita vilesisi. Eni amasaxau lexe ngapalava no anu lavulavu mo so mi vile u'oxonu opongengi uvaxa une'e uasi. Xe ngalavu manina no anu mi e Mosinge mutalumeu ka mupa­la'anixu 'o. Mi e anu Kalaisiti molu.

Epesusi 6:19

Mo ngapilixileli noxou Mosinge kalumo so loxo alulusou vaikala laixe so Tatananenge e mutalume tatei, la upalasisi. Mo kalumo loxo alanu la a'ume uasi.

1 Kolini 4:7

Xo axova? Ena'ei mutulusinge so ngingi nga'uli'uli? Xo mimi so xoluxolu noxinge mukalusi ne ngingi menge ngexalixu? Uasi to! Mosinge molu muitimengi ane. Laso axova so nga'itingengi no anu?

1 Kolini 4:1

Ioxe, ngingi masi ngaxavuta­lanexi no anu vote'i aloxo 'o. Nexi tamitema so xaixai noxou Kalaisiti. Anu mupilixinu vaikalasou pileni noxou Mosinge ane mutalume tatei noxixe so tavu'ulinu.

Tioni 7:17

Loxo itema vile oponu u'osa so umulinu masaxa noxou Mosinge ne laso ane, utongonu votovoto noxilo 'o lexe anu mi noxou Mosinge o eni melo exalixusi.

1 Timoti 3:16

Mo nenge mukalusi talavu lexe vaikala manina noxou ne anu mi mutiatila. Vaikala ne aloxo 'o. Kalaisiti mupala'a no anu vasimolu loxo itema no ie'i latala. Ulenu Laixe mupala'anixu ilixo noxou lexe malemalengasi. Ta'angelo misaxisou xoluxolu noxou. Tami­temaou mia'aloxu no xale tuatuala. Tatemanu lialia mose'i milopala noxou. Mosinge muno'u mutelaixu no tualasou iaxu.

Epesusi 1:18

Mo eni alinga noxou lexe anu ulamananixu opongengi. Xo anu laixe so ngalavu lexe anu mu'avalingexu ma'ia, mo so ngalopalanu ngaxomaiou. Xe anu laixe so ngalavu lexe mimi lailaixe ma'ia anu musosovosou lexe noxinge tamitemaou mu'isalili.

Ta'aposeli 16:14

La sema vile ualasie lexe Litia ane a mixolu milomusou vaikalamexi. Ane milavusou i'itinu Mosinge ualasou. Ane sema so tuala Taiataila mo ane milavusou isalimunu lavalava lauoinu so lailoto. Mixolu milomusou vaika­lamexi, xe Tatananenge mulama­nanixie la mi'osasou votovoto noxou Polu.

Matiu 13:10

Xe ili'i la tatisaipeli mine'e mitali'i noxou Iesua lexe, “Axova so nini navikalane'i no anu latilovosi 'o?”

Matiu 20:23

La anu muvikalane'i ilou lexe, “Ani, ili'i la ngilou ngaie no anu lexa sixula noxilo. Ia ena'ei so uxolu no avolo tema xe no anu kaisi, la anu mi noxilo so apilixinu noxi'a tamitema uasi. Anu tanixu anene noxi'a ta'ei ane Mamilo molu mulalaxinu si'a.”

Maki 10:40

Ia no anu mi e ngetali'i so lexe ena'ei uxolu no avolo tema xe kaisi la anu mi na'a xeli uasi. Anu mi noxou Mosinge so molu ulalaxinu lexe noxi'a ta'ei.”

Lomu 11:25

Ioxe tavivilo, eni amasaxau apala'anixu mi vile masi utalume­ngengi. Alemolu so ngingi nga'iti­ngengi no anu lavulavu noxinge uasi. Vaikala anene aloxo 'o. Vaimomo 'o Ta'isilaeli tata'eisi ilopala noxou Tatananenge. Ia tavu'alo noxi'a ne opone'i pakia'u mo ilopala noxou uasi. Ane'i ixolu axone xo ano'o voxosinge tami­tema noale'ale so ngalopala. Ulai ulai xe loxo navasinge umomo­moe, laso anu ane. No voxo anene ane'i Ta'isilaili tapiena ilivu mo ilopala noxou Tatananenge.