Matiu 12:10 - Ata New Testament

¹⁰ Mu'unalai la itema vile avolu musoli a muxoxolu ne. Laso tamitema se'i mimaititiou Iesua lexe, “Loxo nini napaipounu itema vile no anu Voxo so Ma'ila la naxola'u lo o uasi?” Mitali'i axone xo imasaxau ixali­sou susu vile noxou so ikotixu no anu.

Matiu 12:10 Referans Kwoze

Luku 13:14

Ia itema so usaxila'u tasou lavuloto ne la'iaxu so Iesua mupai­poune sema ne no anu Voxo so Ma'ila. La muvikalane'i tamitema latala lexe, “Anu voxo 6 so taxaxai no anu. Laso loxo ngamasaxau su'uli no anu siki noxinge la ngane'e no anu voxovoxo anenesi. Mamu so upaipoungengi no anu Voxo so Ma'ila.”

Tioni 9:16

Xe Tapalisi se'i la mivikala lexe, “Anu e mupaipounu 'o, molu noxou Mosinge uasi xo umulinu lavuloto so Voxo so Ma'ila uasi.” Ia leviani la mivikala lexe, “Uasi, xo loxo anu itema so susu la uxalixu sosovo so xavi aloxo 'o axovaio?” Mixililiie'i ngato'o axone laso kalipala muxali no taine'i.

Tioni 8:6

Ane'i milemolu vaikala axone so loxo iuauoixu no anu xo ikakamulinu tavatava'u so ikotixu. Ia Iesua mutangatulu ka mukaukavu no lia no avolusi.

Tioni 5:10

Laso loxo tatiatila noxi'a Taiuta mimaisou itema e laixenu ne la mivikalanu lexe, “Ai, ano'o Voxo so Ma'ila, mamu so natatavulenu mi so ai'aisine axone.”

Luku 11:54

Ane'i mimaititiou axone xo milalaxinu opone'i lexe loxo ukolinu upolo va'axu la ane'i itulusou no anu vaikala.

Matiu 12:2

La Tapalisi se'i mimai­si'a la mivikalanu Iesua lexe, “Namalei, ane'i mi'oxonu mi ane mamu so ta'oxonu no anu Voxo so Ma'ila.”

Tioni 5:3

Xe no lavalata ne tamitema latala e latala a mita'olu. Ane'i mukalusi ne mitavulenu tu'umaxu no vasi­me'a iouiou loxo ie'i mutomu o tava'a mukilikalu so imua'i uasi o xixine'i musoisoli. Ane'i mita'olu ne so ixomaiou lexa ukunikuni sevile.

Luku 23:2

La ane'i misoko'u so ito'omolu no anu vaikala lexe, “Nexi temaisou itema ano'o anu ulapune'i tami­temamexi ipolo va'axu. Mo anu u'apixa'a lexe isu'anu taxisi noxou Sisa uasi. Xe anu molu uvikalasou lexe anu ukingi xo anu ane so Kalaisiti.”

Luku 23:14

La muvikalane'i lexe, “Ngingi ngetulusou itema ano'o no laxuleli mo ngeto'omolu lexe anu mu'unanu tanu noxi'a tamitema so u'avutinoxu opone'i. Ia ngalomu, eni etali'isou no iengi la eni etongonu lexe ususu no anu mi e ngeto'omoluxu ne uasi.

Luku 20:22

Laso naxavutala axova? Anu laixe so nenge tasu'anu taxisi ulai noxou kingi noxi'a Talomu e Sisa, o uasi?”

Matiu 19:3

La ane'i Tapalisi se'i mine'e mitali'i noxou so itovonu lexe ukoli axova. Mi'oxo lexe, “Axova, lo mupele masaxa so itema ukusaie semau xo no anu tava'u vitavi­tanisi? Axone laixe?”

Maki 3:2

La tamitema mixolu ituluxu Iesua lexe upaipounu itema ne no anu Voxo so Ma'ila. Xo axone la tava'u so itulusou no anu vaivai­kala.

Tioni 7:23

Ngingi ngalavusou ngaxotosou vasime'a ta'ilinge no anu Voxo so Ma'ila kalumo axone xo opongengi ututulu lexe mamu so ngaxola'u lo noxou Mosisi. Ioxe, laso loxova so la'iangenge'ilo so epaipounu itema olele laixenu avile no anu Voxo so Ma'ila?