Matiu 11:5 - Ata New Testament

⁵ Xo tamitema ane ie'i mutomu la imaleila. Xe ane'i ane tava'a musoisoli la imua­mua'isi. Xe tamitema so siki lepelesi la vasime'a malemalengala. Xe ane'i ane sangali'a mutomu la ilolomula. Xe se'i ane misoisoli la itulutulu imaulila. Xe tamitema ta'oloxola la ilomusou votovotosou vaikala laixe.

Matiu 11:5 Referans Kwoze

Luku 4:18

“Ulenu Tatananenge mune'e mo a uxoxolu noxilo 'o. Xo anu munixi'u ueli no kisilo so musosovosilo so ane'enu vaikalaou noxi'a ta'oloxola. Mo mupalusilo ene'e so apala'anixu vote'i noxi'a takalavusu so ila ixolu lalavulusi. Xe noxi'a tamitema ie'i selevenu la apela'a lexe isaxila axova. Xe noxi'a tamitema ane itavulenu tu'umaxu no avo'a se'i la alosi'a xoluxolu manamana'usi.

Tiemisi 2:5

Tavivilo, ngalomu. Mosinge musosovosi'a mose'i so ipalava no anu lopala xe muvavalima lexe ane'i ta'ei isexelaxu la ixalisou mimiou no voxo loxo u'uli laxune'i tamitemaou. La ane'i latala noxi'a ne a tamitema ane tatemanu lialia i'oxo lexe ta'oloxolasi, ne?

Matiu 21:14

Mukalu la Iesua a nonano no tasou Mosinge la ane'i tamitema ie'i mutomu xe tava'a mumasua mine'ene'e noxou so mupaipoune'i.

Tioni 10:38

Io loxo a'oxonu xaixai noxou xe ngalopalaleli uasisio la ngingi masi ngalopala no anu xaixai a'oxonu nesi. Mo so axone la ngingi ngalavu mo upalasi avile no opongengi lexe Maminge a uxolu noxilo xe eni a axoxolu noxou.”

Tioni 10:25

La Iesua mukoline'i lexe, “A elemolu noxinge mukalu ia ngalopala to uasi. Xaixai ane alavusou a'oxonu no anu ualasou Mamilo, anenesi uvalaxo lexe eni ena'ei 'o.

Tioni 5:36

Ia vote'i so eni melo apala'a­nixilo la uua'ulixu vaikalaou Tioni e mulemolusilo. Xo mi ma'ia Maminge mupilixinu noxilo so axalixu, a mimi e axaxalixu 'o, anu so uvalaxo lexe Maminge molu mupalusilo ene'e 'o.

Tioni 3:2

La no olovoxo vile anu mune'e noxou Iesua ka muvikala lexe, “Tisao, nexi talavusine lexe nini mene noxou Mosinge nene'e so lexe natisa. Mi ne mupalasi noxixe xo telavu lexe loxo Mosinge uxolu noxou itema vile uasi la vote'i so u'oxonu sosovo so xavi aloxo 'o uasi.”

Tioni 2:23

No anu voxo so lavilelusou Mualasi'a la Iesua muxolu ne Ielusalemo. Muxolu la tamitema tavu'alo mimaisou sosovo so xavi ane mu'oxo'oxonu laso milopala noxousi.

Maki 9:25

Ilou mivikala axone la mixolu va'axu sevile. Ia Iesua mumaisi'a tamitema milasi mine'ene'e noxi'a laso anu alaxu vilesisi mulavixu angelo masua lexe, “Nini angelo masua ane na'oxonu molomolo 'o sangalou ilou anaxu mutomu, avikalaneni pakia'u aloxo 'o. Naxexesou molomolo ne mo nalivu na'una noxoula uasi.”

Maki 7:37

La ane'i latala ne tane'ilili noxou mo mivikala lexe, “Ai, mimi ma'ia u'oxonu la u'oxonu laixesi. Xo tamitema ane sangali'a utomu la ilolomusi. Xe ane'i loxo anaxa'a utomu la ivivikalasi.”

Matiu 10:8

Mo tapipiena la ngapaipoune'i xe tamitema ane isoli la ngapamauline'i xe ane'i so siki lepelesi la ngaxalixu vasime'a malemalenga xe ane'i ane ta'a­ngelo tamasua ikasi'a la ngaku­sai'a noxi'a. Su'uli ane nga'oxonu ne ngano'u lapesou uasi xo su'uli ane ngexalisou la ngalotonu uasi.

Matiu 9:30

Sila ilou ie'i muka. La Iesua muvikala pakia'u noxi'a lexe, “Ngalomu, mamu so ngapa­la'anixu mi 'o noxou evile.”

Matiu 5:3

“Laixe noxi'a ane'i ane ilavu lexe no anu xoluxoluxu ulene'i la ane'i ta'olo­xolasi. Xo voxo so Mosinge molu u'uli laxune'i tamitemaou no tualasou la ane'i ixolu nonano ne.

Ta'aposeli 2:22

La Pita musolonu vaikalaou aloxo 'ola, “Ta'isilaeli, ngalomu. Iesua so Nasaleti mu'oxonu sosovo so xavi iouiou no taingengi. Anu mu'oxonu sosovo ngemaisou ne, ia Mosinge molu mu'oxonu noxou so upela'inge lexe anu molu noxou Mosingesi.

Matiu 11:4

La Iesua mukoline'i lexe, “Ngingi ngalivu la ngaa'alou Tioni no anu mimi e ngemaisou mo ngelomusou 'o.

Matiu 12:13

Mu­kalu la Iesua muvikalanu itema ne lexe, “Namexinu avone.” Xe itema ne mumexinu avolu sila avolu muxali laixe aloxo ane xalevile.

Tioni 9:7

Mukalu la Iesua muvikalanu lexe, “Nalai na'ulo no anu kupa e Siloamu.” Anu ualasou kupa ne laxu lexe Mipalusou. La itema ne mulai mu'ulo xe anu a ulilivu sila anu musaxisaxi.