Matiu 11:11 - Ata New Testament

¹¹ Eni avikalangengi manina aloxo 'o. No taine'i tatemanu lialia muka­lusi, la Tioni e itema so u'oxonu ilixo so kelele uua'ulixa'a avile. Ia no voxo so Mosinge molu u'uli laxune'i tamitemaou no tualasou xe ena'ei noxi'a ualasou vitanisi, la uua'u­lixu Tioni ane.

Matiu 11:11 Referans Kwoze

Luku 7:28

Eni avikalangengi aloxo 'o. No taine'i tatemanu lialia mukalusi, la Tioni uua'ulixa'a avile. Ia no voxo so Mosinge molu u'uli laxune'i tamitemaou xe ena'ei noxi'a ualasou vitanisi, la uua'ulixu Tioni ane.”

Epesusi 3:8

Ai, eni amitema vitanisi no taine'i tamitemaou Mosinge u'isa­lili a. Ia anu muiaiama noxilo so musosovosilo so avotone'i tami­tema noale'ale. Avotone'i no anu vaiakala laixe e mu'asi'asi so Kalaisiti.

Tioni 1:15

Tioni mulanu vaikala so mupa­la'anixu la mu'a­va'ava lexe, “Anu ano'o itema e evikalasou lexe, 'Anu ane une'e ili'i noxilo la u'uli'uli noxilo xo loxo eni axali uao la anu a uxoxolu.'”

Matiu 5:19

Laso loxo itema vile ulomuanu lo pa'usou ane tamitema i'oxo lexe mi vitanisi mo ulapune'i se'i so ilomuanu kalumo, la itema anene uxolu mi vitanisi no voxo loxo Mosinge molu u'uli laxune'i tamitemaou. Ia itema ane umulinu lo mo ulapune'i tamitema so imulinu kalumo, la no voxo so Mosinge molu u'uli laxune'i tamitemaou no tualasou, itema ne uxalisou uala tatila.

Matiu 3:11

Eni alavusou a'oxonu ilixo so akelenixa'a tamitema no anu lexa so sosovo lexe ilamana no anu susu noxi'a. Ia itema ane une'e ili'i noxilo ne anu xavinu mutiatila noxilo. Anu itema mutiatila ia eni amitema vitanisi mo alaixe so atavulenu lasuou uasi. Anu itema xavinu mutiatila noxilo mo loxo u'oxonu ilixo so ukelenixa'a tamitema la anu u'oxonu no anu Ulenu Laixe xe navu.

Luku 9:48

La muvikalane'i lexe “Itema aneva usexelaxu molomolo soxu 'o so usu'ulinu no anu ualasilo, la anu loxo usexelaxu molomolo ano'osi uasi. Anu usexelaxo ane. Xe loxo usexelaxo axone, la enisisi uasi. Axone la anu usexelaxu Mamilo e mupalusilo kalumo ane. Xo itema ane uxolu loxo mi vitanisi no taingengi la anu so u'uli laxungengi ane.”

1 Pita 1:10

No anu pamauli ne tapolopeti milemolu lumamo xo mipa­la'anixu iaiama ane so ngaxalisou noxou Mosinge ne. Xe xavine'i manina so ikakamulinu laxulaxu vaikala so pamauli nesi.

Ipilu 11:40

Xo mi ane Mosinge mulalaxinu lexe u'oxonu singe la uua'ulixu anene, laso uxalixu nene'axu noxi'a kolokolo uasi. U'oxonu aloxo 'o. Mi ane muvavalimasou so si'a xe ane so singe la upitanu vilesisi mo so uxali laixe loloni.

1 Kolini 15:9

La ane'i ta'aposeli latala iua'ulixo mo eni amitema alaixe so atavulenu uala aposeli aloxo 'o uasi. Xo tei la elosi'a tatemanu pita noxou Mosinge tu'utu'umaxu.

1 Kolini 6:4

Ngingi ngamomomo, laso loxo mi se so xoluxolu noxinge uxali la ngaiavenixu noxi'a tamitema so isivoxo so itilovosou xo ma'ia? Ngalaixu noxi'a tamitema ane tatemanu pita noxou Tatananenge itaxane'i uasi mamu.

Tioni 10:41

Iesua muxoxolu ne la tamitema tavu'alo mine'ene'e noxou mo mivikalane'i ngato'o lexe, “Tioni u'oxonu sosovo so xavi so uvalaxu vaikalaou uasi, ia mimi mukalusi e mulemolu sou itema ano'o ne anu maninasi.”

Tioni 3:30

Noxou la ualasou so utilasi, ia noxilo la ualasilo so ulu'esi.”

Tioni 5:35

Tioni ne anu muxolu loxo lalamo ane mukaka mo muieieisinge. La voxo ataxu sesi ngingi nge'osasou lamana ane mulosinge ne.

Tioni 1:27

Anu ne, itema e so uili'i noxilo. Io eni 'o amitema alaixe so axaxai noxou se so alulusou lamotasou lasuou uasisi.”

Tioni 7:39

No anu anene la mulemolu Ulenu Laixe e so uxali noxi'a ane'i ane ilopala noxousi. Xo no voxo ne Iesua ulivu so uxolu no anu tanixu u'uli'uli uao laso maixene Ulenu u'italo noxi'a uao.

Epesusi 2:3

Tei la nenge mukalusi te'oxonu axone. Mo temulinu masamasaxa no anu susu tava'u no vasimenge. Xe mi ma'ia masua texavutalanu la te'oxonusi. Xoluxolu noxinge axonesi, laso maixene nenge tamitema mukalusi texolu no laxu la'ia noxou Mosinge.

2 Timoti 1:10

Vaimomo 'o, Itema so Pamauli noxinge e Kalaisiti Iesua a mupa­la'a mukalu, laso no anu vote'i anene iaiama noxou Mosinge mupalasisi. Kalasiti Iesua mukalu­sou xavinu soli xe no anu vaikala laixe noxou la mulamananixu vote'i so tamitema ixalisou mauli manina mo xoluxolu kaluxu uasi.

Luku 1:15

Xo anu ualasou utiatila no iou Tatananenge. Anu uiexu uaini o lexa pakia'u uasi. Mo loxo uxolu no anu nenu oponesio, ivo'onu uao, la Ulenu Laixe uxolu noxou lumamo.

Matiu 3:1

Xe no voxo anene la Tioni itema so ilixo so kelele muxali mo muxoxolu muvotone'i tami­tema no xale lia esi'esi ne Iutea.

Matiu 11:10

Xo anu mosou e vaikalaou Mosinge uvikalasou lexe, 'Nalo­mu, eni apalusou itemaxeli vile no laxuneni so ulanu vaikalaxeli. Anu u'uli noxine so ulalaxinu vote'i­sine.'

Matiu 11:12

La oto'oto musoko'u no voxo loxo Tioni e itema so u'oxonu kelele mulanu vaikala la mune'e muxali vaimomo 'o. Oto'oto ne mu'avuti xo tamitema so su xavine'i so i'una ixolu no voxo ane Mosinge molu u'uli laxune'i tamitemaou no tualasou. Laso maixene tu'umaxusou tavu'alo a muxali 'oe.