Matiu 10:7 - Ata New Testament

⁷ Ngalai la ngalanu vaikala lexe, 'Voxo so Mosinge molu u'uli laxune'i tamitemaou no tualasou a mune'e alai mukalu 'oe.'

Matiu 10:7 Referans Kwoze

Ta'aposeli 28:31

Oli'a ivivikala la anu u'ume uasi so ulanu vaikala so voxo ane Mosinge molu u'uli laxune'i tamitemaou. Mo anu muvotovoto so Tatananenge Iesua Kalaisiti la evile u'apixu uasi.

Matiu 3:2

La anu muvivikala lexe, “Ngaxiunu opon­gengi so susu noxinge mo nga'isa­lilinoxu no anu Mosinge oponu. Xo voxo so Mosinge molu u'uli laxune'i tamitemaou no tualasou a alaimanasi.”

Luku 9:60

“Ia Iesua muvikanu lexe, “Tamitema ane misoli mukalu la me'a i'asixa'a tamenexi'a isoisoli. Ia loxo nini la naxixao no tuatuala so navikala lamana no anu voxo ane Mosinge molu u'uli laxune'i tamitemaou.”

Matiu 4:17

Ioxe, no voxo anene la Iesua musoko'u so uvotovotone'i tami­tema la muvikala aloxo 'o, “Ngingi ngaxiunu mo nga'isalilinoxu opo­nge­ngi so susu noxinge xo voxo so Mosinge molu u'uli laxune'i tamitemaou no tualasou a mune'e alai mukalu 'oe.”

Luku 16:16

Vaikala so lo xe vaikalai'a tapolopeti tamitema milanu mune'e muxali noxou Tioni. Xe musoko'u noxou la votovoto no anu vaikala laixe so voxo loxo Mosinge molu u'uli laxune'i tamitemaou, a uxolu upalasi. La tamitema mukalusi xavine'iou so lexe i'unalai no anu.

Luku 9:2

Xe mupalusi'a so ilanu vaikala laixe so voxo ane Mosinge molu u'uli laxune'i tamitemaou xe so ipai­poune'i tamitema loxo itavu­lenu tu'umaxu no vasime'a.

Maki 6:12

Iesua mupela'a tatisaipeliou axone mukalu la ane'i milai. Milai la milanu vaikala noxi'a tamitema lexe ane'i ixiunu opone'i so susu noxi'a.

Ta'aposeli 10:25

Koniliasi a uxomaie'i xe Pita mu'una no tani la anu muxolasou tava'u mo mutangatuluou Pita so mumaxa'u mama'u noxou.

Ta'aposeli 4:2

Mixali noxi'a xo milomu lexe ilou ivotone'i tamitema lexe Mosinge mutulusou Iesua mu'umenu no anu soli. La la'iaxa'a xo mi'oxo lexe vaikala noxi'a ilou ne uxalixu xavutala lexe ili'i la tamitema latala imauli no anu soli kalumo.

Tioni 3:2

La no olovoxo vile anu mune'e noxou Iesua ka muvikala lexe, “Tisao, nexi talavusine lexe nini mene noxou Mosinge nene'e so lexe natisa. Mi ne mupalasi noxixe xo telavu lexe loxo Mosinge uxolu noxou itema vile uasi la vote'i so u'oxonu sosovo so xavi aloxo 'o uasi.”

Luku 9:6

Iesua mupalusi'a axone laso ane'i milailai no tuatuala no xale lia ne so milanu vaikala laixe xe mipaipoune'i tapipiena.

Matiu 23:13

La Iesua musolonu aloxo 'ola, “Anu masua noxinge ngingi tamitema so lavulavu no anu lavuloto xe ngingi Tapalisi. Ngingi tamitema so vaikalamengi tamaxu vilemo no anu ilixomengi to ne. Xo ngingi ngatatuxa'a tamitema laso vote'i uasi so i'unalai ixolu no voxo so Mosinge molu u'uli laxune'i tamitemaou no tualasou. Ngingi menge nga'unalai uasi xe loxo tamitema a so i'unae la ngatanutanuxa'a to!

Matiu 21:43

Laso avikala­ngengixu voxo so Mosinge molu u'uli laxune'i tamitemaou aloxo 'o. Anu uxexenu no avonge so mi noxingela uasi. Mukalu la upili­xinu noxi'a tamitema laili vile ane so isaxila'u mo ixalixu nene'axu laixe no anu.

Matiu 21:31

Ioxe, noxi'a ta'olu tamei ne, la ena'ei noxi'a mumulinu masaxa noxou momu?” La ane'i mikolinu lexe, “A, anu ane tei.” La Iesua muvikalane'i aloxo 'o, “Avikalangengi manina lexe tamitema so itaxusou taxisi oli'a tasema so vote'i masi i'una ixolu no voxo so Mosinge molu u'uli laxune'i tamitemaou, ia ngingila uasi.

Matiu 11:1

Ioxe, Iesua mupelototosi'a tatisai­peliou 12 ne mukalu la anu mulutu mulai no taotaoni no anu xale lia ne so muvotovotone'i tamitema mo mulalanu Mosinge vaikalaou noxi'a.

Matiu 10:8

Mo tapipiena la ngapaipoune'i xe tamitema ane isoli la ngapamauline'i xe ane'i so siki lepelesi la ngaxalixu vasime'a malemalenga xe ane'i ane ta'a­ngelo tamasua ikasi'a la ngaku­sai'a noxi'a. Su'uli ane nga'oxonu ne ngano'u lapesou uasi xo su'uli ane ngexalisou la ngalotonu uasi.