Matiu 10:5 - Ata New Testament

⁵ Ane'i 12 'o ne Iesua mupalusi'a so ilailai ia tei la mupelototosi'a aloxo 'o, “Ngalai la ngalai noxi'a tamitema noale'ale uasi, mo nga'unalai no taotaoni noxi'a Tasamalia uasi.

Matiu 10:5 Referans Kwoze

Tioni 4:9

Ia sema Samalia ne mi'oxo lexe, “Ai nini Naiuta ane, xe eni sema Samaliamo, laso axova so nelingau lexa noxilo aloxo 'o?” Ane mivikala axone xo ane'i Taiuta ilavusou ikalitotone'i noxi'a Tasamalia.

1 Tesalonaika 2:16

Ane'i itanutanunexe so talanu vaikala so pamauli noxi'a tamitema noale'ale uasi. Ane'i me'a isu'anu la'oluxu susu noxi'a la anu loxo uana'ana avile. Laso la'ia noxou Mosinge mumomomo mo mulalaxisi.

Luku 17:16

Anu mulivu xe muxali la mulalusi no tava'u Iesua so muvikala laixe noxou. Itema ne anu so Samalia.

Ta'aposeli 10:45

La ane'i talopala Taiuta ane oli'a Pita mine'e milomu lexe ane'i mivi­vikala no anu vaikala iouiou xe mi'itinu Mosinge ualasou. Milomu axone la mikuluke mo mivikala lexe, “Ai ngamalei, Mosinge munixi'u Ulenu Laixe muxali noxi'a tamitema noale'ale kalumo.”

Luku 9:2

Xe mupalusi'a so ilanu vaikala laixe so voxo ane Mosinge molu u'uli laxune'i tamitemaou xe so ipai­poune'i tamitema loxo itavu­lenu tu'umaxu no vasime'a.

Ta'aposeli 1:8

Ia ili'i no voxo Ulenu Laixe uxali noxinge la ngingi ngano'u xavi so ngaa'a­loxo noxi'a tamitema. Ngaa'aloxo ne Ielusalemo mo no xale lia ne Iutea mo ne Samalia mo ulai avile no xale tuatuala ukalusi.”

Tioni 20:21

La Iesua muvika­lane'ila lexe, “Amasaxau lexe opongengi uai se'isisi. Aloxo Mamilo mupalusilo ene'e 'o la axone kalumo eni apalusinge so ngalailaisi.”

Tioni 7:35

Laso ane'i Taiuta mivikalane'i ngato'o lexe, “Itema ano'o u'oxo lexe ulai ne'ei e so taxalisou uasio? Masi ulai noxi'a laili noxinge e ixoxolu no taine'i Takiliki so uvotone'i, ne?

Tioni 4:5

Mumulinu xo laso muxali no taoni vile ne Samalia ilemolu lexe Sikali. Taoni ne uxolu alai no lia e Iakovo mupilixinu noxou olu Iosepu tatei.

Luku 10:33

Ia itema so Samalia vile a mumulinu vote'i ne so ulai no tuala vile. Mulutu xo xe muxalisou itema ne la tanuxu misevile.

Matiu 4:15

“Liaxa'a laili noxou Sevuluni xe noxou Napitali ne muxolu alai no vote'i tatila e ulai no luaki. Anu uxolu xalevile no anu lexa Tiotani. La anene xale lia ne Xalili ane. Ane'i tamitema noale'ale tavu'alo italupexa ne.

Ta'aposeli 8:1

La Sauli mumaisi'a mivau Sitiveni axone la anu mu'osa xo oponu vilesisi axone. Ioxe, no anu voxo anene la tamitema misoko'u so itovonu so imamulonu pita ne Ielusalemo. Laso ane'i tatemanu pita ne mipaxelele mo milailai no xale lia ne Iutea xe ne Samalia. Ane'i ta'aposelisi mixolu ne Ielusalemo.

Tioni 8:48

La ane'i Taiuta mikolinu Iesua lexe, “Nexi te'oxo lexe nini so Samalia xe angelo masua uxolu noxine ne. La no anu anene telemolu manina, ne?”

Tioni 4:20

Ane'i tatiatilasixe milavusou ipita no anu la'olu 'o so i'itinu Mosinge ualasou. Ia ngingi Taiuta nga'oxo lexe tanixu u'isalili so tamitema i'itinu Mosinge ualasou a uxolu ne Ielusalemosi.”

Luku 10:1

Ioxe, ili'i la Tatananenge musoso­vosi'a tamitema 72 mo mupalusi'a tamei tamei so milailai. Mupalusi'a so i'uli noxou mo ilailai no taotaoni xe tuatuala ane anu so ulai no anu u'isalili.

Matiu 22:3

Ia tei la anu mupalusi'a tauokuvoiou so ilai noxi'a ane'i ane muali'a lumamo so i'avali'a ine'e. Mi'avali'a lexe ine'e ia imasaxau to uasi.

Maki 6:7

Xe mune'e la anu mu'avali'a tatisaipeliou 12 mipita noxou. La anu muvikalane'i aloxo 'o, “Ngingi tametamei ngalai ngaxixao no tuatuala. Ngalai, la ngalai no anu xavi noxilo so ngakusai'a ta'angelo tamasua ane ikasi'a tamitema.

Luku 9:1

Mune'e la Iesua mu'avali'a ta'apo­seliou 12 mine'e mipita noxou. Mipita noxou laso anu mutulusi'a no anu xaixai mo mulosi'a xavi so ikusai'a ta'angelo tamasua xe so ipaipoune'i tami­tema no anu siki iouiou.

Tioni 17:18

Aloxo nepalusilo ene'e noxi'a tatemanu lialia la eni kalumo apalusi'a tatisaipelixeli so ilailai noxi'a tatemanu lialia.