Matiu 10:40 - Ata New Testament

⁴⁰ Xe Iesua muvikala aloxo 'ola, “Loxo itema u'osasinge so nga'una noxou la ngingisi uasi, anu u'una­leli ane. Mo loxo u'osasilo so a'una noxou ne la enisi uasi, anu u'unanu anu ane mupalusilo ene'e 'o.

Matiu 10:40 Referans Kwoze

Tioni 13:20

Eni avikalangengi manina e maninasi, loxo apalusou ena'ei so u'oxonu xaixai noxilo xe itema vile u'osa so u'unanu, la anu a u'unaleli ne. Xe loxo itema ena'ei u'unaleli la anu a u'unanu anu ane mupalusilo ene'e 'o.”

Luku 9:48

La muvikalane'i lexe “Itema aneva usexelaxu molomolo soxu 'o so usu'ulinu no anu ualasilo, la anu loxo usexelaxu molomolo ano'osi uasi. Anu usexelaxo ane. Xe loxo usexelaxo axone, la enisisi uasi. Axone la anu usexelaxu Mamilo e mupalusilo kalumo ane. Xo itema ane uxolu loxo mi vitanisi no taingengi la anu so u'uli laxungengi ane.”

Luku 10:16

Mo musolonu noxi'a tatisaipe­liou ne lexe, “Itema ane ulomu­ngenge la anu ulomuxo ane. Xe itema ane uxiunu tumalou noxinge la anu uxiunu tumalou noxilosi ane. Xe anu uxiunu tumalou noxilo axone la anu uxiunu tumalou noxou Anu ane mupalusilosi.”

Matiu 18:5

Itema aneva usexelaxu molomolo aloxo 'o so usu'ulinu no anu ualasilo, la anu loxo usexelaxu molomolo nesi uasi. Eni ane.”

2 Tioni 1:9

Loxo itema vile upolo va'axu mo uxolu no anu votovotosou Kalaisiti uasi, la anu upalasi lexe Mosinge uxolu noxou to uasi. Ia loxo itema utalupexa laixe no anu votovotosou Kalaisiti la anu upalasi lexe Maminge ilou Olu a ixolu noxou.

Tioni 20:21

La Iesua muvika­lane'ila lexe, “Amasaxau lexe opongengi uai se'isisi. Aloxo Mamilo mupalusilo ene'e 'o la axone kalumo eni apalusinge so ngalailaisi.”

Matiu 25:40

Laso kingi ukoline'i lexe, 'Avika­langengi manina aloxo 'o. Mi ma'ia nge'oxonu noxi'a tavivilo tatiatila o tami vitanisi, la nge'o­xonu noxilo ane.'

1 Tesalonaika 4:8

Laso loxo itema uxililiou vaikala ano'o la uxililiou vaikalamexi tamitema uasi, uxililiou Mosinge. E mulo­singe Ulenu Laixe a uxolu noxinge ne.

Xalesia 4:14

La siki no vasimelo ne mulosinge tu'umaxu ia ngingi ngamatapialeli o ngaleve­tesilo uasi. Ngingi nge'o­sasilo mo nge'unaleli noxinge a loxo eni angelou Mosinge o Kalaisiti Iesua anu molu.

Tioni 5:23

Mu'oxonu axone mo so tamitema mukalusi itaxanu ualasou Olu iou vilesisi aloxo ane'i itaxanu ualasou Maminge. Maminge molu mupa­lusou Olu laso loxo itema utaxanu ualasou Olu uasi la anu utaxanu ualasou Maminge uasi ane.

Maki 9:37

“Itema aneva usexelaxu molomolo aloxo 'o so usu'ulinu no anu ualasilo, la anu loxo usexelaxu molomolo nesi uasi, eni ane. Xe loxo usexelaxo axone, la enisisi uasi. Axone la anu usexelaxu Mamilo e mupalusilo kalumo ane.”

Matiu 25:45

Laso anu ukoline'i lexe, 'Avikalangengi manina aloxo 'o. Mi ma'ia nga'o­xonu noxi'a tanoxilo 'o e tatiatila o tami vitanisi uasi, la nga'oxonu noxilo kalumo uasi ane.'

2 Kolini 5:20

Ioxe, laso Kalaisiti mutulusixe so tasosovosou mo talemolu vaika­laou. Mo no anu xolinexi la anu loxo Mosinge a u'ava'avali'a tami­tema. Nexi a tavikalangengi 'o ia nexi uasi, anu loxo Kalaisiti molu uxolu 'o so ukatu noxinge aloxo 'o, “Tu'umaxu ane ukalipa­langengi ne ukalui, xo vote'i a uxolu so ngalivu ngapita noxou Mosinge.”