Matiu 10:22 - Ata New Testament

²² Xe loxo ngingi, la tamitema opone'i umatapiangengi xo ngingi tamitemaxeli. Ia ngingi ngaxolu pakia'inge xo mo uxali no anu voxo kaluxusou xo ngingi ngaxalisou pamauli ane.

Matiu 10:22 Referans Kwoze

Matiu 24:13

Ia ane'i ane so ixolu pakia'a ulai uxali avile no anu kaluxusou voxo la ixalisou pamauli.

Tiemisi 1:12

Laso anu laixe noxou itema ane utulu pumuxu no anu tu'umaxu loxo utovonu lopala noxou. Xo uxolu uua'uli no anu xo xe ukalu la Mosinge ulosou palaisisou. Palaisi ne anu mi so mauli kaluxu uasi ane muvavalimasou noxi'a ane'i ane isexelaxu.

Mupala'a 2:10

Xe ngingi la maxuveni uasi la ngata­­vulenu navunavu ia opongengi kalaua uasi. Xo ngalomu, Uluaou upamuxane'i tamitema so ikalavu­sungengi ngingi mose'i. Utovo­ngengi mo ngatavulenu tu'umaxu ulai ulai umomomo no anu voxo 10. Ia ngatetelisou lopala noxinge pumuxu umomomo no anu soli, xo ili'i la eni alosinge mauli so palaisi na'a ngingi.

Maki 13:13

Xe loxo ngingi, la tamitema opone'i umatapiangengi xo ngingi tamitemaxeli. Ia ngingi ngaxolu pakia'inge xo mo uxali no anu voxo kaluxusou xo ngingi ngaxalisou pamauli ane.

Matiu 10:39

Loxo itema vile ulaxa'inu maulixu lexe mi noxou mo, la maulixu ne usu'a vitanisi ane. Ia loxo itema vile upilixinu maulixu xo tanu u'oxoxo la anu maulixu uxalixu nene'axu laixe.

1 Tioni 3:13

Tavivilo, loxo tatemanu lialia imatapiangengi la ngakulukemolu uasi.

Matiu 24:9

Xe ngingi, la taxilili ilosinge navunavu mo tu'umaxu mole se'i noxinge la ivenge ngasoli. Mo tatemanu xale tuatuala mukalusi opone'i umatapiangengi xo ngingi a ngatavulenu ualasilo.

Lomu 2:7

La tamitema se'i ne, opone'i ututuluou ilixo laixe. Xo ane'i opone'i utatamasou vote'i so xoluxolu laixe no tualasou Mosinge. Xe imasaxau lexe anu uvikalasi'a laixe mo uvikala lexe isolila uasi. Laso tamitema axone la anu ulosi'a mauli kaluxu uasi.

Ipilu 6:11

Laso oponexi lexe ngingi vilevilesi xavingengi axone so ngateteli pakia'u no anu lopala noxinge. Mo ngaxolu pumungenge axone ulai avile uxali no anu voxosou nene'axu lopala noxinge uxali loloni.

Tioni 17:14

Eni e'italonu vaikalameni noxi'a mukalu 'oe. La tatemanu lialia imatapiane'i xo xoluxoluxa'a tamitemaxeli ne a so lialia uasi aloxo eni so lialia 'o uasi.

Xalesia 6:9

Laso oponenge utotosa so ta'oxonu alauna uasi. Xo loxo kalakalanenge no anu ilixo laixe uasi la nenge taxalisou nene'axu laixe no anu voxosou u'isalili.

Luku 6:22

Laixe noxinge ngingi a so tamitema imatapiangengi. Xo ngingi ngatavulenu ualasou Itema ane molu noxou Mosinge laso tamitema ikalitotongengi xe ivi­kala masuainge xe ixililiou ualasinge.

2 Kolini 4:11

Xo nexi tamolo tanexiu masaxa noxou Iesua laso tamitema utotomu itovonu so ivexexu. Nexi tapilixinu vasimexe no anu soli axone so mauli noxou Iesua upalasi no anu.

Matiu 5:11

Laixe noxinge loxo ngatavu­lenu navuna­vusou ualasilo. Loxo tamitema ipupuiengi mo ilosinge tu'umaxu mo ikalavoisinge no anu vaikala masua iouiou.

Mupala'a 2:17

Anu ane, loxo itema sangalou la ulomuxu vaika­laou Ulenu Laixe anu upili­xinu noxinge no anu pitapita. Noxi'a tamitema ane so iua'uli la alosi'a la'ilali mana e uxolu utalume. Mo alosi'a lavo'o kea vilevilesi. No anu lavo'o vilevilesi ne akaukavunu ualaua­lasi'a mo ane'i tamosousi ilavusou, se'ila uasi.”

Tioni 7:7

Loxo ngingi la tatemanu lialia imatapiangengi uasi ia eni la imatapialeli xo alalanu vaikala so upala'anixu ilixone'i lexe masuasi.

Luku 8:15

Ia tamitema se'i ne opone'i ulapu mo laixe laso uloxu vaikalaou mo ikasou lexe manina. Anu loxo uiti ngiaxu ane mulapau no anu lialia laixe. Ikasou lexe manina laso ane'i ixolu pumuxa'a no anu lopala noxi'a mo uxalixu nene'axu.”

Mupala'a 3:21

Noxi'a tamitema ane iua'uli la alaixi'a so noxi'a tatalupexa no sia kingi noxilo. Iou vilesisi aloxo eni eua'uli mo a noxou Mamilo tatalupexa no anu sia kingi noxou.

Mupala'a 2:7

Anu ane, loxo itema sangalou la ulomuxu vaikalaou Ulenu Laixe anu upilixinu noxinge no anu pitapita. Noxi'a tamitema ane so iua'uli, la apilixine'i so i'ani no anu ovu so mauli ane uxolu no xai noxou Mosinge no tualasou.”

Ipilu 3:14

Ia nenge ane lopala na'a nenge manina musoko'u no tava'u mo uxolu avile umo­momo no anu telexu olele, la nenge tamitemaou Kalaisiti maninasou ane.

Mupala'a 2:26

Ioxe, noxi'a tamitema ane so iua'uli mo imulinu ili'ilixo noxilo ulai umomomo no anu kaluxusou lialia la a'oxo aloxo 'o. Eni alosi'a xavi so i'uli laxune'i tatemanu xale tuatuala mukalusi.

Ta'aposeli 9:16

La eni alosoiou lexe ua'aloxo axone mo utavulenu tu'umaxu xe navuna­vusou.”

Mupala'a 2:3

La ngata­vulenu tu'umaxusou ualasilo xo tamitema ito'omengexu ia ngatulu pumu­ngenge mo kalakalangenge uasi.

Luku 21:17

Mo ane'i tamitema latala mukalusi imatapiangengi xo ngingi a ngatavulenu ualasilo ne.

Luku 21:19

Laso ngatulu pumungenge mo so ngaxolu ngapamauli ane.”