Matiu 10:16 - Ata New Testament

¹⁶ La Iesua musolonu aloxo 'ola, “Ngalomu, eni apalusinge ngalai la ngingi loxo tasipisipi ilailai no taine'i ta'a'a tavova. Laso no anu lavulavu mo tilovo noxinge la loxo tasineke ia no ilixo noxinge la malemalenga mo lamanasi a loxo tangiala ta'utu 'o.

Matiu 10:16 Referans Kwoze

Luku 10:3

Laso ngalai. Ia ngalomu, apalu­singe ngalai la ngingi loxo tasipisipi ta'ili'a ilailai no taine'i ta'a'a tavova.

Pilipai 2:15

Mo so axone la ngingi menge ngapala'aningenge lexe ngingi Mosinge ta'olu ane xolu­xolungenge mulapusi mo lama­nasi. Xo ngingi ngaxolu no tainu laili so ilixo ukilikalu mo xililisi laso laixe so mi vile no anu xoluxolungenge so ito'omengexu uasi. Ngaxolu loxo lalamo no anu isivoxo so lialia 'osi.

1 Kolini 14:20

Tavivilo, xavutalamengi loxo tamolomolo uasi xo ane'i itilovo laixe uasi. Ngaxolu loxo tamitema ane tane'i mukalu. Ia no anu ngiou no anu sususi, la laixe so xoluxo­lungenge loxo takeakeasi. Xo noxi'a la opone'i ututulu no anu susu mo so ukasi'a uasi.

Kolosi 4:5

Xe anu laixe so lavulavu ilou tilovo noxinge u'asi'asi no anu vote'i so ngapamuxangengi no ie'i tamitema ane ilamana uao. Mo loxo tianisi uxali so ngalapune'i no anu Mosinge vaikalaou la ngapapunu uasi.

Luku 21:15

Xo eni melo alosinge vaikala so ngalanu noxi'a ilou lavulavu u'asi'asi. Laso loxo ngalemolu vaikala la ane'i ane ixililiienge ne imomomo so ikolingengi uasi, saexa'a uxolasi.

Ta'aposeli 20:29

Xe no anu latilovo ne telexu aloxo 'o. Eni alavu lexe loxo a'umesinge la anu loxo ta'a'a tavova i'una no taingengi mo imolo mamulo noxi'a tasipisipi.

2 Kolini 11:3

Ia eni auali xo axavutalanu vote'i so sineke mu'oxo loloxe Ivi no anu kalakalavoi noxou. Xo mamu so mi vile ulapunu xavutalamengi axone kaio ngaxe­xesou xoluxolu malema­lenga so opongengi u'oxo­xu Kalaisitisi.

1 Tesalonaika 5:22

Xe mi ane masua la ngaxolu va'axu no anu.

2 Kolini 11:14

Ia anu mi so takuluke no anu uasi xo Uluaou kalumo uxiunu so usaxi loxo angelo so lamana.

1 Tesalonaika 2:10

Ioxe, noxinge mo no iou Mosinge la ngelavusou mi ma'ia te'oxonu noxinge talopala. Xo nexi temulinu masaxa noxou Mosinge mu'isalili mo ilixomexi noxinge mulapusi mo so mi vile so tamitema ito'omexexu uasi.

Kolosi 1:9

Laso musoko'u no voxo loxo telomusou a'alosinge laixe ne la utotomu talingau su'ulisinge noxou Mosinge. Mo so ngalavu avile no anu masaxa noxou mo Ulenu Laixe ulosinge lavulavu u'asi'asi ilou tilovo laixe.

2 Kolini 1:12

Ioxe, ilixoleli laixe vile a'osa so alemolu noxinge aloxo 'o. Eni taleli uai se'isisi xo mi ma'ia e'oxonu no taine'i tamitema la mulapusi mo mulamana. Ia eni melo eno'u lavulavusou mi ne no anu lialia 'o uasi, Mosinge molu muiaiamaxeli so muxalixu noxilo. La mua­mua'ixo no anu anenesi no taine'i tamitema xe no taingengi la anu axone u'isalili.

2 Kolini 8:20

Nexi talaxa'i laixe xo loxo 'o io vaikala uxali so uto'omexexu vote'i so tepa­muxanu nene'axu alauna tatila noxi'a Mosinge ta'olu.

Matiu 24:25

Laso ngalomu laixe xo epela'ingexu mimi ne lumamo 'oe.

Matiu 24:45

La Tatananenge muvikala lexe, “Xo itema tila utulusi'a tauokuvoi kaini axova no taine'i tamenexi'a so isaxila'a tatemanu tasou mo ivelunu xa'a la'ilali no anu voxosou u'isalili? Anu utulusi'a ane'i ane ulopalane'i lexe i'oxonu xaixai noxou laixe mo lavulavui'a.

Matiu 25:2

La ta'uve noxi'a mixovulaulausi ia ta'uve noxi'a la lone'imatana.

Matiu 25:4

Xe ane'i ane lone'imatana la mitau ueli no anu lavotoni so mino'u ilou lalamo.

Matiu 25:9

Ia ane'i ane lone'imatana mikoline'i lexe, 'Uasi. Ueli ano'o umomomosinge nenge'a uasi to! Laixe loxo ngalai no lasitua so ngalotonu mengimo.'