Matiu 10:15 - Ata New Testament

¹⁵ Ia eni avikalangengi manina aloxo 'o. No anu voxo so Mosinge ukolinu susu olele la tu'umaxu ane uxalisi'a tatemanu taoni ne la uua'ulixu anene so uxalisi'a Tasotomu oli'a Taxomola.”

Matiu 10:15 Referans Kwoze

2 Pita 2:6

Mo axone kalumo noxi'a Tasotomu xe Taxomola. Xo Mosinge mumamulonu taoni tamei ne oli'a tatemanu no anu navu mole lomuloxusi a muxolu. Anu mu'oxo axone mo so loxo tamitema ta'ei ixililiou ili'ila la ino'u lavulavu no anu mi e muxalisi'a tatei ne.

1 Tioni 4:17

Laso no anu vote'i anene la sexela uxali ulomotele no anu xoluxolunenge. Mo so loxo sexela uxali ulomotele la no voxo so utilovosi'a tamitema mukalusi la nenge ta'ume uasi. Ta'ume uasi xo nenge a taxolu no lialia 'osio ia te'una mukalu no anu xoluxoluxu Kalaisiti a.

2 Pita 3:7

Mo no anu vaikalaousi la utetelisou loxotolo ilou lialia vaimomo 'o xo a mulalaxinusou navusi. Mulalaxinu mimi axone so uxomaiou voxo so utilovosi'a tamitema tamasua ka umamulone'i.

2 Pita 2:9

Laso ane, anu upalasi lexe Tatananenge ulavusou vote'i so u'umene'i tamitemaou Mosinge no anu tovotovo loxo uxalisi'a. Xe anu ulavusou vote'i so ukolikolinu susu noxi'a tamitema so kilikalu xo mo uxali avile no anu voxo so Lakoti noxou.

Maki 6:11

Xe loxo ngaxali no tuala aneva xe i'osasinge mo ilomungenge uasi la nga'umesou tuala ne. Xe loxo so ngalutu no iouxalengae la ngapu­panu tava'inge so io'isou tuala ne uxexe. Mo so axone la anu latilovosou ilixo masua noxi'a ane.”

Matiu 12:36

Ia eni avikalangengi lexe vai­kala vuluvulusi kitukitu se ma'ia ngale­molu la Mosinge utali'isinge no anu mo utulu­singexu no voxo so lakoti olele.

Matiu 5:18

Xo avikalangengi manina aloxo 'o. Vaimomo 'o ulai avile uxali no anu kaluxusou loxotolo ilou lialia 'o la vaikala sevile utuxu no anu lo tasiauxu vitanisi uasisi. Anu uxolu axonesi xo mo nene'axu mimi mukalusi uxali.

Matiu 7:22

Laso no voxo olele la tamitema latala ivikalaleli lexe, 'Tatananexi, Tata­nanexi. Nexi e te'oxonu xaixai so pela'a no anu ualasine a. Xe no anu ualasinesi tekusai'a ta'angelo tamasua mo te'oxonu sosovo so xavi a no anu ualasine nesi.”

Tioni 6:39

La masaxa noxou anu ane mupalusilo ene'e ne aloxo 'o. Ane'i mukalusi ane mupilixine'i noxilo la a'italonu soxu vile ka ulusi uasi, atetelisi'a xo mo uxali no anu kaluxusou voxo olele, la atulusi'a imauli mukalusi.

Tioni 6:40

Xo masaxa noxou Mamilo aloxo 'o. Tamitema mukalusi ta'ei isaxi noxou Olu kaio ilopala noxou la ixalisou mauli kaluxu uasi. Xe uxali no anu kaluxusou voxo la eni melo atulusi'a imauli.”

Tioni 12:48

Ia itema ane uxiunu tumalouilo mo uxililiou vaikalaxeli, la mi vile uxolu so upala'anixu lexe ilixou ne lakolisou a mamulosi. Mi ne a vaikalaxeli a alalanu 'o. Xo no anu voxo kaluxusou la anenesi ulemolu mamulosou ane.

Ta'aposeli 17:31

Xo anu musosovosou voxo mukalu so tamitema latala no lialia 'o ikoti ili'i. Xe anu musosovosou Itema vile so uto­ngone'i tamitema mo utilovosi'a lexe ilixo noxi'a axova. Anu mumaxa'u noxinge latala lexe anu musosovosou Itema ena'ei no anu xaixai ne. Mumaxa'u no anu vote'i e so mutulusou mu'umenu no anu soli.”

1 Kolini 3:13

Itulusou ia ili'i xaixai noxi'a vilevilesi upala'a no voxo loxo Tatananenge utilovo­sou. Utilo­vosou aloxo 'o. No voxo anene la anu uvaxanu navu no anu xaixai noxinge vilevilesi mukalusi so loxo navu u'ou aneva. Mo so no vote'i so navu ne la utilovosou lexe xaixai noxinge aneva manina o kalavoi.

1 Tesalonaika 5:4

Ia ngingi tavivixe, ngingi tamitema so isivoxo uasi. Laso loxo voxo ne uxali la ngingi ngakulukemolu loxo itema ukulu­kemolu itema so pakali uasi.

Ipilu 10:25

Xe ngaxiunu tumalingeou pita na'a nenge uasi, xo se'i la mi'oxo axone mukalu. Mo ngamaisou, voxo olele a unene'e, laso xavinenge so tape­lototosinge ngato'o.

Iuti 1:6

Xe loxo ta'angelo leviani la miua'ulixu lamakisou xavi noxi'a xe ixolu se'isisi no anu tanixa'a u'isalili uasi, mia'alasou. Laso Tatananenge muloilokisi'a no anu seni ane uxolu kaluxu uasi so ixolu ikalavusu no anu isivoxo xo mo voxo tatila so tilovo olele uxali.

Iuti 1:7

Mo aloxo tatemanu taoni ne Sotomu xe Xomola xe taotaoni no pa'ume'a. Ilixone'i iou vilesisi loxo ta'angelo to ne xo milaixu vasime'a no anu susu ane nuni'u mo iou vilemo manina. Laso Mosinge mumamulone'i no anu navu ane uxolu kaluxu uasi mo so ulosoie'i tamitema mukalusi lexe anene lakolisou ilixo axone.