Matiu 10:14 - Ata New Testament

¹⁴ Xe loxo se'i i'osasinge so nga'una noxi'a uasi o so ilomuxu vaikalamengi uasi xe ngala no anu tani o taoni anene la ngapupanu tava'inge so kalaisou uxexe. Laso no anu vote'i anene la nga'oxonu latilovosou ilixo masua noxi'a.

Matiu 10:14 Referans Kwoze

Ta'aposeli 18:6

Ia ane'i Taiuta mixililiou Polu mo mivikala masua noxou. Laso anu mu'umu'umunu kalai no lasiotiou veveni so latilovosou ilixo masua noxi'a. La anu muvikala lexe, “Mi na'a ngingisi. Loxo ngamamulo, anu tava'u noxingesi, eni uasi. Ngalomu uasi axone, laso ngingi ngaxolu ane, eni alai noxi'a tamitema noale'alesi.”

Ta'aposeli 13:51

Mikusai'a laso ilou mipupanu tava'a so liasou xale lia ne upei. Ane'i mi'oxo axone so isosovo lexe i'italone'i tamitema anene no anu ilixo masua noxi'asi. Mipupanu tava'a mukalu laso milutu milai no anu tuala ne Aiko­niamu.

Luku 9:5

Ia loxo tatemanu tuala vile i'osasinge uasi la ngaxexesi'asi ngalaisi. Xe loxo so ngalutu la ngapupanu tava'inge so kalaisou uxexe mo so ilavusou lexe anene latilovosou ilixo masua noxi'a.”

Maki 6:11

Xe loxo ngaxali no tuala aneva xe i'osasinge mo ilomungenge uasi la nga'umesou tuala ne. Xe loxo so ngalutu no iouxalengae la ngapu­panu tava'inge so io'isou tuala ne uxexe. Mo so axone la anu latilovosou ilixo masua noxi'a ane.”

1 Tesalonaika 4:8

Laso loxo itema uxililiou vaikala ano'o la uxililiou vaikalamexi tamitema uasi, uxililiou Mosinge. E mulo­singe Ulenu Laixe a uxolu noxinge ne.

Tioni 13:20

Eni avikalangengi manina e maninasi, loxo apalusou ena'ei so u'oxonu xaixai noxilo xe itema vile u'osa so u'unanu, la anu a u'unaleli ne. Xe loxo itema ena'ei u'unaleli la anu a u'unanu anu ane mupalusilo ene'e 'o.”

Maki 9:37

“Itema aneva usexelaxu molomolo aloxo 'o so usu'ulinu no anu ualasilo, la anu loxo usexelaxu molomolo nesi uasi, eni ane. Xe loxo usexelaxo axone, la enisisi uasi. Axone la anu usexelaxu Mamilo e mupalusilo kalumo ane.”

Matiu 18:5

Itema aneva usexelaxu molomolo aloxo 'o so usu'ulinu no anu ualasilo, la anu loxo usexelaxu molomolo nesi uasi. Eni ane.”

Luku 9:48

La muvikalane'i lexe “Itema aneva usexelaxu molomolo soxu 'o so usu'ulinu no anu ualasilo, la anu loxo usexelaxu molomolo ano'osi uasi. Anu usexelaxo ane. Xe loxo usexelaxo axone, la enisisi uasi. Axone la anu usexelaxu Mamilo e mupalusilo kalumo ane. Xo itema ane uxolu loxo mi vitanisi no taingengi la anu so u'uli laxungengi ane.”

Matiu 10:13

Laso loxo ane'i tamitema talaixe la vaikala laixe so xoluxoluxa'a lexe lalavulusi ne anu uxalixu nene'axu. Ia loxo ane'i talaixe uasi la anu vaikalameni laixe ne ulivu uxolu noxinesi.