Matiu 10:1 - Ata New Testament

¹ Ioxe, Iesua mu'avali'a tatisai­peliou 12 mine'e mipita noxou. Mipita noxou laso anu mulosi'a xavi so ikusai'a ta'angelo tamasua noxi'a tamitema xe so ipaipoune'i tamitema no anu tu'umaxu no vasime'a mo no anu siki iouiou.

Matiu 10:1 Referans Kwoze

Luku 10:19

Ngalomu, eni epilixinu xavi noxinge mukalu. Laso ngingi ngamomomo so ngataxapalisi'a tasineke tamasua xe tatanga la ivila'isinge uasi. Mo elosinge xavi so ngaua'ulixu xavi noxou Ulua­mengi la mi vile u'oxongengi masua uasi.

Luku 24:49

Mo ngalomu. Anu ane Mamilo muvavalimasou la eni a so apalusou une'e noxinge. Laso ngingi ngaxolu no taoni 'o xo mo xavi ane molu teitexi une'e usu'asinge.

Ta'aposeli 1:8

Ia ili'i no voxo Ulenu Laixe uxali noxinge la ngingi ngano'u xavi so ngaa'a­loxo noxi'a tamitema. Ngaa'aloxo ne Ielusalemo mo no xale lia ne Iutea mo ne Samalia mo ulai avile no xale tuatuala ukalusi.”

Tioni 3:27

Ia Tioni mukoline'i lexe, “Itema vile utulu­sou no anu xaixai vile uasi. Mi ma'ia so u'oxonu la anene molu no tualasou Mosingesi.

Luku 6:13

Ioxe, aso muxali la anu mu'a­va­li'a tatisaipeliou mo muilou­ne'i 12 noxi'a so umoxo'a lexe ta'aposeliou.

Luku 21:15

Xo eni melo alosinge vaikala so ngalanu noxi'a ilou lavulavu u'asi'asi. Laso loxo ngalemolu vaikala la ane'i ane ixililiienge ne imomomo so ikolingengi uasi, saexa'a uxolasi.

Ta'aposeli 19:15

Ane'i ta'olu mi'oxo axone xe voxo vile la mivikalanu angelo masua vile no vasimolu itema vile. Ia angelo ne mukoline'i lexe, “Eni alavusou Iesua mo alavusou Polu, ia ngingi ta'ei 'o?”

Tioni 17:2

Xo nepilixinu xavi noxou so u'uli laxune'i tatemanu lialia mukalusi. Mo so noxi'a tamitema mukalusi e nepilixine'i so lexe tanoxou, la anu ulosi'a mauli kaluxu uasi.

Tioni 6:70

La Iesua mukoline'i lexe, “Eni melo eiloungengi ngingi 12 'o ia vile no taingengi anu noxi'a ta'angelo tamasuamo.”

Tioni 3:35

Maminge use­xe­­laxu Olu misevile la mupi­lixinu mimi mukalusi no avolu.

Mupala'a 12:1

Ioxe, mi vile iou vilemo manina mo so tanengelili no anu mupa no loxotolo. Mi ne aloxo 'o. Sema vile lavulutie no anu aso a mixoxolu. Xe so'io muai no tava'e laxu. Xe tataoto 12 muxixaosou kisie a loxo ati.

Matiu 26:47

Iesua a uvivikala axonesio la Iutasi e vile noxi'a tatisaipeli 12 oli'a tamitema latala mine'ene'e mixali. Ane'i a mitetelisou lavilaviso so oto ilou kulukulue. Ane'i tatiatila noxi'a tapilisiti xe tatiatila noxi'a Taiuta mipalusi'a mine'e axone soitetelisou Iesua.

Matiu 26:20

Mune'e xe no o'olovoxo la Iesua oli'a tatisaipeli 12 ne mipita mitalupexa so i'ani no latevolo.

Matiu 19:28

La Iesua muvikalane'i lexe, “Eni avikala­ngengi manina aloxo 'o. No voxo loxo mimi uxiu uxali alavuala la Itema ane molu noxou Mosinge utalupexa no anu sia kingi iaxu noxou. Ioxe, laso no voxo anene ngingi ane ngemulileli 'o, ngingi ngatalupexa no anu sia kingi 12 kalumo. Ngatalupexa ne so ngato­ngonu ilixo noxi'a laili 12 noxi'a Ta'isilaeli.

Matiu 6:13

Mo na'oxonu latolosixe mo so tovotovo ukasixe uasi. Na'ume­nexi no anu susu. Xo nini naxolu na'uli laxunu mimi muka­lusi xe xavineni misevile xe ualasine utiatila avile ulai ulai xo mo kaluxu uasisi. Vaikala ano'o manina.

Matiu 4:23

La Iesua muxixao no xale lia ne Xalili mukalusi mo loxo uxali no tuala ne'ei la ulavusou u'unalai no tasou lavuloto noxi'a so uvotovo­tone'i. Muvotone'i la mulanu vaikala laixesou voxo so Mosinge anu molu u'uli laxune'i tamite­maou. Xe tamitema ta'ei mitavu­lenu tu'utu'umaxu no vasime'a o siki iouiou mukasi'a la anu mupaipoune'isi.

Matiu 9:35

Ioxe, no voxo ne Iesua mumo­moxu taotaoni xe tuatuala mo mu'una'una so uvotovoto no tata­sou lavuloto noxi'a. La mulanu vaikala laixe so voxo ane Mosinge molu u'uli laxune'i tamitemaou. Xe mupaipoune'i tamitema no anu tu'utu'umaxu mitavulenu no vasime'a mo no anu siki iouiou.

Matiu 9:38

Laso ngalinga noxou Tatananu xai so upalusi'a tavo­kuvoi se'ila mo so itaxusou nene'axu xaixu.”