Matiu 1:22 - Ata New Testament

²² Mimi anene nene'axu vaika­laou Tatananenge e mule­molu noxou polopetiou tatei aloxo 'o.

Matiu 1:22 Referans Kwoze

Luku 24:44

Mukalu la anu muvikalane'i lexe, “Mala'o loxo nenge'a texolusio la epela'inge lexe vaikalasilo e mukaukavu muai no anu lavuku so lo noxou Mosisi xe tapolopeti xe no anu Lexelexe la uxalixu nene'axu ane.”

Matiu 2:23

Ane'i milai no xale lia ne la mixolu no tuala ilemolu lexe Nasaleti. Mixolu ne laso muxalixu nene'axu vaikalaou Tata­na­nenge ane polopeti vile mukaukavunu tatei lexe, “Ane'i imoxo'u lexe itema so Nasaleti.”

Ta'aposeli 3:18

Ia mi ane nge'oxonu ne, anene vote'i so Mosinge muxalixu nene'a­xu vaikala mulemolu no anaxa'a tapolopeti tatei. Vaikala milemolu lexe Kalaisiti utavulenu tu'umaxu.

Tioni 18:9

La anene muxalixu nene'axu vaikala e mulemolu noxou Mosinge lexe, “Noxi'a ane'i ane nepilixine'i lexe tanoxilo, la e'oxonu latolosi'a mole vile noxi'a umamulo uasi.”

Matiu 13:35

Laso anene muxalixu nene'axu vaika­laou polo­peti vile mulemolu tatei aloxo 'o, “Eni alanu vaika­laxeli no anu latilovosi. Mimi iouiou e mutalume tatei musoko'u no tava'u lialia xo mo muxali vaimomo 'o, ne eni alemolusi.”

Tioni 17:12

Xo loxo exolu noxi'a 'o la elaxa'ine'i no anu xavinu ualasine e nepilixinu lexe ualasilo 'o. Eni e'oxo latolosi'a la vile noxi'a umamulo uasi, ia vilesisi e so mamulosi xo no anu ane la vaikala e uxolu no lavukumeni uxalixu nene'axu.

Tioni 15:25

Ilixone'i ne anu muxalixu nene'axu vaikala vile ane uxolu ukaukavu no anu lavuku so lo noxi'a lexe, 'Ane'i mimata­pialeli vitanisi, tava'u vile uasisi.'

Tioni 10:35

Tatei la Mosinge mulanu vaikala axo'o noxi'a mo mumoxo'a lexe ane'i itulu Mosinge no ie'i tamitema. Mulemolu axone mo nenge telavu lexe vaikala no anu lavukuou Mosinge uxolu axonesi, ulapua vitanisi uasi.

Matiu 13:21

Ia opone'i ukasou manina uasi. Anu loxo uiti ngiaxu ane uleme sevile ia uli'u so ulu'elai no lia uasi. Xo loxo tamitema isu'anu anaxa'a noxi'a mo ixililiie'i no anu vaikalaou Mosinge ne, la ane'i i'umesou palea.

Matiu 12:17

Mu'oxo axone mo so vaikalaou polopeti Aisaia uxalixu nene'axu. Mule­molu aloxo 'o,

Matiu 2:15

La ane'i milai mixolu ne Isipi xo mo Eloti musoli mukalu. La mi ne mumu­linu Tatananenge vaikalou e polopeti mukaukavunu tatei lexe, “Eni e'avalou alixeli muuatu no xale lia ne Isipi.”

Matiu 8:17

La no anu vote'i anene muxalixu nene'axu vaikalaou Mosinge e mulemolu no anaxu polopeti Aisaia aloxo 'o, “Anu molu mu'umenu navunavu na'a nenge mo muxexenu pipiena noxinge.”

Matiu 5:17

Xe musolonu aloxo 'ola, “Mamu so ngaxavutala lexe eni ene'e so amamulonu lo xe vaika­lai'a tapolopeti. Ene'e so axililiou uasi, ene'e so amomoxu.

Luku 21:22

Xo no voxo anene Mosinge ukolinu susu laso vaikala ane uxolu ukaukavu no lavukuou la uxalixu nene'axu mukalusi.

Mupala'a 17:17

Ane'i i'oxo axone xo Mosinge molu upamu­xanu tane'i laso loxo ane'i, la i'oxo lexe imulinu masaxa noxi'asi. Ia no anu mi e i'oxonu ne Mosinge uxalixu masaxa noxoumo. Xe takingi ipilixinu xavi noxi'a ulai noxou mi vova olele la anene uxalixu nene'axu vaikalaou Mosingesi ane.

Lomu 1:2

Vaikala ne tatei Mosinge muvavalimasou no anu anaxa'a tapolopetiou. Vava­lima ne mikaukavunu mo a uxoxolu no anu vaikalaou male­malenga.