Matiu 1:20 - Ata New Testament

²⁰ La Iosepu oponu utulu axonesi, xo la muai musaxi la angelou Tatananenge mupa noxou mo muvikalanu lexe, “Iosepu ilusunu Tevitio. Nano'e Malia so ngolou ngaxolu loxo semameni, na'ume uasi. Xo anu ane uxolu no opone ne anu molu noxou Ulenu Laixesi.

Matiu 1:20 Referans Kwoze

Luku 1:19

La angelo mukolinu lexe, “Eni Xevilieli a. Eni ane alavusou atulu no laxunu Mosinge. Anu molu mupalusilo ene'e epala'anixu vaikala laixe ano'o noxine a.

Matiu 1:18

Ano'o a'alosou Iesua Kalaisiti lexe muvo'o axova. Nenu ualasie lexe Malia ne ane'i misosovosie so itaula'ixu Iosepu. La ilou ixolu ipita uao ia Malia opone xo Ulenu Laixe molu muxalixu mi ne.

Matiu 2:19

Ioxe, Iosepuena mixoxolu ne Isipi xo xe Eloti musoli mukalui laso angelou Tatananenge mupa noxou Iosepu no anu ai saxi.

Luku 2:4

Ioxe, Iosepu kalumo mulutu so ulivu no tualasou. Anu ilusunu Teviti xo anu so laili noxou u'isalili laso mulutu no tuala Nasaleti ne Xalili e muxolu no anu ne. Mulutu la mulai no tualasou ane Peteliemu ne Iutea xo anene tuala noxou Teviti.

Matiu 28:5

Xe tasema mimalei axone la angelo muvikane'i lexe, “Mamu so nga'ume. Xo eni alavu lexe ngingi ngene'e so ngakamulinu Iesua e mililixu no ovu valautu ka musoli.

Matiu 2:22

Ia Iosepu mulomu lexe Eloti olu Alekelausi muno'u tanixu mo ukingi ne Iutea laso anu u'ume so ulivu ulai ne. Mo Mosinge mupamuxanu Iosepu no anu ai saxi vile sila mulai no xale lia ne Xalili.

Matiu 2:13

Xe ili'i la tamitema so lavulavu milai mukalu, xe Iosepu muxoxolu xo xe muai musaxi. Muai musaxi la angelou Tatananenge mupa noxou la muvikalanu lexe, “Nalutu mo nano'a molomolo olie nenu mo nga'ume ngalai ne Isipi. Mo ngalai ngaxolu ne xo xe ili'i la eni a'avalinela. Xo Eloti ukakamulinu molomolo ne so uvau usoli.”

Matiu 2:12

Milosou mukalu xe ili'i loxo miai la Mosinge mupela'a no anu ai saxi lexe ane'i ilivu ilai noxou Elotila uasi. Laso ane'i mipolo no vote'i vile so ilivu no tualasi'a.

Matiu 27:19

Xe anu a utalupexa no anu sia so tiasi noxousio la vaikalaie semau muxali noxou aloxo 'o, “Nini na'oxo mi vile noxou itema mulapusi ne uasi. Xo no olovoxo la emaisou no anu aisaxi la etavulenu tu'umaxusou lapilai uasisi.”

Ta'aposeli 5:19

Ia no olovoxosi la angelou Tatananenge mune'e muki­sinu aitengaxu lakalavusu. Mukisinu mukalu laso mulane'i mo muvikala lexe,

Mupala'a 19:7

Laso nenge oponenge u'osa'ila mo tavikala laixe mo ta'itinu ualasou. Xo voxo a muxali mukalu so Sipisipi Ilie utala'i la semau a milalaxi mukalu.