Luku 9:59 - Ata New Testament

⁵⁹ Xe Iesua muvikala noxou itema vile lexe, “Nane'e namulileli.” Ia anu muvi­kalanu lexe, “Tatilao, na'italoleli so alai a'asixu mamilo teio, ukalu laso amulineni.”

Luku 9:59 Referans Kwoze

Matiu 16:24

Mukalu la Iesua muvikalane'i tatisaipeliou lexe, “Loxo itema umasaxa so umulileli la upilixinu masamasaxa noxou. Upilixinu ukalu la ulalaxinu oponu so lexe loxo umulileli xe uxalisou tu'u­maxu o mailasou, la u'ume uasi. Anu loxo u'itinu ovu valautu so usoli no anu mo utavulenu so umulilelisi.

Matiu 6:33

Laso laixe so ngingi opo­nge­ngi u'oxoxu voxo ane Mosinge molu u'uli laxune'i tamitemaou xe ilixo malemalenga noxou. Xo loxo mimi so xoluxolungenge 'o ne anu a upipilixinu noxinge 'oe.

Matiu 9:9

Ioxe, ili'i la Iesua mumuamua'i mulai xe mumaisou itema vile ualasou lexe Matiu a uxoxolu no tasou taxisi. La muvikalanu lexe, “Nane'e namulileli.” Sila Matiu mu'avuti mumulinusi.

Luku 9:60

“Ia Iesua muvikanu lexe, “Tamitema ane misoli mukalu la me'a i'asixa'a tamenexi'a isoisoli. Ia loxo nini la naxixao no tuatuala so navikala lamana no anu voxo ane Mosinge molu u'uli laxune'i tamitemaou.”