Luku 9:48 - Ata New Testament

⁴⁸ La muvikalane'i lexe “Itema aneva usexelaxu molomolo soxu 'o so usu'ulinu no anu ualasilo, la anu loxo usexelaxu molomolo ano'osi uasi. Anu usexelaxo ane. Xe loxo usexelaxo axone, la enisisi uasi. Axone la anu usexelaxu Mamilo e mupalusilo kalumo ane. Xo itema ane uxolu loxo mi vitanisi no taingengi la anu so u'uli laxungengi ane.”

Luku 9:48 Referans Kwoze

Luku 14:11

Itema loxo molu u'itinu la anu ulu'e ane. Ia itema loxo molu ulu'enu la uxolu u'uli ane.”

1 Pita 5:6

Laso ngalu'engengi ngaxolu no laxu Mosinge avolu so u'oxo latolosinge no anu xaviou xo mo uxali no anu voxo e muso­sovosou so molu u'itingengi.

Luku 22:26

Ia ngingi ngamulinu ilixo noxi'a uasi. Loxo vile no taingengi so u'uli laxungengi la anu uili'i manina tei. O loxo vile so uxali tatila la anu uxali loxo uokuvoi vitanisi tei.

Tioni 13:20

Eni avikalangengi manina e maninasi, loxo apalusou ena'ei so u'oxonu xaixai noxilo xe itema vile u'osa so u'unanu, la anu a u'unaleli ne. Xe loxo itema ena'ei u'unaleli la anu a u'unanu anu ane mupalusilo ene'e 'o.”

Luku 10:16

Mo musolonu noxi'a tatisaipe­liou ne lexe, “Itema ane ulomu­ngenge la anu ulomuxo ane. Xe itema ane uxiunu tumalou noxinge la anu uxiunu tumalou noxilosi ane. Xe anu uxiunu tumalou noxilo axone la anu uxiunu tumalou noxou Anu ane mupalusilosi.”

Mupala'a 3:21

Noxi'a tamitema ane iua'uli la alaixi'a so noxi'a tatalupexa no sia kingi noxilo. Iou vilesisi aloxo eni eua'uli mo a noxou Mamilo tatalupexa no anu sia kingi noxou.

1 Tesalonaika 4:8

Laso loxo itema uxililiou vaikala ano'o la uxililiou vaikalamexi tamitema uasi, uxililiou Mosinge. E mulo­singe Ulenu Laixe a uxolu noxinge ne.

Tioni 14:21

Itema aneva u'osasou voto noxilo so umulinu, la anu anesi so usexelaxo ane. Xe anu ane usexelaxo ne, la Mamilo usexelaxusi. Xe eni kalumo esexe­laxu mo apala'anixilo noxou.”

Luku 22:30

Xo no voxo loxo eni a'uli laxune'i temitemaxeli la ngingi ngaxolu nonano so nga'ani mo ngaie no latevolo noxilo ne. Mo ngingi ngatalupexa no anu sia kingi so ngatilovosou ili'ilixone'i laili 12 noxi'a Ta'isilaeli.”

Luku 7:28

Eni avikalangengi aloxo 'o. No taine'i tatemanu lialia mukalusi, la Tioni uua'ulixa'a avile. Ia no voxo so Mosinge molu u'uli laxune'i tamitemaou xe ena'ei noxi'a ualasou vitanisi, la uua'ulixu Tioni ane.”

Maki 9:37

“Itema aneva usexelaxu molomolo aloxo 'o so usu'ulinu no anu ualasilo, la anu loxo usexelaxu molomolo nesi uasi, eni ane. Xe loxo usexelaxo axone, la enisisi uasi. Axone la anu usexelaxu Mamilo e mupalusilo kalumo ane.”

Matiu 25:45

Laso anu ukoline'i lexe, 'Avikalangengi manina aloxo 'o. Mi ma'ia nga'o­xonu noxi'a tanoxilo 'o e tatiatila o tami vitanisi uasi, la nga'oxonu noxilo kalumo uasi ane.'

Matiu 25:40

Laso kingi ukoline'i lexe, 'Avika­langengi manina aloxo 'o. Mi ma'ia nge'oxonu noxi'a tavivilo tatiatila o tami vitanisi, la nge'o­xonu noxilo ane.'

Matiu 19:28

La Iesua muvikalane'i lexe, “Eni avikala­ngengi manina aloxo 'o. No voxo loxo mimi uxiu uxali alavuala la Itema ane molu noxou Mosinge utalupexa no anu sia kingi iaxu noxou. Ioxe, laso no voxo anene ngingi ane ngemulileli 'o, ngingi ngatalupexa no anu sia kingi 12 kalumo. Ngatalupexa ne so ngato­ngonu ilixo noxi'a laili 12 noxi'a Ta'isilaeli.

Matiu 18:14

Laso anu axone kalumo noxou Maminge e uxolu no tualasou lailaixe. Xo anu oponu ututulu lexe vile noxi'a ta'aliku moso 'o imamulo uasisi.

Matiu 18:10

Laso ngingi ngalaxa'i laixe lexe ngingi ngamatapiane'i ta'aliku moso 'o uasi. Xo eni avikalangengi lexe ta'angelo so isaxila'a a utotomu isaxisou iou Mamilo no tualasou.

Mupala'a 21:14

Xe no anu vimelusou taoni ne la lavo'o 12 a muta'olu no tava'u so pumuxu no anu. La no anu lavolavo'o ne ualaualasi'a ta'aposeli 12 noxou Sipisipi Ilie a mukaukavu no anu.