Luku 9:28 - Ata New Testament

²⁸ Ioxe, muvikala axone xe mixolu voxo loxo 8 mukalui laso anu muno'a Pita xe Tioni xe Tiemsisi la oli'a milai teitexi no la'olu vile so uvikala noxou Mosinge.

Luku 9:28 Referans Kwoze

Luku 6:12

Ioxe, no voxo anene Iesua mutelai no la'olu vile so uvikala noxou Mosinge. La muxolu olovoxo loloni muvikala noxou Mosingesi xo mo lamana mukea.

Luku 9:18

Ioxe, no voxo vile la Iesua muxoxolu so uvikala noxou Mosinge la tatisaipeliou a oli'a mixoxolusi. La anu mutali'isi'a aloxo 'o, “Tamitema latala ivikala lexe eni ena'eio?”

Luku 8:51

Ioxe, Iesua mulutu xo xe muxali no tasou itema tila ne la tamitema latala ne mu'apixa'a lexe ixolu. Ia muvikalane'i Pita xe Tiemisi xe Tioni xe molomolo mamie mo nenie lexe ane'i oli'asi i'unalai.

Maki 6:46

Ioxe, mupalupalusi'a tamitema milailai mukalu la anu mulutu mutelai no la'olu vile ne so muxolu muvikala noxou Mosinge.

Maki 1:35

Xe no kakau isi'isivoxosio la Iesua mutulu mula. Mutulu mula la mulai va'axu no tuala no apu vile ane tamitema ixolu uasi. Mulai so muxoxolu muvikala noxou Mosinge.

Ipilu 5:7

Ioxe, no voxo loxo Iesua muxolu no anu vasimolu so lialia 'o la anu mulinga mo mukatu noxou Mosinge. La no voxo ne mutama mole iou lexaxu mula. Mukatu axone xo mulavu lexe loxo usoli la Mosingesi umo­momo so u'umenu upamaulinu no anu soli. Xe Mosinge mumaisou lexe mulu'enu mo mumama'u noxou axone laso mukolinu katu noxou.

2 Kolini 13:1

Ioxe, eni a so ane'e noxinge la anu alaxu tatalusou 'o. Laso ngalaxa'i laixe xo loxo Mosinge vaikalaou mulemolu lexe, “Vote'i vilesisi so talovonixu susu, a so tamitema tamei o tatalu isaxisou ka ilemolu susu noxou menexi'a.”

Luku 3:21

La no voxo loxo tamitema latala a mi'oxonu ilixo so kelele la Iesua mune'e so Tioni u'oxonu noxou kalumo. Tioni mukelenixu mukalu xe Iesua muxolu muvikala noxou Mosingesio sila loxotolo mua'a.

Matiu 5:1

Ioxe, Iesua mumaisi'a tamitema latala milasi mine'ene'e laso anu mutelai no la'olu vile mo mutalupexa. Mutalupexa mukalu la tatisaipeli mine'ene'e noxou.

Matiu 14:23

Anu mupa­lusi'a tamitema milailai mukalu la anusisi mutelai no la'olu so uvikala noxou Mosinge. La anusisi muxolu ne xo mo aso a mulu'elai.

Luku 5:16

Ia alaxu tavu'alo anu muxexesi'a mo mulai no xale lia ane tamitema ixolu no anu uasi so uvikala noxou Mosinge.

Tioni 6:3

La Iesua oli'a tatisaipeliou mitelai no la'olu vile la mitalupexa so mima'ila ne.

2 Pita 1:16

No voxo loxo tepela'inge lexe Tatananenge Iesua Kalaisiti une'e no anu xaviou tatila la tamulinu a'alo ane tamitema me'a ixalixu no anu lavulavu noxi'a to uasi. Xo nexi texolu mo temaisou xavinu lamanaxu so uxolu Mosinge no iexi lavo'onu 'osi.