Luku 9:20 - Ata New Testament

²⁰ La anu mutali'isi'a lexe, “Ia ngingi ngaxavutala lexe eni ena'eio?” La Pita mukolinu lexe, “Nini ane Mosinge musosovosou lexe Kalaisiti a.”

Luku 9:20 Referans Kwoze

Tioni 7:41

Xe leviani la mi'oxo lexe, “Anu ano'o ane so Kalaisiti.” Ia levianila la mi'oxo lexe, “Xo axova, loxo anu ane so Kalaisiti uxali la umomomo so anu Xalili vile aloxo anu ano'o? Uasi manina.

Tioni 4:29

“Ai, ngane'e ngamaisou itema vile. Anu muvikalalelixu mimi mukalusi e e'oxonu tatei mo mune'e 'o. Masi anu ane so Kalaisiti, ne?”

Ta'aposeli 17:3

Mupalapala­sinoxu lexe anu ane so Kalaisiti la vote'i vilela uasi, vote'i so upamau­linenge vilesisi ane so mutavulenu navunavu mo musoli xe mutulu no anu soli. La Polu muvikala lexe, “Iesua ane eni avotongengixu 'o, anu ane so Kalaisitisi.”

Ta'aposeli 9:22

Ia Tatananenge mulosou xavi, mo mulemolu vaikala tu'umaxu noxi'a Taiuta so tuala Tamasikusi ne. Mupala'anixu lexe Iesua anu ane so Kalaisiti. Mupala'anixu axone mo vaikalaou tu'umaxu laso ane'i imomomo so ikoli uasi.

Tioni 20:31

Ia mimi ano'o mukaukavu muai aloxo 'o mo so ngingi ngalopala lexe Iesua anu ane so Kalaisiti e Mosinge Olusi. Xe loxo ngalopala la ngaxalisou mauli no anu ualasousi.

Tioni 11:27

Sila Malita mikolinu lexe, “Ani Tatanaleli, eni opoleli mulopala lexe nini ane so Kalaisiti ane. Mo elavu lexe nini Mosinge Olu e nene'e no lialia 'o.”

Tioni 4:42

La mivivikala noxie sema olele lexe, “A tava'u so talopala aloxo xo no anu vaikalamenila uasi. Nexi mexe telomusou vaikalaousi laso telavu lexe anu ano'osi a Itema so pamaulisi'a tatemanu lialia.”

Tioni 1:49

Sila Natanieli muvikala noxou lexe, “Tisa, manina, nini Mosinge Olu. Nini nakingi noxixe Ta'isilaeli.”

Tioni 1:41

Ioxe, Anitilu ne loxo muxexesou Iesua la mulai avile mukamulinu vimou Saimoni. Mukamulinu xo xe muxalisou la muvikalanu lexe, “Ai, nexi texalisou Mesaia mukalu!” Uala Mesaia ne laxu lexe Anu e Mosinge musosovosou lexe Kalaisiti.

Maki 8:29

La anu mutali'i la mumaititi lexe, “Ia ngingi ngaxa­vutala lexe eni ena'eio?” La Pita mukolinu lexe, “Nini ane so Kalaisiti a.”

1 Tioni 5:1

Ioxe, tamitema ane ilopala lexe Iesua anu ane Mosinge musoso­vosou lexe Kalaisiti, la ane'i Mosinge ta'olu ane. Xe aloxo 'o, loxo evile usexelaxu itema vile la anu usexelaxa'a ta'olu kalumo.

Ta'aposeli 8:36

La ane'i a ilalai no vote'i xe mixali no lexa la itema tila ne muvikalanu Pilipi lexe, “Namalei, lexa ano'o. Mi vile u'apinenge so na'oxonu ilixo so kelele noxilo uasi, ne?”

Luku 22:67

“Nini navikalanexi. Nini ane so Kalaisiti o uasi?” Ia anu mukoline'i lexe, “Uo, loxo avikalangengi manina la umo­momo so ngalopalanu lexe manina uasi.

Maki 14:61

Ia Iesua muxolu tasiausi mo ukolinu vaikala vile uasi. Ioxe, pilisiti tatila mutali'isou aloxo 'ola, “Nini Kalaisiti ane Mosinge U'uli'uli Olu?”

Matiu 22:42

“Ngingi ngaxavutala axova, anu ane so Kalaisiti, ne anu so uxali ena'ei olu?” La ane'i mikolinu lexe, “A Teviti ilusunu.”

Matiu 5:47

Mo loxo ngavikala aso noxi'a tavivingesi la anene ilixo laixe noxi'a se'i axova? Xo ane'i tami­tema so isivoxo i'oxo axone to kalumo.

Matiu 26:63

Ia Iesua muxolu tasiausi. Laso tatila noxi'a tapilisiti muvikalanu lexe, “Io, eni atali'isine no anu ualasou Mosinge umamauli mo nini navikala maninasi. Nini ane so Kalaisiti? Nini Mosinge Olu, ne?”

Luku 9:19

La ane'i mikolinu lexe, “Se'i ivikala lexe nini Tioni e itema so u'oxo ilixo so kelele. Xe se'i i'oxo lexe nini Elaitia. Xe se'i ivikala lexe nini polopeti vile so tatei mumauli ane.”