Luku 8:18 - Ata New Testament

¹⁸ Mo muvikalane'i aloxo 'ola, “Vaikala ano'o ne ngalaxa'i laixe no anu, ngaxililiou uasi. Xo itema aneva ukasou vaikalaxeli la alosou nene'axu tavu'alo no latanu. Ia itema ane ukasou manina uasi, la axexenu sevile e muai noxou ne.”

Luku 8:18 Referans Kwoze

Matiu 13:12

Xo itema ane mimi se'i muai noxou mukalu la Mosinge ulosou se'i no latanula. Xe loxo anu ane uxalisou mi vile uasi, la uxexenu mi se ane muai noxou.

Luku 19:26

Ia kingi muvikalane'i lexe, 'Avikalangengi aloxo 'o. Tamitema ane mimi se'i muai noxi'a mukalu la alosi'a se'i no latanula. Xe loxo ane'i ane ixalisou mi vile uasi, la axexenu mi se ane muai noxi'a.

Matiu 25:29

Xo aloxo 'o. Tamitema ane mimi se'i muai noxi'a mukalu la alosi'a se'i no latanula. Xe loxo ane'i ane ixalisou mi vile uasi, la axexenu mi se ane muai noxi'a.

Tioni 15:2

Laso loxo avo'avolu noxilo ane unene'a uasi la anu uxotosou uxexe mukalusi. Io anu ane uxaxalixu nene'axu la Mamilo avo'avolusou xo upe'esou malusou mo so uxolu malemalengasi xo axone la nene'axu ulolutusi.

Ipilu 2:1

Ioxe, Mosinge Olu u'uli'uli avile axone laso vaikala laixesou e telomusou mukalu la takamakulunu pakia'u. Talaxa'i laixe xo loxo 'o io masi tasasalo taxexesou.

1 Kolini 14:37

Laso loxo ngingi mose'i nga'oxo lexe ngingi tamitema so pela'a o xavutala­mengi molu noxou Ulenu Laixe, la ngatilovo laixe. Ngatilovo laixe mo ngatongonu pelototo akaukavunu 'o lexe anu molu noxou Tatanane­ngesi.

1 Kolini 8:2

Mo loxo itema u'oxo lexe, “Ai mi 'o alavusou loloni,” la uasi ane. Loxo uvikala axone la anu ulavu to uasi!

1 Kolini 3:18

Ioxe, ngingi menge ngaka­lavoingengi uasi. Loxo itema vile no taingengi lavulavuou so lialia 'o la anu ulu'enusi. Ulu'enu mo uxali loxo kaulongusi mo so loxo no anu masaxa noxou Mosinge la ulosou itema ne lavulavu noxou e u'asi'asi.

Lomu 12:3

Ioxe, Mosinge muiaiama noxilo mo musosovosilo so alanu vaika­laou. Laso apelototosinge ngingi mukalusi aloxo 'o. Ngingi vilevilesi nga'itingengi lexe ngingi talaixe noxi'a tamenexinge uasi. Ngingi menge ngatilovosinge laixe, xo lopala noxinge ne Mosinge molu mulosinge no anu masaxa noxousi.

Ta'aposeli 17:11

Ioxe, Tavelia ne ane'i loxo tamitema latala ne Tesalonaika uasi xo opone'i muloxu vaikalaou Mosinge. Xe loxo milomusou votovoto noxou Polu la opone'i mu'osasou. La voxovoxo utotomu ane'i mino'u lavukuou Mosinge mo mikilolo lexe votovoto noxou ne ulovou o uasi.

Ta'aposeli 10:33

Laso maixene epalusi'a se'i milai mi'avaline. La laixe so nene'e noxilo xo vaimomo 'o nenge tapita no iou Mosinge mo nexi talalaxi so talomusou vaikala mukalusi ane Tatananenge mupalusine so nalo­sixe.”

Luku 9:44

“Ngingi ngalomunganiou vai­ka­­la­­xeli 'o. Ili'i la Itema ane molu noxou Mosinge u'italo no avo'a tamitema.”

Pilipai 3:4

Ai ngalomu, loxo mi so vasimenge usu'ulinenge axone la eni masi alopalanu ane. Xo loxo itema aneva u'itinu mi vile no anu vasimolu so ulopalanu, la eni aua'ulixu no anu to.

Maki 13:14

Ioxe, Iesua musolonu vaika­laou, ia itema ena'ei u'itisou la uxavu­talanu laxu laixe. Muvikala aloxo 'o, “Xe ili'i la ngamaisou mi e so matapia mo mamulo uxolu no tanixu e tavu no anu. No voxo loxo ngamaisou uxolu ne la laixe so Taiutea i'ume'ume ilai italume no la'ola'olu.