Luku 8:14 - Ata New Testament

¹⁴ Xe se'i la ilomusou votovoto kalumo ia anu loxo uiti ngiaxu ane mulapau no taitainu lamota ana'anaxu. Xo tamitema ane xo ne iuali no anu xoluxolu so vasime'a mo opone'i ututuluou lamoli xe vote'i so imomoxu masamasaxa no anu vasime'a. I'oxo axone laso maixene vaikala uleme no opone'i ka unene'a uasisi.

Luku 8:14 Referans Kwoze

1 Timoti 6:17

Mo napelototosi'a tamitema ane ixolu no anu mimi latanu lexe mamu so i'itine'i no anu mimii'a ne. Mo mamu so ilopalanu mi ane ukalu paleasi ne. Ilopala noxou Mosingesi xo anu mosou so uitimenge mimi ane uxalixu osa maninasou.

Maki 4:19

Xo tamitema ne opone'i ututulu no anu xoluxolu so vasime'a. Mo ane'i ixavutala no anu lamolisi xe masamasaxa so mimi iouiou. Xavutala na'a no anu mimi axone ukuponu votovoto loxo lamota ana'anaxu mukuponu uiti xolanu, laso unene'a uasi.

Matiu 13:22

Xe se'i la ilomusou votovoto kalumo. Ia anu loxo uiti ngiaxu ane mulapau no taitainu lamota ana'anaxu. Xo tamitema ne opone'i ututulu no anu xoluxolu so vasime'a. Mo anu masaxa so lamoli ne u'oxo loloxa'a laso utanuxu vaikala aloxo lamota ana'anaxu mukuponu uiti xolanu mole unene'a uasi.

Luku 21:34

Laso ngalaxa'i laixe. Xo loxo 'o io ngavaxa ngane'e so ngaie no anu leilei mo ngasipakisi xe opongengi uauavuti so mimi so vasimenge. Loxo mimi axone utetelisingesi xe voxo olele uxali la alaxu vilesisi ukulukengengi ane. Ukulu­ke­ngengi aloxo tami­soposi ikuluke mi ne tamitema ipiliune'i no anu kae.

Luku 8:7

Xe uiti ngiaxu se'i mulapau no taitainu lamota ana'anaxu xolanu. La uiti muleme ia lamota ana'anaxu muleme kalumo sila mukuponu avile.

2 Timoti 4:10

Xo Temasi mu'osasou xoluxolu so lialia 'osi la muxexesilo mo mulai no taoni Tesalonaika. Xe Kelesenisi mulai ne Xalesia polovinisi. Xe Taitusi la mulai no xale lia ne Talimesia.

Tioni 15:6

Xe loxo evile uxolu utoxo avile noxilo uasi la uxexe usu'asi aloxo tamitema ixexenu isu'anu ovu avo'avolu ane unene'a uasi. Isu'anu xo xe uxaloe la ipitanu kaio ipeinu u'una no navusi mole u'ela avile.

Luku 16:13

Uokuvoi umomomo so uxaxai noxi'a tatilasou tamei uasisi. Xo anu oponu masi tu'umaxuou vile mo ulomuanu xe u'osasou vile la ulomuxu. Anu umomomo so opongengi ututuluou mi tamei ukei loxo xaixai noxou Mosinge xe masaxa so lamoli uasi.”

Luku 8:13

Xe tamitema se'i ne ane'i ilomusou vaikala ia anu ulapau no opone'i loxo uiti ngiaxu mulapau no lavolavo'o taitainu. Loxo ilomusou vaikala la i'osasou ia loxo uli'u ulu'elai so pumuxu uasi. Anu loxo ilopala se ia maxuveni uasi xe tovotovoto uxalisi'a sila isasalo mo ilapau ixexesi.

Luku 8:15

Ia tamitema se'i ne opone'i ulapu mo laixe laso uloxu vaikalaou mo ikasou lexe manina. Anu loxo uiti ngiaxu ane mulapau no anu lialia laixe. Ikasou lexe manina laso ane'i ixolu pumuxa'a no anu lopala noxi'a mo uxalixu nene'axu.”

Ipilu 6:1

Ioxe, laso votovoto tavatava'u so Itema Mosinge musosovosou la ta'oso'oso no anusi uasi. Tasu'anu talanengeou mo xavinenge so tasukusuku talai no anu mimi ane so u'oxonu lopala noxinge uleme. Xo tei la telamana mo tepilixinu xaixai ane mauli no anu uasi mo so telopala noxou Mosingesi. Anene tava'u lopala na'a nenge ia mamu so talivulivuou utotomu.