Luku 7:9 - Ata New Testament

⁹ Iesua mulomusou vaikala noxou itema e mivulunu ne la mukisikula. Mo muxiu muvikalane'i tamitema latala ane mimulinu ne aloxo 'o, “Avikalangengi aloxo 'o. No tai­ngengi Ta'isilaeli la axalisou itema vile lopala noxou pakia'u aloxo itema ano'o to uasi.”

Luku 7:9 Referans Kwoze

Matiu 15:28

Xe Iesua mulomusou vaikalaie la mu'oxo lexe, “Ai semao, lopala noxine ne tatila kena. Laso mi ane nemasaxau la anu uxali noxine axone.” Sila alala'e se nesi ilie laixene avile.

Matiu 8:10

Iesua mulo­mu­sou vaikala noxou itema ne la mukisikula. Mo muvikalane'i tamitema latala ane mimulinu ne lexe, “Avikalangengi manina aloxo 'o. No taingengi Ta'isilaeli la axalisou itema vile lopala noxou laixe aloxo itema ano'o to uasi.

Matiu 9:33

Laso Iesua mukusaou angelo masua ne sila itema ne muvivi­kalala. La tamitema latala tane'ilili mo mivikala lexe, “Ai, tatei mi aloxo 'o uxali lai ne Isilaeli 'o uasisi.”

Luku 7:8

Eni avikala axone xo eni axolu no laxu tilasilo no anu ami e u'uli laxuleli. Xe ta'ami ane a'uli laxune'i la ane'i ixolu no laxo kalumo. Xo loxo avikalanu vile lexe, 'Nalai!' la anu ulutusi. Xe loxo avikalanu vile lexe, 'Nane'e 'o,' la anu une'esi. Xe loxo avikalanu voixeli vile lexe, 'Na'oxo aloxo 'o.' la anu u'oxonusi ane.”

Luku 7:10

Mukalu xe ane'i e tila noxi'a ta'ami mupalusi'a so i'ala milivu no tani la mimaisou voiou ne laixenusi.

Luku 7:50

Ia Iesua muvikalane sema ne lexe, “Nini nelopala laso nexalisou pamauli ane. Nalai naxolu lalavulusi.”