Luku 7:37 - Ata New Testament

³⁷ La sema vile so taoni ne ane sema so sususi. Ane milomu lexe Iesua u'ani'ani no tasou Palisi ne laso mino'u lavotoni so ueli tuma'u lailaixe. Lavotoni ne tamitema mi'oxonu no anu lavo'o lailaixe.

Luku 7:37 Referans Kwoze

Luku 5:32

Ioxe, ane'i ane me'a i'oxo lexe ane'i tamalemalenga, la ene'e so a'avali'a uasi. Eni ene'e so a'avali'a ane'i ane ilamana no anu susu noxi'a so ixiunu opone'i mo i'isalilinoxu so susu noxi'a ne.”

Matiu 21:31

Ioxe, noxi'a ta'olu tamei ne, la ena'ei noxi'a mumulinu masaxa noxou momu?” La ane'i mikolinu lexe, “A, anu ane tei.” La Iesua muvikalane'i aloxo 'o, “Avikalangengi manina lexe tamitema so itaxusou taxisi oli'a tasema so vote'i masi i'una ixolu no voxo so Mosinge molu u'uli laxune'i tamitemaou, ia ngingila uasi.

1 Pita 4:18

Xo loxo Mosinge vaikalaou ulemolu lexe, “Mosinge upamau­line'i tamitema ane talapu no iou, ia vote'isou la tu'utu'umaxu no anu. Laso loxo tamitema talapu kalumo ixalisou la masi noxi'a ane'i ane ixiunu tumali'aou Mosinge mo ixolu no anu sususi la itavulenu tu'umaxu kaini axovao?”

1 Timoti 1:9

Tava'u ne aloxo 'o. Nenge talavu lexe Mosinge muxalixu lo so si'a tamitema tamalemalenga uasi. Anu muxalixu so si'a tamitema so ilixo masumasua mo xililisi. Tamitema anene imama'u noxou Mosinge uasi, opone'i utulu no anu sususi. Lo noxou Mosinge ne si'a tami­tema ane ilixo mo vaikalai'a nunu'iusi mo ane'i ane ive'a tamami'a taneni'a xe tamitema isoisoli.

Luku 18:13

Ia itema ane so utaxusou taxisi ne mutulu va'axu sevile. Anu utala utelai uasi mutulu mutangatulusi. La mu'otonu lutunu so umaxa'u mama'u mo muvikala lexe, 'Uo Mosilo, eni amitema so susu a. Nini naiaiama noxilo mo nalosilo lakolisou susu uasi.'”

Luku 5:30

Oli'a i'ani'ani io Tapalisi oli'a tamitema se'i noxi'a so lavulavu no anu lavuloto mine'e misoko'u so ito'oto'ome'a tatisaipeliou no anu vaikala aloxo 'o, “Ai, loxova so ngingi ngoli'a tamitema so itaxusou taxisi xe tamitema so ili'iloxo masua iouiou a nga'ani mo ngaie ne?”

Lomu 5:8

Anene ilixo noxinge, ia noxou Mosinge iou vilemo manina. Anu musexela­nenge misevile. Xo no voxo loxo oponenge mututulu no anu sususio, la anu mupalusou Kalaisiti musoli so mupamaulinenge.

Tioni 11:2

Lasalusu ane mupipiena ne, vimou Malia ane sema e minixi'u ueli tuma'u laixe no tava'u Tatananenge mo milu­tunu no kisie laxusou.

1 Timoti 1:15

Eni alemolu vaikala vile manina mo laixe so tamitema mukalusi ilomuxu. Aloxo 'o. Kalaisiti Iesua mulu'e no lialia 'o so upamauline'i tamitema so susu. Xe no taine'i tamitema so susu ne la eni loxo a'uli'uli avile.

Tioni 9:31

Nenge telavu lexe Mosinge ulomuxu linga noxi'a tamitema so susu uasisi. Ia loxo itema ena'ei umama'u mo umulinu masaxa noxou Mosingesi, la Mosinge ulomuxu linga noxou.

Tioni 9:24

Ioxe, alaxu tameisou mi'avalou itema e iou selevenu tei olele kaio mivikalanu lexe, “Nasakinu vaikala lexe nini na'itinu Mosinge ualasousi mo navikala maninasi. Nexi telavu lexe anu e mupai­pouneni, anu itema so susu, ne?”

Luku 19:7

Ia ane'i latala mimaisou axone la opone'i tu'umaxu mo minuminuxu lexe, “Ai anu a ulai so uxolu no tasou itema ane so ilixo masumasua to ne!”

Luku 7:34

Mo vaimomo 'o Itema ane molu noxou Mosinge a muxali mo u'ani mo uie. Sila ngingi ngevi­kalasou lexe, 'Ngamaisou anu itema so vune mo ulavusou usipaki. Xe anu vaitami'a tami­tema so itaxusou taxisi oli'a tamitema so susu to!'

Luku 7:36

Xe ili'i la Palisi vile mu'avalou Iesua so ilou i'ani. La anu mulai no tasou Palisi ne mo a oli'a italupexa i'ani no latevolo.