Luku 6:47 - Ata New Testament

⁴⁷ Loxo itema une'e noxilo ulomusou vaikalaxeli mo ulomuxu la apela'ingexu ilixo noxou aloxo 'o.

Luku 6:47 Referans Kwoze

Luku 11:28

Ia anu muko­line lexe, “Uasi, aloxo 'o. Anu laixe noxi'a tamitema ane ilomusou vaikalaou Mosinge mo ilomuxu.”

Tioni 14:15

La Iesua musolonu aloxo 'ola, “Loxo ngingi ngasexelaxo la ngingi ngamulinu voto noxilo mukalusi.

Tiemisi 4:17

Ioxe, mi 'o tangengiou laixe. Loxo nenge talavu mukalu no anu ilixo ane laixe so ta'oxonu io ta'oxonu uasi, la nenge tesusui ane.

Matiu 12:50

Xo tamitema ta'ei ane imulinu masaxa noxou Mosinge, la ane'i tavivilo mo tanenilo ane.”

Tioni 13:17

Ioxe, laso loxo mimi ano'o upalasi noxinge la anu laixe noxinge loxo ngamulinusi.

1 Pita 2:4

Ngingi ngane'ene'e noxou Tata­nanenge xo anu loxo lavo'o ane umamauli. Lavo'o umamauli ne tamitema mimatapianu ia Mosinge muilounu mo musaxisou lexe lailaixe manina.

Ipilu 5:9

Ioxe, lavulavuou so umulinu masaxa noxou Momu mumomomo loloni axone, laso anu muxali tava'u pamauli noxi'a tamitema ta'ei imulinu masaxa noxou. Upa­mauline'i mo so ulosi'a mauli ane kaluxu uasi.

Mupala'a 22:14

Ioxe, ane'i ane mi'uinu lavu­lutii'a la i'osa'ilasi xo ane'i imomomo so i'ani no anu ovu so mauli. Mo ane'i imomomo so i'unalai no anu aitengaxu taoni, evile u'apixa'a uasi.

Luku 14:26

“Loxo itema une'e noxilo ia umatapiane'i momu xe nenu xe semau xe ta'olu xe tavimovimou mo mauli noxou kalumo uasi, la anu umomomo so uxali tisaipelixeli uasi.

1 Tioni 3:7

Ta'alixeli moso 'o, ngalaxa'i laixe mo ngalavu aloxo 'o mo so evile u'oxonu lolongenge uasi. Kalaisiti anu mulapusi laso itema ane mulapu no iou Mosinge aloxo Kalaisiti, la ilixou kalumo ulapusi.

1 Tioni 2:29

Xo loxo ngelavu, anu ilixou Kalaisiti mulapu lolonisi. Laso mi ano'o ngalavusou kalumo, ta'ei ane so i'oxonu ilixo mulapu la ane'i mixali Mosinge ta'olu noxou Kalaisiti ane.

Tioni 10:27

Xo ane'i tasipisipi ane tanoxilo la ilomuxu xolileli mo eni alavusi'a xe ane'i ilavusou imulilelisi.

2 Pita 1:10

Laso ane tavivilo, xavingengi avile so ngapala'anixu no anu ilixomengi lexe anu manina, anu mu'avalinge mo muiloungengi lexe ngingi tamitemaou. Xo loxo ngamaxa'u lexe mi ne maninasou, la vote'i so ngatulatulaki no anu lopala na'a ngingi uasi.

Tioni 6:37

Tamotu ta'ei mukalusi Mamilo upilixine'i noxilo la ane'i ine'e noxilosi ane. Xe loxo ine'e noxiloe la vote'i uasi e uasisi so akusai'ala.

Tioni 6:35

La Iesua muvikala lamana lexe, “Pileti so mauli ne a eni 'osi. Itema aneva une'e noxilo la usolixula uasi. Xe itema ane ulopala noxilo la usoliou lexala uasi.

Tioni 5:40

ia ngingi opongengi u'osa to uasi so ngane'e ngaxalisou mauli noxilo.

Luku 8:13

Xe tamitema se'i ne ane'i ilomusou vaikala ia anu ulapau no opone'i loxo uiti ngiaxu mulapau no lavolavo'o taitainu. Loxo ilomusou vaikala la i'osasou ia loxo uli'u ulu'elai so pumuxu uasi. Anu loxo ilopala se ia maxuveni uasi xe tovotovoto uxalisi'a sila isasalo mo ilapau ixexesi.

Luku 8:8

Ia uiti ngiaxu se'i mulapau no lia lailaixe la muleme xe unene'a laixe mo ai'ainu vilevilesi muxalixu 100.” Iesua mutilovo axone mukalu laso mu'ava lexe, “Itema loxo sangalou la ulomuxu vaikala ano'o.”

Matiu 17:5

La Pita a uvikalasio sila sauma vile muvalukeasi musuasi'a. Laso xoli vile molu no sauma ne muvikala lexe, “Ano'o alixeli ane asexalaxu, eni a'osasou misevile. Ngingi ngalomuxu.”

Tioni 8:52

Taiuta milomu axone la mivi­kalanu aloxo 'o, “Anu ane, nexi telavu manina lexe angelo masua uxolu noxine. Xo Apala'amu muxolu xo la musoli xe tapolopeti axone kalumo. Ia nini to ne ne'oxo lexe itema ena'ei ulomuxu vaika­lameni la uxamulinu soli uasisi.

Luku 6:48

Anu loxo itema umasaxau utulusou tani. Utulusou ia tei la u'asou tanixu ulu'elai avile xe uxalisou lavo'osi laso utulusou tani tava'u no anu. Utulusou xo xe tani ukalui sila anipa toxoxu uxali la lexa u'otu'otunu tani. U'otu'o­tunu ia ukunikuni uasisi, utulu pumuxusi xo tava'u no anu lavo'osi.