Luku 6:37 - Ata New Testament

³⁷ Ioxe, Iesua musolonu aloxo 'ola, “Ngingi ngatilovosi'a tamene­xinge so ngato'oto'ome'axu susu noxi'a uasi, xo loxo 'o io tilovo no anu susu noxinge uto'omenge u'isalili axone. Xe loxo evile ususunixinge la opongengi uiasou susu noxou xo susu noxinge so uiasi axone kalumo.

Luku 6:37 Referans Kwoze

Epesusi 4:32

Ngapilixinu mo nga'oxo aloxo 'o. Ngingi nga'oxo laixe mo tangengingenge ngato'o. Xo susu ma'ia noxi'a tamenexinge la uxolu no xavutalamengi avile uasi. Nga'oxonu loxo Mosinge. Xo ngingi ngexolu noxou Kalaisiti laso anu muiasou susu noxinge avile.

Tiemisi 5:9

Tavivilo, ngakalakalapu noxinge ngato'o mamu xo loxo 'o io Mosinge utilovosou ilixomengi kalumo lexe masua. Ngalomu, anu ane so utilovosou mi ma'ia ta'oxonu a unene'e mo a no aitenga sesi.

Maki 11:25

Xe ngingi vilevilesi, loxo so navikala noxou Mosinge xe oponeni tu'umaxu so menexine vile la naxiunu oponeni so ulu'e noxou. Xo Mosinge anu Maminge a uxoxolu no tualasou mo anu kalumo uiasou susu noxinge.

Kolosi 3:13

Loxo tamenexinge isusunixinge la ngata­vulenusi mo ngalu'enu opongengi noxi'asi. Ngaiasou susu noxinge ngato'o axone xo Tatananenge muiasou susu noxinge ne.

Matiu 5:7

Laixe noxi'a ane'i ane opone'i lelemesou so susu noxi'a tamenexi'a xo ane'i ixalisou iaiama ane.

Matiu 18:30

Ia itema ne u'osa so uvisimolu axone uasi laso mulaixu no tasou lakalavusu so uxolu xo mo ukolinu tina'uxu ne.

Luku 6:36

Xe opongengi mamalaxu noxi'a tamenexinge a loxo Maminge oponu mamalaxu noxi'a tamitema mukalusi.

Luku 23:16

Eni avikala lexe ipuapuasou sika apilixinu ulaisi.”

Ta'aposeli 3:13

Ngalo­mu. Mosinge e Mosi'a Apala'amu xe Aisaki xe Iakovo xe ta'ilusu­nenge, anu molu mu'itinu itema so xaixai noxou e Iesua. Itema e ngingi nge'italonu no avo'a ta'ulaou so ivau usoli. Pailati mulalaxinu oponu lexe u'oxo mi vile noxou uasi, ia ngingi menge ngexiunu tumalinge noxou mo ngevikala lexe uvau.

Tiemisi 2:13

Xo noxi'a tamitema ane ilavusou vote'i so iiaiama noxi'a tamenexi'a uasi, la Mosinge ukolinu ilixo noxi'a mo ulosi'a iaiama uasi. Ia noxinge ane ngalavusou vote'i so ngaiaiama la ngaxalisou iaiama kalumo, xo iaiama uua'ulixu lakolisou susu.