Luku 6:24 - Ata New Testament

²⁴ Ia masua noxinge ngingi ane ngaxolu no anu mimi latanu xo osa noxinge se a ngexolu no anu mukalu 'oe.

Luku 6:24 Referans Kwoze

1 Timoti 6:17

Mo napelototosi'a tamitema ane ixolu no anu mimi latanu lexe mamu so i'itine'i no anu mimii'a ne. Mo mamu so ilopalanu mi ane ukalu paleasi ne. Ilopala noxou Mosingesi xo anu mosou so uitimenge mimi ane uxalixu osa maninasou.

Matiu 6:2

Laso loxo ngingi a so ngapilixinu mi so su'uli noxi'a tamitema ta'oloxola la mamu so ngapalusi'a se'i i'uli laxungengi so itausou piuka. Xo se'i i'oxo axone no anu tatasou lavuloto xe no votevote'i. Ia ane'i ikalavoisi, i'oxonu so tamitema imaisi'a mo i'itine'i no anu. La avikalangengi manina lexe tamitema ane xo ne mino'u lapei'a se anesi, ixalisou mi vilela uasi.

Tiemisi 2:6

Mo axova, ane'i ta'ei so ilosinge tu'umaxu mo ilavengengi nga'u­nalai no lakoti ka itulusinge no anu vaikala? Ane'i ta'oloxola ane ngalavusou ngapamailane'i? Uasi e, ane'i tamosou lamoli e ngata­xane'i olelesi ane.

Matiu 6:16

Xe muvikalala lexe, “Loxo voxo mose'i nga'oxonu ilixo so nga'apingengi no anu la'ilali avile la mamu so nga'oxonu iengi masua aloxo tamitema so kalavoi ilavusou i'oxonu. Xo ane'i ilavusou i'oxo ie'i masua toxonesi mo so tamitema ilavu lexe ane'i a i'apixa'a no anu la'ilali ne. La avikalangengi manina lexe tamitema ane xo ne mino'u lapei'a se anesi, ixalisou mi vilela uasi.

Matiu 6:5

La Iesua musolonu lexe, “Loxo ngavikala noxou Mosinge la nga'oxo loxo tamitema so kalavoi i'oxonu to uasi. Xo ane'i i'osa so itulu ivikala noxou Mosinge no tatasou lavuloto xe no anu kona so votevote'i no taoni. I'oxo axone so tamitema latala ipitanu ie'ii'a. La avikalangengi manina lexe tami­tema ane xo ne mino'u lapei'a se anesi, ixalisou mi vilela uasi.

Luku 6:25

Masua noxinge ngingi ane nga'ani laixe vaimomo 'o xo ili'i la ngasolingenge ane. Masua noxinge ngingi ane ngakeke vaimomo 'o xo ili'i la ngatatama mo iengi lexaxu upeipei.